Jowɛl 1:9 - JAM DE NHIALIC 2011

⁹ Miɔ̈c ë rap, ku miɔ̈c ye dek acïï kɔyɔm keek tɛɛm wei Luaŋdïït de Bɛ̈nydït, ka bäny ke kake Nhialic, ayï kɔc luui Bɛ̈nydït adhiaukï në biäk cïn en miɔ̈c gëmkï Bɛ̈nydït.

Jowɛl 1:9 Iomraidhean Croise

2 Lëk 13:10

“Ku wok ŋoot ke wo luui Bɛ̈nydït Nhialicda ku akënku nyääŋ piny. Ku bäny ke kake Nhialic kuat de Aron ayek ŋoot ke ke loi luɔiden, ku aye kɔc ke Lebai ke kuɔny.

Bɛ̈n 28:1

Na wën, ke lëk ë Bɛ̈nydït Mothe an, “Cɔl Aron kekë wɛ̈ɛ̈tke, yï Nadap kekë Abiɣu, ku Eleyadhar, ku Yithamar. Kuënyë ke bei në Yithriɛlic, ke ke bï Ya luööi ke ke ye bäny ke kake Nhialic.

Yith 61:6

Ku wek bï jɔ ŋic ke we ye bäny ke kake Bɛ̈nydït, lïïm ke Nhialicda, we bï dhuëëŋ de kajuëc ke juöör cam Ku jakkï röt leec nɔn ye kek kakun.

Dhiëëu 1:16

“Yeka wat yɛn nyin wokë pïïu. Acïn raan dut ɛn piɔ̈u, ku acïn raan riit ɛn piɔ̈u. Raan de ater acï yɛn rum, kɔckï acïn kë cï döŋ tëde keek.

Dhiëëu 1:4

Acïn kɔc ee bɛ bɛ̈n në Luaŋdïtic, në akööl ɣeriic ke läm. Duet wään ee ket thïn acï keek thɛl wei, ku bäny de kake Nhialic adhiaukï, ku kɛ̈l ke pänydït thook alek liŋliŋ, ku Dhiɔn guöpde atök.

Ɣodh 9:4

Acïkï miɔ̈c de mɔ̈u bï bɛ aa gäm Bɛ̈nydït. Ku nɔn gɛmkï miɔ̈cdɛn ye nyop ëbɛ̈n acïï Bɛ̈nydït bï bɛ aa miët piɔ̈u. Miɔ̈cdɛn yek gamë, abï ciët këcam de dhiëëu. Ku raan ëbɛ̈n raan lɔ yen cam, abï ye tɔ rac guöp. Abïk këcamden aa cam në biäk de cɔŋden yetök. Acïkï bï aa bɛ̈ɛ̈i Luaŋdït ke ye miɔ̈c.

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Jowɛl 1:16

Rap ariɔ̈k keek në wo nyïïn ke cïn kony. Acïn miɛtëpiɔ̈u nu Luaŋdïït de Nhialicda.

Jowɛl 2:14

Eeŋa ŋic en, tɛk däŋ, duëër Bɛ̈nydït Nhialicdun yenɔm waar, ku thieei week në rɛɛp juëc. Ku ëtɛ̈ɛ̈n aduɛ̈ɛ̈rkï gäm miɔ̈c ë rap ku miɔ̈c ye dek.

Jowɛl 2:17

Ku takï bäny ke kake Nhialic läŋ, bäny ee Bɛ̈nydït luööi në kaam de yïk kekë Luaŋdït. Ë ke dhiau ku lɛ̈ŋkï: an, “Kok piɔ̈u we kɔcku, Bɛ̈nydït. Du kɔc ke nɔmdu tɔ biɔn gup, du ke bï tɔ ye kääŋ yup në juööriic. Acïï rɔ̈ŋ bï kɔc aa lop an, “Nu Nhialicdu ë nou?”