Kɛ̈ŋ 13:22 - JAM DE NHIALIC 2011

²² Raan piɛth ee kajuëcke nyäŋ mïthke, ku kajuëc ke raan ee karɛc looi aye Nhialic ke lɔ̈ɔ̈k tɔ lɛk ë kɔc piɛth piɔ̈ɔ̈th.

Kɛ̈ŋ 13:22 Iomraidhean Croise

Edhr 9:12

Duökï röt bï ya thiëk në ee juöörkë ku cäkï ciɛɛŋden dɔmic, ku duökï kajuëcken kɔɔr taitai, ke we bï riɛl ku bäk kapiɛth ke ee pinyë cam ku bï mïthkun piny lɔ̈ɔ̈k lak aɣet athɛɛr.

Diɛt 102:28

Mïth ke awuutku, abïk rëër ë nɔm lääu, ku Yïn abï keek gël. Ku kuatden abïï ke kony.

Diɛt 112:2

Mïth ke raan piɛth abïk riɛl ë piny yic, kuat de raan lɔ piɔ̈u wai abï thieei.

Diɛt 128:6

Bɛ̈nydït abï Yïn tɔ pïïr abä mïth ke mïthku tïŋ! Mät abï tɔ̈u ke Yithriɛl!

Diɛt 37:25

Yɛn aaye meth, ku ënɔɔnë yɛn cï dhiɔp, ku yɛn kën raan piɛthpiɔ̈u kɔn tïŋ ke cï päl wei, ku yɛn kën mïth ke raan piɛthpiɔ̈u tïŋ alip këcam.

Kɛ̈ŋ 17:6

Kɔcdït ayek aa dhuëëŋ në mïth ke mïthken, ku mïth ayek kenïïm lɛc në wärken.

Kɛ̈ŋ 28:8

Raan ee känyke ŋuak nïïm, kake ayek bɛ̈n lɔ tëde kɔc ee kɔc kuanynyïïn kuɔny.

Wɛ̈ɛ̈t 2:26

Raan ee Nhialic tɔ mitpiɔ̈u aye gäm pɛlënɔm, ku ŋïnydekäŋ ku miɛtëpiɔ̈u, ku raan ee karɛc looi aye Nhialic gäm luɔɔi de mɛ̈ɛ̈t ë käŋiic ku kun de käŋ nïïm, bï ke lɔ gäm raan mit ë Nhialic piɔ̈u ke yen. Kënë ayadäŋ ee ɣɔ̈ric, acït cum de yom cök.