Kɛ̈ŋ 10:18 - JAM DE NHIALIC 2011

¹⁸ Raan ee män moony ee lueth töör, ku aciɛɛth wël apiɔl piɔ̈u.

Kɛ̈ŋ 10:18 Iomraidhean Croise

2 Tham 3:27

Na wën aacï Abener ɣëët Ɣebron, ke jɔ Jowap këde thɛl të lɔ agäu thok, ku jɔ rɔt looi cï raan de jam kɔɔr bïï lɛ̈k Abener në kɛm ken kaarou, go Jowap Abener guɔ gutic në tɔŋ, ku jɔ Abener guɔ thou. Go Jowap Abener nɔ̈k guur mänhë, në baŋ yen Abener yen ë näk Athaɣel mänhë Jowap.

Diɛt 101:5

Ku yɛn bï raan ee kɔc tuöm gup karɛc nɔ̈k, ku raan rɔ̈th ku raan ee rɔt lɛɛc acä bï pɔ̈l.

Diɛt 12:2

Ayek röt tɔ̈ɔ̈r lueth kedhie, ayek röt math kapäc në ka cït yith.

Diɛt 15:3

ku cïkï kɔc kɔ̈k ee cäk gup. Ku cïn kë yek wäc määthken ku acïkï tuum de raan rëër kek ee caath.

Diɛt 5:9

Jam ye kɔc ke aterdï lueel acïï duëërë ŋɔ̈ɔ̈th, ee riääk yetök, yen kɔɔrkï. Jamden ee luenh täc, ku athiäŋ ke mɛth rac.

Diɛt 50:20

Yïn ee nyuc ku jam në ater wokë wänmuuth, ku yïn ee wën ë moor läät.

Diɛt 55:21

Wëlke atɛ̈ckï cït man ë miök yat, ku aman kɔc në yepiɔ̈u thïn, wëlke ayek kɔc dɔ̈m mïth cï miök, ku ayek tem cït abätɛ̈ɛ̈u moth thok.

Bɛ̈n 23:1

“Du tör ee caath, ku du raan de guöp awäc ee kuɔny në gɛm gɛm yïn löŋ lueth.

Jeremia 6:28

Keek kedhie ayek kɔc ril nïïm ee käŋ rɛɛc gam, arilkï cï maläŋ ku wëëth. Acïk riääk kedhie, ayek cath ke ke ciɛɛth tuum.

Jeremia 9:4

Ŋɛk abï rɔt dhil aa tiit ë mɛ̈thëde, ku ë cïn raan ŋäth mänhë, në biäk cï kɔc ëbɛ̈n mɛth looi cï Jakop, ku raan ëbɛ̈n ee mɛ̈thë jääm guöp.

Lebai 19:16

Du raan ee cäk thok, ku du lueth ee caath në kɔc yiic. Ku du kë bï wei ke raan rɛ̈ɛ̈r wek mɔ̈ɔ̈r ye looi. Ee Yɛn Bɛ̈nydït.

1 Tham 18:29

Go Thaulo riɔ̈ɔ̈c aläl në Debid, ku jɔ Debid mɔ̈k ater në pïïrde yic ëbɛ̈n.