Kɛ̈ŋ 3:7 - JAM DE NHIALIC 2011

⁷ Du rɔt ee yök apel nɔm, ye Bɛ̈nydït riëëu, ku päl luɔi de kërac.

Kɛ̈ŋ 3:7 Iomraidhean Croise

2 Tham 12:20

Na wën ke Debid ë jɔt rɔt piny, ku lee waak ku tɔc rɔt ë miök, ku wɛɛr lupɔɔke. Ku lee Luaŋdït lee lɔ̈ŋ. Na wën aacï thök, ke lɔ baai ku thiëëc këcam. Ago lïïmke ye gäm këcam, ku jɔ cam.

Neɣe 5:15

Bɛ̈ny ëbɛ̈n bɛ̈ny ɣɔn cï tɔ̈u ë yanɔm tueŋ aake cï röt tääu në kɔc yiëth, ku aake ye wëu ke atek kathiërŋuan kɔɔr tëde kɔc ke ye këcam ku mɔ̈u në kööl tökic. Ayïï lïïmken aake ye kɔc yɔŋ, ku yɛn kën luui aya, në biäk yan Nhialic riëëu guöp.

Jop 1:1

Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Bɛ̈n 20:20

Go Mothe puɔ̈k nɔm keek an, “Duökï riɔ̈c. Nhialic abɔ̈ tei bï we bɛ̈n them, ku riɔ̈ɔ̈c riääc wek ë yen acïï we bï tɔ loi kërac.”

Kɛ̈ŋ 14:16

Raan pelnɔm ee rɔt tiit ku mec rɔt wei në kërac, ku raan piɔl piɔ̈u acie diɛɛr ë riäŋ bï ye yök.

Kɛ̈ŋ 14:27

Riëëu de Bɛ̈nydït ee awaŋ de pïïr ee raan nyaai në wïn ë thuɔɔuwic.

Kɛ̈ŋ 16:6

Bɛ̈nydït ee kɔc adööt ku kɔc piɛth piɔ̈ɔ̈th päl awɛ̈ɛ̈c. Ka ye Bɛ̈nydït riëëu ke cïn kërac bï yï yök.

Kɛ̈ŋ 23:4

Du rɔt nɛ̈k piny në kɔ̈ɔ̈r ë kuɛth, ye nɔm pɛl ke yï bï rɔt tiit në ka ye piɔ̈ndu ke kɔɔr. Kake kuɛth ayek tëëk ë wïl ku pɛ̈ɛ̈rkï nhial cït man ë cuɔɔr.

Kɛ̈ŋ 26:12

Aŋuɛ̈ɛ̈n ë raan piɔl piɔ̈u në raan ee rɔt tïŋ cït kë pel nɔm.

Kɛ̈ŋ 26:5

Ye wël ke raan piɔl piɔ̈u bɛ̈ɛ̈r në jäny, ke cïï bï lueel nɔn pel en nɔm.

Kɛ̈ŋ 28:11

Raan kueth aduëër rɔt tïŋ cït ke pel nɔm, ku raan kuanynyin tiëër nɔm ee täu de ëraanë guɔ ŋic.

Kɛ̈ŋ 28:26

Kɛn ë rɔt në täŋdu yetök ee pial ë piɔ̈u, ku cäth në pɛlënɔmic ee ye gël.

Kɛ̈ŋ 8:13

Të dhuëëŋ yïn Bɛ̈nydït guöp, ke yï man kërac. Yɛn man ɣɛ̈ɛ̈c ë nɔm, ku leec ë rɔt, ku maan jam de yic lueth.

Wɛ̈ɛ̈t 12:13

Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Yith 5:21

Amawoou në week! Kɔc ee röt tïŋ cï ka ŋic käŋ ku pɛlkï nïïm.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Romai 12:16

Takï piɔ̈ndun e tök. Duökï wepiɔ̈ɔ̈th ë tuöm ka ke bäny, yak rëër apiɛth në kɔc cïn naamden. Duökï röt ë leec an, pɛlkï nïïm.