Kɛ̈ŋ 4:18 - JAM DE NHIALIC 2011

¹⁸ Ku kueer de kɔc ɣerpiɔ̈ɔ̈th, acït ɣɛɛr de run ë piny, ë lɔ ke jɔ ɣɛɛr abï piny jɔ ruu ë gɔk.

Kɛ̈ŋ 4:18 Iomraidhean Croise

2 Tham 23:4

acït ɣɛɛr de aköl amiäk ee riau të cïn luät, aköl ee wal tɔ lɔ bilbil të cïï deŋ thëu.”

Jop 11:17

Ku pïïrdu abï riau de aköl kääc cil wöör, ku ka ye tak ke ke cït mɔ̈ɔ̈th abïk ciët aköl amiäk.

Jop 17:9

Ku abïk ŋoot ke ke rɛ̈ɛ̈r në piathëpiɔ̈ndenic, ku abïk lɔ ke ke ŋuak riɛlden nyin.

Jop 23:10

Ku Yen aŋic të nu yɛn, na le ya them, abï ya yök ke ya lɔ gɔk cït adhääp.

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Diɛt 97:11

Ɣɛɛr ee riau tëde kɔc piɛthpiɔ̈ɔ̈th, ku miɛtëpiɔ̈u kekë kɔc lɔ piɔ̈ɔ̈th wai.

Kɛ̈ŋ 13:9

Pïïr de raan piɛth piɔ̈u acït ɣɛɛr ee piny meer, ku kɔc ee karɛc looi ayek lɔ dum piny cït many cï nɔ̈k.

Kɛ̈ŋ 15:24

Kueer ë raan pelnɔm ee pïïr ke cïï lɔ paan ë thuɔɔu.

Kɛ̈ŋ 2:20

Ka yïn, kuany kueer de kɔc piɛthic, ku dɔm pïïr de kɔc piɛthpiɔ̈ɔ̈th.

Kɛ̈ŋ 2:9

Të piŋ yïn jamdï, yïn bï yic ku piathëpiɔ̈u ŋic, ku kïït ë kɔc, ku këpiɛth ëbɛ̈n.

Yith 26:7

Bɛ̈nydït tɔ kueer de kɔc piɛth lipic, kueer ciɛth kek thïn acï kiëët.

Danyel 12:3

Ku bäny Pelnïïm abïk lɔ riauriau në gëlgël de paannhial ëbɛ̈n, ku kɔc cï kɔc juëc wëët në luöi bï kek piathëpiɔ̈u aa looi, abïk riau cï kuɛl aɣet athɛɛr.”

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Math 5:14

Wek ee ɣɛɛrëpiny ë tiɔp nɔm. Pänydït cï yïk ë kuurdït nɔm acïï duëërë lëu në thiën.

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Math 5:45

Yen abä wek aa wɛ̈ɛ̈t ke wuöörduön nu paannhial, yen aye akölde tɔ bɔ̈ bei ë kɔc nïïm kɔc rac ayï kɔc piɛth, ku ye deŋde tɔ tueny të nu kɔc piɛthpiɔ̈ɔ̈th ayï kɔc racpiɔ̈ɔ̈th.

Jɔn 8:12

Go Yecu kɔc yɔ̈ɔ̈k, an, “Yɛn ee ɣɛɛr ë piny nɔm: raan kuany a cök acïï bï cath tëcol, ku bï dɛ ɣɛɛrëpiny de pïïr.”

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

Pilipoi 2:15

ke we bï ciën gääk ku ciënkï gup akɔ̈ɔ̈k, mïth ke Nhialic mïth cïï duëërë gɔ̈k ë remic cil rem ee cath ëdɔkdɔk ku cïï rɔt yal ë kërac, rem aa wek tïc ë keyiic cït man ë kuɛl ë piny riaau,

2 Pet 1:19

Ku wo cath në jam de tït aya, jam yic ëgɔk, jam wär jamë, ku apiɛth tëde week të dɔ̈t wek jamë, luɔi ee yen ciët manyëalath ee riau tëcol, a ruu piny, ago ciëër ë runëpiny rɔt jɔt ë wepiɔ̈ɔ̈th.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

Nyuuth 22:5

Ku acïn wakɔ̈u bï bɛ nu, ku acïkï manyëalath ee kɔɔr, ayï ruɛl ë akɔ̈l, Bɛ̈nydït Nhialic en abï pinyden riaau, ku abïk piny cieŋ aɣet wadäŋ thɛɛr.

Bäny 5:31

Ka kɔc ke aterdu abïk aa thou aya kedhie, Bɛ̈nydït, ku lɔ määthku riauriau cït aköl ë run ë piny! Ku piny acï bɛ̈n dɛ mät në run kathiërŋuan.