Kɛ̈ŋ 20:3 - JAM DE NHIALIC 2011

³ Raan agööth täc nïïm ee dhuëëŋde, ku raan piɔl piɔ̈u yen acïï agööth ee lïïr nïïm.

Kɛ̈ŋ 20:3 Iomraidhean Croise

Cäk 13:7

Wël aake ye röt looi në kaam ë kɔc ee ɣɔ̈k ke Abram tiit, në kɔc ee ɣɔ̈k ke Lɔt tiit. Ku kɔc ke Kanaan ayï kɔc ke Peridh aake ŋoot ke ke rɛ̈ɛ̈r në pinyë yic.

Cäk 13:8

Ago Abram lɛ̈k Lɔt an, “Yɛn wo yïn, wok ee kɔc tök. Kɔc luui yɛn, ku kɔc luui yïn acïkï rɔ̈ŋ bïk aa gɔ̈th ë röt.

2 Mel 14:9

Go Jowac melik de Yithriɛl pɔ̈k nɔm Amadhia melik de Juda an: “Të cï kuɔɔth nu ë kuur ë Lebanɔn nɔm tuöc thok thidar an: ‘Gämë ya nyandu bïï wëndï thiaak.’ Go lɛ̈n roor bɛ̈n ku thil piny.

Kɛ̈ŋ 14:17

Raan ee dap gɔ̈th apiɔl piɔ̈u, ku raan ee kiɛɛr rac tak aye maan.

Kɛ̈ŋ 14:29

Raan ee käŋ täc nïïm ee käŋ yökiic, ku pial ë piɔ̈u ee këde raan ee dap gɔ̈th.

Kɛ̈ŋ 16:32

Raan cie dap gɔ̈th aŋuän në raan ril në tɔŋic, ku ŋuän raan ee yethok tiit në raan dɔm wut.

Kɛ̈ŋ 17:14

Të cïï agɔ̈th e thar cak aye dap duöm piny ke cï bï ɣeer, aduëër ciët wɛ̈ɛ̈r cïï thɔc dhuɔɔŋ.

Kɛ̈ŋ 18:6

Liem de raan piɔl piɔ̈u ee ateer bɛ̈ɛ̈i ku dui.

Kɛ̈ŋ 19:11

Pɛlënɔm acïï raan ee dap tɔ göth, ku ee dhuëëŋ të yen akɔ̈ɔ̈k täc nɔm.

Kɛ̈ŋ 21:24

Kɔc ee kenïïm ɣääc, luɔiden ëbɛ̈n ee ya lɛc ë rɔt, ku aye ke cɔl kɔc ee dɔl gup.

Kɛ̈ŋ 26:17

Raan agönh mɛɛn yök ku nyuel rɔt thïn ee ciët raan ee jöŋ lɛɛn cath tïŋ ku dɔm yïth.

Epethiei 4:32

ku yak röt theek wapäc, yak piɔ̈ɔ̈th kok ë röt, abäk röt aa pɔ̈l, ë ŋɛk ë ye ŋɛk päl kë cï wööc, cït man cï Nhialic we pɔ̈l në biäk de Kërtho.

Jakop 3:14

Ku na yak yiic dɛ tiɛɛl kec ku dɛkï piɔ̈ɔ̈th ater, ke we duökï röt ee leec, ku duökï yic ee cäk thok.

Jakop 4:1

Ye tɔɔŋ bɛ̈n tënou ku ye piɔ̈t ee kɔc piɔ̈t bɛ̈n tënou bïk ë weyiic? Cïkï ee bɛ̈n ë ŋɔ̈ɔ̈ŋ ee we dɔm, ŋɔ̈ɔ̈ŋ ë tɔŋ biök ë ka ke wegup yiic?