Jowɛl 3:9 - JAM DE NHIALIC 2011

⁹ Lɛ̈kkï juöör ee jamë an: ‘Guiɛkkï tɔŋ, ku thɛrkï tɔɔŋkun thook, ku määtkï jöötkuön ke tɔŋ yiic. Takï rem de tɔŋ cut rɔt tëthiɔ̈k, ku ë ke miööc tɔŋ.

Jowɛl 3:9 Iomraidhean Croise

Diɛt 96:10

Lɛ̈kë juöör ëbɛ̈n an, “Bɛ̈nydït ee Melik! Piny acï tääu tëde ku acïï duëërë nyaai, abï löŋ de kɔc guiir në yic.”

Yith 34:1

Bäkkï, kɔc ke juöör ëbɛ̈n! Matkï wenïïm ku piëŋkï. Takï piny nɔm ëbɛ̈n kekë këriëëc nu thïn bɔ̈ ee tënë ku pïŋ.

Jeremia 31:10

Aye Bɛ̈nydït lueel an, “Juöör piɛŋkï kë luɛɛl, ku yak wëlkï luɛɛl ë bɛ̈i mec nu ë wɛ̈th tɔ̈u lɔɔk. Yɛn cï kɔckiën ke Yithriɛl thiɔ̈i ku abä ke määt yiic, ku abä ke tiit cït man ye tïn ë thök lunyde tiit.

Jeremia 50:2

“lɛ̈kë thok juöör! Guiir jam! Nyuɔɔthë kïït ku caalë thok! Du muk ke ee kë cï moony! Babilon acï wïïk! Marduk yanhde acï dhuööŋ! Yiëth ke Babilon acï keek tɔ yäär gup, yiëthkɛn nhiany gup acï ke dum yiic!

Jeremia 51:11

Bɛ̈nydït acï meliik ke Media tuök nhial, në biäk cï Yen ye guiir nɔn bïï En Babilonia riɔ̈ɔ̈k. Yen kueer bïï Yen riääk de luaŋde guöör ka. Bɛ̈ny de rem mɛk wut ee kɔc yɔ̈ɔ̈k an, “Cuɔthkï wiɛthkun thook! Guiirkï köötkun apiɛth!

Jeremia 51:27

“Gamë kïn bïï ë mɛk! Kuɔthkï kaaŋ ago ë juöör piŋ! Guiɛɛrkï juöör në tɔŋ bïk thɔ̈ɔ̈r ë Babilonia! Lɛ̈kë ciɛɛŋ ke Ararat, ku Minni, ku Acekenadh bïk mɛk looi. Kuanykï bɛ̈ny de tɔŋ bï tɔŋ de mɛk wat. Bɛ̈ɛ̈ikï jöŋgöör cït tëŋ de kɔyɔm.

Jeremia 6:4

Abïï ŋɛk aa lueel an, “Kiëëtkï röt bäk Jeruthalem mak! Guiɛɛrkï röt! Abuk mak aköl!” Ku abïk jɔ lueel an, “Amawoou wok cï gääu, akɔ̈l ë guɔ bɛ̈n cil, ku atïïp athɛ̈i acïk bɛ̈n.

Edhekiɛl 38:17

Wek aye kɔc ɣɔn thɛɛr jaam Yɛn në biäkden, wään caal ɛn en në kueer de awuutkï, tit ke Yithriɛl, në akööl bï bɛ̈n tueŋë, yɛn bï kɔc bï Yithriɛl bɛ̈n mak bɛ̈ɛ̈i.” Acïï Bɛ̈nydït Awärjäŋ lueel.

Edhekiɛl 38:7

lɛ̈kë yen bïï rɔt coc kekë remdɛn ë tɔŋ ke ke tit yöökdɛn bïï yen ke yɔ̈ɔ̈k.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Ɣagai 2:7

Aye Bɛ̈nydït de rɛm lueel an, Yɛn bï juöör pɔ̈k piny kedhie, ka wëuken abïk guëër eenë, ka Luaŋdït abï thiäŋ ke athiɛɛi.

Dhek 14:2

Bɛ̈nydït abï juöör bɛ̈ɛ̈i tëtök bïk tɔŋ bɛ̈n luöi Jeruthalem, pänydït abïï nööm, ɣööt abï keek yak yiic, ku diäär abïï keek wiëët, ku biäk töŋ de kɔc abïï keek peec, ku kɔc kɔ̈kkë abïk döŋ ë pänydïtic acïï keek bïï jɔt.

Dhek 14:3

Ku ëtɛ̈ɛ̈n Bɛ̈nydït abï lɔ biic, ku lee thɔ̈ɔ̈r kekë juöörkë, cït man cï en kɔn thɔ̈ɔ̈r në akööl ɣɔn cï wan.