Kɛ̈ŋ 13:16 - JAM DE NHIALIC 2011

¹⁶ Raan tiëër nɔm ëbɛ̈n ee luui në kë ŋic, ku ciɛɛl kɔc piɔl piɔ̈ɔ̈th pial ë piɔ̈nden.

Kɛ̈ŋ 13:16 Iomraidhean Croise

Diɛt 112:5

Thieithieei në raan ee miööc në piɔ̈n ɣer, ku tɔ luɔide cath ke cïn ruëëny.

Kɛ̈ŋ 14:33

Pɛlënɔm ee rëër në raan ë käŋ yökiic piɔ̈u, ku akuc ë raan piɔl piɔ̈u.

Kɛ̈ŋ 15:2

Jam de ŋïnydekäŋ ë raan pel nɔm ee kɔc diir, ku thuäär kɔc piɔl piɔ̈ɔ̈th thook në wël cïn naamden.

Kɛ̈ŋ 18:2

Raan piɔl piɔ̈u acie diɛɛr në kë bï yökic, ee luɛl në kë ye tak yen anhiɛɛr.

Kɛ̈ŋ 21:24

Kɔc ee kenïïm ɣääc, luɔiden ëbɛ̈n ee ya lɛc ë rɔt, ku aye ke cɔl kɔc ee dɔl gup.

Wɛ̈ɛ̈t 10:13

Aye gɔl në jam dhɔ̈ɔ̈n, ku thïk kecök në wël rac ke miɔ̈ɔ̈l.

Wɛ̈ɛ̈t 10:3

Na cak raan piɔlpiɔ̈u cath kueer, acïï käŋ ee yökic, ku aye raan ëbɛ̈n guɔ ŋic nɔn piɔl en piɔ̈u.

Yith 52:13

Aye Bɛ̈nydït lueel an, “Awundï abï tiam në luɔide yic, abï riëëu guöp arëët.

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Romai 16:19

Ku piŋ piɛŋ wek löŋ acï ɣet tëde kɔc kedhie. Aguɔ piɔ̈u miɛt në baŋdun, ku ënɔɔnë yɛn kɔɔr luɔi bä wek aa kɔc pelnïïm të lɔ këpiɛth, ku yak kɔc kuc käŋ të lɔ kërac.

1 Kor 14:20

Wek mïthëkɔckuɔ, duökï bï aa mïthiikë në ŋïnydekäŋ, yak aa mïththii ateteet në racdepiɔ̈u tei, ku në ŋïnydekäŋ yak aa röördït.

Epethiei 5:17

Yen duö wek röt tɔ ye kɔc mum nïïm, yak röt tɔ ye kɔc ŋic këde piɔ̈n ë Bɛ̈nydït.

1 Tham 25:17

Yen tëde ka ënɔɔnë takkic apiɛth ku tïŋ kë bä looi, në biäk cïï riääk thiök kekë bɛ̈nyda, ku paande ëbɛ̈n. Ee raan rac aläl ku acïn raan duëër en jam de piŋ!”

1 Tham 25:25

Bɛ̈nydï du yïpiɔ̈u wël raan ee karɛc looi cɔl Nabal. Yen acït guöp rinke ëdhöc. Rinke ee rin ke dhɔ̈n. Ku dhɔ̈ɔ̈n ee cath kekë yen. Ku në biäkdï yɛn lïmdu, yɛn kën kɔc ë tooc bɛ̈nydï tïŋ.