Jowɛl 2:1 - JAM DE NHIALIC 2011

¹ Kuɔthkï kaaŋ në Dhiɔn, lɛ̈kkï kɔc në kuurdiën ɣeric nɔm. Takï kɔc cieŋ piny lɛthë kedhie. Kööl ë Bɛ̈nydït ë guɔ thiɔ̈k.

Jowɛl 2:1 Iomraidhean Croise

1 Lëk 15:28

Go kɔc ke Yithriɛl kedhie lɔ në Athänduŋ de män ë Bɛ̈nydït Jeruthalem, ke ke loi awuɔɔu ë miɛt de piɔ̈u, ku kothkï kɛŋ, ku tuŋ, ku aruöör, ku gutkï thoom.

Diɛt 119:120

Yɛn ee riɔ̈ɔ̈c në biäkdu, yɛn cï yic thiäŋ wokë riɔ̈ɔ̈c, në biäk de guiëër ë löŋdu.

Diɛt 87:1

Bɛ̈nydït ë pänydïïtde yïk në kuur cï thieei nɔm,

Bɛ̈n 10:14

Gɔt aa bɔ̈ ke ye luny, ku nyuuc piny ë Rip ëbɛ̈n. Aa ye luny dïït ë gɔt, luny kënë kɔn tïŋ ë caaŋde, ku acïï bï bɛ nyɔk ë tïŋ ë yen.

Yith 13:6

Arɔ̈ɔ̈l në arɛɛm! Kööl ë Bɛ̈nydït ë thiɔ̈k, kööl bï Nhialic Awärjäŋ riääk bɛ̈ɛ̈i.

Yith 13:9

Kööl ë Bɛ̈nydït abɔ̈, ee kööl de tuöcdɛn cï Yen gɔ̈th arëët ku ŋeeny arëët. Piny abï aa jɔ̈ɔ̈ric ku raan ee kërac looi ëbɛ̈n abï riɔ̈ɔ̈k.

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Jeremia 16:10

“Të lee yïn keek lɔ lëk ee kakë kedhie, abïk yïn luɔp an eeŋö duöi Ɛn keek atuc aya. Abïk aa lop an ee kërɛɛc ŋö cuk looi, aa awäny ŋö cuk luöi Bɛ̈nydït Nhialicden.

Jeremia 16:7

Acïn raan bï cam ku dëk kekë raandäŋ ke bïï muk piɔ̈u në biäk cïï raan nhiɛɛr thou. Acïn raan bï dhiënëpiɔ̈u nyuɔɔth, acakaa raan cïï wun thou ku nɔn ee man.

Jeremia 4:5

Kuɔthkï kɛŋ në baai yic ëbɛ̈n! Wuɔukï në röldït lɔ gɔk! Lɛ̈kkï kɔc ke Juda kekë Jeruthalem bïk kat ke ke lɔ në pɛ̈ɛ̈nydït cï gël yiic.

Jeremia 5:22

Ee Yɛn ee Bɛ̈nydït, eeŋö cä wek ee riɔ̈ɔ̈c ë Yɛn? Eeŋö cïï ë week ee lath ë yanɔm? Yɛn cï liɛɛt tɔ yë aken de wɛ̈ɛ̈r, aken kääc tëde cïï duëërë teem kɔ̈u. Wɛ̈ɛ̈r aduëër amaŋ looi, ku acïï duëër lɔ ë baŋtui, apiöök aduëër rɔt looi, ku acïï duëër dhoŋ kɔ̈u.

Edhekiɛl 12:23

Ënɔɔnë lɔ lɛ̈kë keek, kë luɛɛl yɛn Bɛ̈nydït Awärjäŋ në biäk de ee kënë. Yɛn bï ee kääŋë tɔ kääc. Acïï bï bɛ nyɔk ë luɛl në Yithriɛl. lɛ̈kë keek ee kënë në nyinde yic: Akööl acïk bɛ̈n, ku kë cï caar acï aa yic!

Edhekiɛl 21:12

Dhiau mɛnh ë raan, yen abätäuwë aa luiyë kɔc ku në biäk de bäny ke Yithriɛl. Abï keek lɔ nɔ̈k, në kɔckiën kɔ̈kë kedhie. Biäkï weɣɔ̈ɔ̈m në jiɛthëpiɔ̈u!

Edhekiɛl 30:3

Kööl acï thiɔ̈k, kööl bïï Bɛ̈nydït këde piɔ̈nde looi, Kööl de luät ku nuan de juöör.

Edhekiɛl 33:3

Të cïï yen kɔc ka ater tïŋ abɔ̈, raanë ee kaaŋ kooth lëk en kɔc.

Edhekiɛl 33:6

Ku na cï tïït kɔc ke ater tïŋ ke ke bɔ̈ ku cïï kaaŋ koth, ke kɔc ke ater abïk bɛ̈n bïk kɔc de gup awɛ̈ɛ̈cë bɛ̈n nɔ̈k, ku yɛn bï gääk tääu në tïït yeth në biäk de thon ee kɔckë.

Edhekiɛl 7:10

Akööl ke riääk abïkï tëde Yithriɛl. Akuöörkuöör alɔ ke dït. Lɛc acï lɔ nhial.

Edhekiɛl 7:12

Akööl acïk bɛ̈n. Akööl acïk thiɔ̈k, akööl bïï ɣɛɛc ku ɣööc de käŋ ciën naamden, në biäk bïï agönh ë Nhialic lööny ë kɔc yiëth kedhie athöŋ.

Danyel 6:26

Acä lɛ̈k kɔc wundï ëbɛ̈n an, raan ëbɛ̈n ë ye riɔ̈ɔ̈c ku rïïu Nhialic de Danyel. “Yen ee Nhialic pïïr, ku abï piny cieŋ aɣet athɛɛr. Ciɛɛŋde acïï bïï riɔ̈ɔ̈k taitai, ku riɛlde acï kɔn thɔ̈k.

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Danyel 9:20

Guɔ jɔ ŋoot ke ya läŋ, ku gam karɛckï, ku karɛc ke kɔckï Yithriɛl, ku caal Bɛ̈nydït Nhialicdï, në biäk bï yen ɣöndɛn ë Bɛ̈nydït ɣeric bɛ tɔ yïk.

Ɣodh 5:8

Kuɔthkï kɛŋ ke tɔŋ në Gibia, ku lɛ̈kkï kɔc ke Rama. Kiɛɛukï tɔŋ në Bethaben. Guiɛɛrkï röt baai de Benjamin ee wek abï tɔŋ miɔ̈ɔ̈c.

Ɣodh 8:1

Aye Bɛ̈nydït lueel an, “Kuɔthkï kɛŋ, cuɔɔr agör Yithriɛl, në baŋ cïï kɔckï löŋdï dhoŋ kɔ̈u, ku dhäŋkï wëëtdï yic.

Jowɛl 1:15

Ee kööl rɛɛc cït ŋö! Në baŋ cï kööl ë Bɛ̈nydït thiɔ̈k. Abï ya kööl ë riääk ë bɔ̈ tëde Nhialic Awärjäŋ.

Jowɛl 2:11

Bɛ̈nydït ee rel në rem de tɔŋde nɔm tueŋ. Rem de tɔŋ ee löŋde riëëu ajuëckï ku arilkï. Kööl ë Bɛ̈nydït ee kööldïït tuc thok! Eeŋa bï ye lëu në guöm?

Jowɛl 2:15

Kuɔthkï kaaŋ në kuur ë Dhiɔn nɔm, caalkï thɛ̈k, ku calkï amatnɔm ɣeric!

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Jowɛl 3:14

Kuut dïït ë kɔc ë guëër ëbɛ̈n në wak de tɛ̈m ë löŋic. Në luɔi cïï kööl ë Bɛ̈nydït thiɔ̈k në wak ë tɛ̈m ë löŋic.

Jowɛl 3:17

“Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?

Amoth 5:18

Amawoou në week, wek kɔc kɔɔr bɛ̈n de kööl ë Bɛ̈nydït. Eeŋö kɔ̈ɔ̈rkï kööl ë Bɛ̈nydït? Ku abï ya kööl col ë cut tëde week, ke cie kööl ɣer.

Amoth 8:2

Go Bɛ̈nydït a luɔp an, “Eeŋö cï tïŋ Amoth? Guɔ puk nɔm an, “Ee diöny de mïth ke tiim amäi. Go ë Bɛ̈nydït lɛ̈k ɛn an, “Akööl ciëën acïk bɛ̈n tëde kɔckiën ke Yithriɛl. Yɛn cïï A nɔm bï bɛ waar në luɔi bän keek luöi këtuc.

Obadaya 1:15

Ago Bɛ̈nydït jam lueel an, “Akööl acïk thiɔ̈k, akööl bän juöör ke piny nɔm luöi këtuc kedhie. Kë cäk looi wek kɔc ke Edom, yen abï bɛ luöi week. Kë man ë luɔikï, yen abï rɔt bɛ puɔ̈k week.

Dhep 1:14

Kööl bï Bɛ̈nydït löŋ de kɔc guiir ë thiɔ̈k arëët, ka ë ɣëët, yen ee köölë abï kɔc gäm gök de dhiënëpiɔ̈u, ku ayï jööt man ril ke tɔŋ abïk dhiau arëët në ciën aŋäth de kuny yökkï.

Dhep 1:16

ee kööl cï thiäŋ kekë awuɔɔu de röl ë kɛŋ ke tɔŋ, ku röl de kiɛɛu de rem de tɔŋ mɛk pɛ̈ɛ̈nydït cï gël ku ɣööt bär cï yïk ë kuur.

Dhep 1:7

Lak lik në Bɛ̈nydït Nhialic nɔm, në luɔi cï akööl thiɔ̈k, kööl bï Yen nyuc ke guiir löŋ. Bɛ̈nydït akïït kɔcke bïï ke gam ke ke ye miɔ̈c näk, ku acï kɔc ke ater cɔɔl bïk Juda bɛ̈n yakic.

Dhep 3:11

Në ee köölë wek kɔckï, wek cïï gup bï bɛ riɔ̈ɔ̈c në biäk ɣɔn cä wek A rɛɛc. Yɛn bï raan ëbɛ̈n nyaai, raan ee yenɔm ɣääc de guöp lɛc, ku wek cïï Ya bï bɛ rɛɛc në kuurdiën ɣeric nɔm.

Dhek 14:1

Kööl bï Bɛ̈nydït nyuc ë thööc nɔm ë thiɔ̈k. Ëtɛ̈ɛ̈n Jeruthalem abïï yakic, ku ka cï yak abïï keek tek ë wenyïïn.

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Kuɛ̈n 10:2

“Loi kɛŋ ke atek kaarou në atek cï deŋ, ke bï yïn ke akutnɔm de kɔc aa cɔɔl, ku lueel yïn ke kuɛth kuëëth ë kɔc.

Kuɛ̈n 10:3

Ku të cï ë keek koothiic kaarou, ke akutnɔm de kɔc kedhie abïk aa guëër në yïlɔ̈ɔ̈m në paany de mät thok.

1 Kor 14:8

Ayï kaaŋ, të cï en e röl guɛ̈l, röl dhal kɔc, eeŋa bï rɔt guik ë tɔŋ?

Pilipoi 2:12

Yen ka, wek kɔckiën nhiaar, acït man aa wek jam piŋ ë caŋɣɔn, ku acie të nuö yɛn etök, yak kunyduön ë wëi looi, kunydun guöp, luɔikï abäk thöl në riɔ̈ɔ̈c ku lɛ̈thëguöp, ku bäk cök ë luɔɔi wek en arëët ënɔɔnë të liɛɛu ɛn,

1 Theth 5:2

Wegup aŋiɛckï ëgɔk nɔn bï aköl ë Bɛ̈nydït bɛ̈n cït man ee cuɛ̈ɛ̈r bɛ̈n wakɔ̈u.

Jakop 5:8

Ku week, yak piɔ̈ɔ̈th liɛɛr ayadäŋ, cök ë ruɔm wek wepiɔ̈ɔ̈th, bɛ̈n ë Bɛ̈nydït ë guɔ thiɔ̈k.

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

Nyuuth 6:17

kööldïït ë agönhdɛn dït acï guɔ ɣëët, ku eeŋa duëër kɔ̈ɔ̈c lëu?”