Kɛ̈ŋ 5:21 - JAM DE NHIALIC 2011

²¹ Bɛ̈nydït awoi këriëëc loi ëbɛ̈n. Awoi yïn alɔ të le yïn thïn ëbɛ̈n.

Kɛ̈ŋ 5:21 Iomraidhean Croise

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

Jop 14:16

Ku ëtɛ̈ɛ̈n Yïn bï ya gël ku cïï Yïnyin be wɛ̈l awɛ̈ɛ̈ckï.

Jop 24:23

Aye ke tɔ rɛ̈ɛ̈r ke ke cïï piɔ̈ɔ̈th riɔ̈c, ku döt ke në daai.

Jop 31:4

Ku Yen ee të le yɛn thïn woi, ku ŋic kaam yan ke tëëk thïn ëbɛ̈n.

Jop 34:21

Yen ee të le raan thïn ëbɛ̈n woi.

Diɛt 11:4

Bɛ̈nydït anu luaŋdɛn ɣeric, thöny de Bɛ̈nydït anu paannhial. Ku nyïïnke adɛɛikï, ku ayek mïth ke kɔc them, ku aŋickï kë loikï.

Diɛt 119:168

Yɛn ee lööŋku ku wëëtdu riëëu, Yïn ŋic këriëëc ya looi ëbɛ̈n.

Diɛt 17:3

Yïn ŋic a piɔ̈u. Yïn ee ya neem wakɔ̈u, Yïn cï a them arëët, acïn rɛ̈ɛ̈c cï yök në ya guöp,

Kɛ̈ŋ 15:3

Acïn të cïï nyin ë Bɛ̈nydït ee lɔ thïn, ee kɔc piɛth woi ku kɔc rac.

Kɛ̈ŋ 4:26

Ye kë loi kɔn kiëët ë gɔk, ku jɔ bɛ̈n looi, ke këriëëc loi ëbɛ̈n ke bï ya yic.

Kɛ̈ŋ 5:6

Acie rëër në kueer ë pïïric. Aye nyääŋ piny ke kuc ë yepiɔ̈u.

Jeremia 16:17

Yɛn ee këriëëc loikï ëbɛ̈n woi. Acïn kë cï thiaan tëde Yɛn, karɛcken acïkï ee ban ë Yanyin.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Jeremia 23:24

Acïn raan duëër thiaan të cän ye duëër tïŋ. Cäkkï ŋic nɔn nuö Yɛn ë piny nɔm ëbɛ̈n paan nhial ku piny?

Jeremia 29:23

Kënë abï aa riääkden në biäk cï kek karɛc looi, acïk diëër lei kɔɔr ku acïk lueth lueel ë rin ke Bɛ̈nydït. Kënë acie këde Bɛ̈nydït piɔ̈u, Yen aŋic kë cïk looi, ku ee cäätɔ de kërɛɛc cïk looi. Acïï Bɛ̈nydït lueel.”

Jeremia 32:19

Yïn ee kïït ë pɛlënɔm looi ku loi kadït, Yïn ee këriëëc looi ë raan ëbɛ̈n woi, ku aye ke thieei në kë röŋ ke luɔiden.

Ɣodh 7:2

Akuckï luɔi ŋiɛc Ɛn karɛckɛn loikï kedhie. Acïkï ŋic nɔn ŋiɛc Ɛn këriëëc rɛɛcdɛn loikï ëbɛ̈n. Acïï awɛ̈ɛ̈cken ke gɛɛu cil, awɛ̈ɛ̈cken awɔi keek kedhie në cieŋ.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Nyuuth 2:18

Ku gäär tunynhial de ɣön ë Nhialic nu Thuatira alë: Kakë aluel Wën ë Nhialic keek, raan cït nyin liem ë mac, ku cït cök maläŋ cï lɔ bilbil:

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.