Jop 1:11 - JAM DE NHIALIC 2011

¹¹ Ënɔɔnthiinë, riɛnyë Yïciin tueŋ da, ku jak këriëëcdɛn tɔ̈u ke yen, abï Yï lat ë Yïnyin!”

Jop 1:11 Iomraidhean Croise

Cäk 26:11

Ku jɔ Abimelek kɔcke yɔ̈ɔ̈k an raan lɔ Yithaak luöi këdäŋ, ku nɔn yen tiiŋde, abï nɔ̈k.

Jop 1:12

Go Bɛ̈nydït lɛ̈k Catan an, “Yeka, këriëëc cath ke yen ëbɛ̈n anu në yïciin, ee Jop guöpde, yen acï bï jak.” Ku ëtɛ̈ɛ̈n, ke Catan acï jɔ bɛ̈n jäl ë Bɛ̈nydït lɔ̈ɔ̈m.

Jop 1:21

Go lueel an, “Yɛn aa bɔ̈ bei yiëëc në yacin ku yɛn bï jäl në yacin, ee Bɛ̈nydït Yen aa miɔ̈c ku acï bɛ puk nɔm, ë rin ke Bɛ̈nydït ë ke piɔny!”

Jop 1:5

Ku të cïï akööl ke dhuëëŋken thäär thök, ke Jop abï ke tuöc kanäk bï awɛ̈ɛ̈cken waak wei, ee rɔt jɔt adurduur ku gɛm miɔ̈c ye nyop ëbɛ̈n thöŋ ke kuën ë mïthke kedhie, në luɔi ye Jop e lueel ë yepiɔ̈u an, cï mïthke dhil wäc, cïk Nhialic lat ë kepiɔ̈ɔ̈th. Aye Jop cool ke looi aya.

Jop 19:21

Yak piɔ̈ɔ̈th kok në yɛn määthkï, yak piɔ̈ɔ̈th kok në yɛn, në biäk cï Nhialic Yecin tääu në yaguöp.

Jop 2:3

Go Bɛ̈nydït Catan thiëëc an, “De të cïn Jop tïŋ, raandiën ee Ya luöi ku piŋ Athok? Acïn raan kït kek në ee pinyë nɔm, yen ee raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛc yiic. Yen aŋoot ke kääc në piath ë piɔ̈nde yic aril, cakaa nɔn cï yïn Ɛn wëŋë, ke bä lɔ riɔ̈ɔ̈k ke cïn kë cï looi.”

Jop 2:5

Ënɔɔnthiinë, riɛnyë Yïciin tueŋ da, ku jak yuɔɔmde ku guöpde, abï Yï lat ë Yïnyin”

Jop 2:6

Go Bɛ̈nydït lɛ̈k Catan an, “Yeka, anu ë yïcin, ee wëike kek acï bï jak.

Jop 2:7

Ku ëtɛ̈ɛ̈n, ke Catan ë jɔ bɛ̈n jäl ë Bɛ̈nydït lɔ̈ɔ̈m, ku tɔ Jop toŋ guöp ke tëtöök juëc, acï ye thiɔ̈ɔ̈ŋ guöp ëbɛ̈n, gɔl në cökic piny ale guöt ë yenɔm nhial.

Jop 2:9

Ku ëtɛ̈ɛ̈n acïï tiiŋde lɛ̈k en an, “Ŋuɔɔtë ke yï kääc aril në piathëpiɔ̈ndu yic? Lat Nhialic ku jɔ thou.”

Jop 4:5

Ku ënɔɔnë, ë bɛ aa yïn, ku yïn cïï yïpiɔ̈u be lëu në muk, acï yï yök ku yïn ë riɔ̈ɔ̈c arëët.

Diɛt 105:15

“Duökï awuutkï cï lɔc jak, duökï tïtkï jak.”

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 65:3

Ayek yɛn tɔ göth ë ceŋ ke ke cïï gup ee riɔ̈ɔ̈c. Ayek yiëth gäm miɔ̈c në duum yaath yiic, ku nyopkï wal ŋïr në yïk ke yiëth nïïm.

Yith 8:21

Kɔc abïk tai ë piny nɔm, abïk piɔ̈ɔ̈th jiɛth ku nɛ̈k cɔk keek. Në ŋɔ̈ɔ̈ŋden ku në agönhden yic, abïk melikden ku Nhialicden läm aciɛɛn. Ku aduëërkï tënhial woi,

Dhek 2:8

Kë cï Bɛ̈nydït de rɛm lueel kï. Të ɣɔn cï yen ɛn dhuëëŋ guöp, ku juöör cï kɔcke peec la lɛ̈k keek an, “Raan lɔ we jak, ka ë nyin cooldï jakic.

Nyuuth 12:10

Guɔ röl dït piŋ, röl jam paannhial, lueel, an, “Kunydewëi ë bɛ̈n ënɔɔnë, ku bɔ̈ riɛldït, ku ciɛɛŋ de Nhialic, ku riɛl ë Kërthode, në cuɛt wën cï raan ë mïthëkɔckuɔ gaany cuat piny raan ë keek gaany ë Nhialicda nɔm aköl ku wakɔ̈u.

Nyuuth 16:11

ku yek Nhialic de paannhial läät në baŋ de rɛm reemëke gup ku në baŋ de tëtööken, ku reeckï kepiɔ̈ɔ̈th puk ë luɔidɛn rac.

Nyuuth 16:21

Ku lööny kɔi dït piny nhial löönykï ë kɔc nïïm, thiek de kɔi tök akït kekë cuaal bɔ̈ɔ̈ric: go kɔc Nhialic aa läät në baŋ de riääk de kɔi, riääk riëëk en piny adït aläldïïtë.

Nyuuth 16:9

Go kɔc nyop ë tuöc dït: ku yek rin ke Nhialic läät Raan de riɛl ë ka ye piny riɔ̈ɔ̈kë nïïm, ku reeckï kepiɔ̈ɔ̈th puk piɔnykï.