Kɛ̈ŋ 6:16 - JAM DE NHIALIC 2011

^16-19 Kakë kadhetem ee ka mɛɛn ë Bɛ̈nydït keek, ayï dhoronden acïï ke kɔɔr bï ke tïŋ taitai. Ɣɛ̈ɛ̈c ë nɔm, ku liem ee lueth töör, ku ciin ee raan cïn guöp awäc nɔ̈k, ku piɔ̈n ee karɛc tak, ku cök ee pial ë yät të le kek kërac looi, ku cäätɔ ee käŋ cak ëbɛ̈n, ku raan ee wël rac com në kɔciic.

Kɛ̈ŋ 6:16 Iomraidhean Croise

2 Mel 21:16

Manatha acï kɔc juëc cïn kë cïk wööc nɔ̈k në Jeruthalem thok biic, ale guööt ë wut thar ciëën, mɛt rɔt kekë kë cï yen kɔc ke Juda lɛɛr ë karɛciic abïk karɛc looi në Bɛ̈nydït nyin.

Jop 5:19

Abï yï luäk bei në nuanic ëbɛ̈n, dhetem ayï dhorou abï ciën kë jak yï guöp.

Diɛt 11:5

Bɛ̈nydït ee kɔc rac them ku them kɔc piɛthpiɔ̈ɔ̈th, ku piɔ̈nde aman raan nhiaar akuöörkuöör.

Diɛt 5:7

Ku në biäk ë nhiëërduön agɔk, yɛn duëër bɛ̈n ɣöndu, yɛn bï lam Luaŋduön ɣeric ku guöt a nɔm piny në Yïnɔm në riëëu.

Kɛ̈ŋ 11:1

Kuöc thëm de yic cuëër ee gök de kërɛɛc mɛɛn Bɛ̈nydït, ee thëm piɛth yen anhiɛɛr.

Kɛ̈ŋ 11:20

Liëëp de käŋ ee gök de kërɛɛc mɛɛn Bɛ̈nydït, ku anhiaar kɔc adööt.

Kɛ̈ŋ 12:22

Liem ee lueth töör ee gök de kërɛɛc mɛɛn Bɛ̈nydït, ku anhiaar kɔc ee luui apiɛth.

Kɛ̈ŋ 17:15

Päl de raan de guöp awäc ku kuöm de raan cïn kë cï looi, amɛɛn Bɛ̈nydït keek.

Kɛ̈ŋ 20:10

Kuöc thëm de yic cuëër ee gök de kërɛɛc mɛɛn Bɛ̈nydït.

Kɛ̈ŋ 20:23

Kuöc thëm de yic cuëër ee gök de kërɛɛc mɛɛn Bɛ̈nydït.

Kɛ̈ŋ 21:4

Daai de yic lɛc ku piɔ̈n cï thiäŋ ë lɛc, yen ee many alath ë kɔc ee karɛc looi ku yen ee kërac.

Kɛ̈ŋ 3:32

në luɔi mɛɛn ë Bɛ̈nydït kɔc ee karɛc looi, ku ade aŋäth kekë kɔc piɛthpiɔ̈ɔ̈th.

Kɛ̈ŋ 30:18

Ade käŋ kadiäk ayï ŋuɛɛnden ka cä keek ee yökiic,

Kɛ̈ŋ 30:21

Ade käŋ kadiäk ayï ŋuɛɛnden kak ee piny tɔ lɛthë ku cïï ke lëu në guöm:

Kɛ̈ŋ 30:24

Në ee pinyë nɔm ade läi kor kaŋuan ku apelkï nïïm arëët:

Kɛ̈ŋ 30:29

Ade käŋ kadiäk ayï ŋuɛɛnden ayek cath ke ke ɣɛ̈ɛ̈c kenïïm:

Kɛ̈ŋ 6:15

Në baŋ de ee kënë, abï riääk keek mook ëthiäu të cïn lëk, riääk cïï kek bï kɔn bɛ piath ananden.

Kɛ̈ŋ 8:13

Të dhuëëŋ yïn Bɛ̈nydït guöp, ke yï man kërac. Yɛn man ɣɛ̈ɛ̈c ë nɔm, ku leec ë rɔt, ku maan jam de yic lueth.

Jeremia 26:15

Ku kënë abäk dhil ŋic ë gɔk: Të la wek yɛn nɔ̈k, week në kɔc ke ee pänydïïtë, we bï gup dɛ awäc ë nääk de raan cï kë cï looi, në biäk yen Bɛ̈nydït Yen ë toc yɛn bä week bɛ̈n yɔ̈ɔ̈k.”

Amoth 1:11

Aye Bɛ̈nydït lueel an, “Kɔc ke Edom abä keek luöi këtuc, në biäk de karɛc juëc cïk looi. Arëk abïk kɔc ke Yithriɛl, mïthëkɔcken yɔ̈ɔ̈p në abätɛ̈ɛ̈u, abïk jɔ tïc ëgɔk nɔn cïn en kokdepiɔ̈u tɔ̈u ke keek taitai. Ayek tɔ̈u ke ke diu piɔ̈ɔ̈th aköölnyïïn kedhie. Ku ayek agönhden mukic ananden.

Amoth 1:3

Aye Bɛ̈nydït lueel an, “Kɔc ke Damathko abä keek luöi këtuc, në biäk de karɛc juëc cïk looi. Arëk abïk kɔc ke Giliyad kääm piny në abëël ke käm de thook wiɛth.

Amoth 1:6

Aye Bɛ̈nydït lueel an, “Kɔc ke Gadha abä keek luöi këtuc, në biäk de karɛc juëc cïk looi. Arëk abïk kɔc ke paan tök peec kedhie, ku lek keek gäm kɔc ke Edom.

Amoth 1:9

Aye Bɛ̈nydït lueel an, “Yɛn bï kɔc ke Tayer luöi këtuc në biäk de karɛc juëc cïk looi. Arëk abïk kɔc ke paan tök peec kedhie, ku lek keek gäm Edom, ku cïkï löŋ ë cïk mac në biäk de ŋiëc rëërden be döt.

Amoth 2:1

Aye Bɛ̈nydït lueel an, “Kɔc ke Mowap abä keek luöi këtuc, në biäk de karɛc juëc cïk keek looi. Arëk abïk yom ke bɛ̈ny de Edom nyop abïk aa ŋeth.

Amoth 2:4

Aye Bɛ̈nydït lueel an, “Kɔc ke Juda abä keek luöi këtuc, në biäk de karɛc juëc cïk looi. Arëk abïk wëët de Bɛ̈nydït rɛɛc piŋ, ku cïkï lööŋke muk aya. Acïï yiëth ɣäär yiic keek mɔ̈ɔ̈r, yiëth ɣɔn kɔn ë kuarken keek kuany cök.

Amoth 2:6

Aye Bɛ̈nydït lueel an, “Kɔc ke Yithriɛl abä keek luöi këtuc, në biäk de karɛc juëc cïk looi. Acïk kɔc piɛthpiɔ̈ɔ̈th ɣaac në atek, ku ɣɔckï kɔc kuanynyïïn në war ke cök ke raantök.

Dhek 8:17

Cïn raan ee mänhë luöi kiɛɛr rac në yepiɔ̈u. Duökï lueth ee töör të cä wek gutguut looi. Yɛn man tör, ku lueth, ku akuöörkuöör, kakë amaan keek kedhie.

Nyöŋ 23:18

Ku ayï wëu ye keek bɛ̈ɛ̈i në kueer cït ee kënë, acïï keek bï aa lɛɛr ë Luaŋdïït de Bɛ̈nydït Nhialicden, ke ye miɔ̈c de gutguut, Bɛ̈nydït aman akɔɔrröör ku akɔɔrdiäär de Luɛ̈k yiic.

Nyöŋ 24:4

Në ye ɣäänkë yiic kedhie, acïï monydɛn tueŋë yen duëër bɛ thiaak, abï ë tiiŋë dhil tïŋ ke ee kë cï dhiöök. Na le bɛ nyɔk ë thiëëk, ka abï aa awäc yen cï luöi Bɛ̈nydït. Wek cïï kërɛɛc dïït cït ee kënë bï looi në piny gëmë Bɛ̈nydït Nhialicdun week.

Nyöŋ 25:16

Bɛ̈nydït Nhialicdun aman kɔc ee mɛth.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.