Kɛ̈ŋ 14:30 - JAM DE NHIALIC 2011

³⁰ Piɔ̈n cïï kajuëc ee tak ee guöp tɔ piɔl, ku tiɛɛl acït tëtök cie dem.

Kɛ̈ŋ 14:30 Iomraidhean Croise

Kɛ̈ŋ 17:22

Miɛt ë piɔ̈u ee pial ë guöp bɛ̈ɛ̈i, ku jiɛthëpiɔ̈u ee riɛl nyaai ë raan guöp.

Kɛ̈ŋ 3:8

Të looi yïn en aya, aduëër ciët wɛ̈ɛ̈l piɛth cï tääu ë tëtöökku yiic, ku tɔ ke dem, go arɛɛmdu ŋuɛ̈ɛ̈n.

Jop 5:2

Kɛc ë piɔ̈u kekë tiɛɛl ayek dhɔ̈n nɔ̈k.

Kɛ̈ŋ 12:4

Tiiŋ piɛth ee göl ë monyde, ku tiiŋ cïn guöp riëëu acït tëtök apajic në yuɔɔmde yic.

Kɛ̈ŋ 4:23

Kiɛmë yïnɔm piny në kueer yïn tɛk thïn, pïïrdu abï täŋdu ye kiɛm piny.

2Tim 1:7

Nhialic akën wo gäm piɔ̈n ë riɔ̈ɔ̈c, ee piɔ̈n ë riɛldït, ku nhiëër, ku pɛlënɔm, en aa gëm wook.

Romai 1:29

Ayek piɔ̈ɔ̈th thiäŋ në racdepiɔ̈u, dhööm, kɔ̈ɔ̈r ë kërac, wui de kalei, luɔi de anyääk, ayek thiäŋ në tiɛɛl, näk, ater, ruëëny, cuɔlëpiɔ̈u, ayek mantuum,

Diɛt 119:80

Tɔ yɛn rïïu lööŋku apiɛth ku bïï yɛn päl ayär cï ya tiaam.

Diɛt 112:10

Kɔc rac ayek ee kënë tïŋ ku göthkï, ayek ke lec reem ku jiëlkï, kë ye kɔc rac kɔɔr ee kë cïn naamde.

Jakop 4:5

Ku yak lueel ë wepiɔ̈ɔ̈th an, “Këcïgɔ̈ɔ̈r ee ɣɔ̈ric lueel? Wëi cï tɔ rɛ̈ɛ̈r ë woyiic ye ŋɔ̈ɔ̈ŋ ke dɔm ayï tiɛɛl?”

Luɔi 7:9

Na wën, ke kuarkuɔn thɛɛr ke ke dɔm tiɛɛl në Jothep, agokï ɣaac tɔkï leerë Rip: ku tɔ̈u Nhialic kekë yen tei,

Kɛ̈ŋ 15:13

Miɛt ë piɔ̈u ee tïc ë raan nyin, ku tɔ dhiën ë piɔ̈u raan cath ëduuŋduuŋ.

Ɣabakuk 3:16

Yɛn ëbɛ̈n lath yäc wën piɛŋ ɛn ee kënë ëbɛ̈n, yɛn cï bɛ̈n lath röl në riɔ̈ɔ̈c. Guɔ guöp lɔ bath, ku lɛthë yacök të wën kääc ɛn. Yɛn bï tïït ë lik në bɛ̈n bïï ë kööl bïï ë Nhialic kɔc ee wook mak bɛ̈n luöi këtuc.

1 Mel 21:6

Go yɔ̈ɔ̈k, an, “Yɛn ë jam wokë Naboth raan ë Jedhreel, guɔ yɔ̈ɔ̈k, an, Gämë yɛn domduön ë enap në wëu ku na ŋuɛ̈ɛ̈n tëde yïn, ke yïn bä wɛ̈ɛ̈r dom däŋ ë enap go bɛ̈ɛ̈r, an, yïn cä bï gäm domdiën de enap!”