Kɛ̈ŋ 15:2 - JAM DE NHIALIC 2011

² Jam de ŋïnydekäŋ ë raan pel nɔm ee kɔc diir, ku thuäär kɔc piɔl piɔ̈ɔ̈th thook në wël cïn naamden.

Kɛ̈ŋ 15:2 Iomraidhean Croise

Diɛt 45:1

Piɔ̈ndï acï thiäŋ kekë wëlpiɛth, të la yɛn ke ya piɔny melik. Liemdï ë rɔt guiir cït man ë raan ŋic gäär aläl.

Diɛt 59:7

Piŋ lɛ̈ɛ̈tden kekë guɛ̈ɛ̈kden, liëpken acïtkï abätɛ̈ɛ̈u në ke thook, ku aŋoot ke yek tak an cïn raan piŋ keek.

Kɛ̈ŋ 12:23

Kɔc ee nïïm tiëër ayek kethook tiit, ku thuäär dhän thook në ka ɣääriic.

Kɛ̈ŋ 13:16

Raan tiëër nɔm ëbɛ̈n ee luui në kë ŋic, ku ciɛɛl kɔc piɔl piɔ̈ɔ̈th pial ë piɔ̈nden.

Kɛ̈ŋ 15:23

Ŋiëc bëër ee kɔc tɔ mit piɔ̈ɔ̈th ku apiɛth arëët të lueelë yen në akööl rɔ̈ŋ ke keek.

Kɛ̈ŋ 15:28

Raan piɛth piɔ̈u ee kɔn ciët, ke kën bëër, ku raan ee karɛc looi ee thok thuäär në karɛc.

Kɛ̈ŋ 15:7

Ŋïny de käŋ aye thiäi piny në kɔc pel nïïm, ku aliu tëde kɔc piɔl piɔ̈ɔ̈th.

Kɛ̈ŋ 16:23

Raan pel nɔm ee jam ë kë ŋic, ku kë lueel yen ee kɔc puk piɔ̈ɔ̈th.

Kɛ̈ŋ 5:2

Ku ëtɛ̈ɛ̈n, yïn bï rɔt ŋiëc kiɛm piny, ku kë ye lueel abï kë ŋic nyuɔɔth.

Wɛ̈ɛ̈t 10:14

Raan piɔlpiɔ̈u ee jam cuuth. Acïn raan ŋic kë bï tuöl, ku acïn raan bï wok lɛ̈k kë bï rɔt lɔ̈ɔ̈k looi në wocök.

Wɛ̈ɛ̈t 5:3

Cït man ye jamdït pialëpiɔ̈u bɛ̈ɛ̈i, yen acït jamëpiɔ̈u ee nyuöth bɛ̈ɛ̈i.

Yith 50:4

Bɛ̈nydït Awärjäŋ acï a wɛ̈ɛ̈t në jam, aguɔ kɔc cï dak riit piɔ̈ɔ̈th. Në run ë piny ë ceŋ ee yɛn tɔ kɔɔr luɔi bän tïŋ në kë bï Yen a wɛ̈ɛ̈t.