Jona 4:2 - JAM DE NHIALIC 2011

² Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

Jona 4:2 Iomraidhean Croise

1 Mel 19:4

Ku le roor guöpde ciɛth ë akööl tök, le ku nyuuc ë tim thar, ku jɔ rɔt läm thuɔɔu lueel an, “Ë loi, ënɔɔnë, Bɛ̈nydït, nyaaiyë wëikï yɛn cïï kuarkuɔ wär!”

Diɛt 103:8

Bɛ̈nydït ade kokdepiɔ̈u ku nhiëër, acie dap göth ku athiäŋ ke nhiëër agɔk.

Diɛt 145:8

Bɛ̈nydït ee nhiëër ku ee piɔ̈u kok, acie dap gɔ̈th ku nhiëërdɛn agɔk adït.

Diɛt 78:38

Ku Nhialic aaye piɔ̈u kok kekë kɔcke. Acï keek päl awɛ̈ɛ̈cken, ku akën keek riɔ̈ɔ̈k. Aköölnyïïn kedhie aa agönhde dɔ̈m kɔ̈ɔ̈c, ku tɔ ŋeenyde tɔ lir.

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Diɛt 90:13

Agut cï nɛn yen bïï agönhdu jɔ thök? Kokëpiɔ̈u wekë awuutku Bɛ̈nydït!

Bɛ̈n 32:14

Na wën, ke Bɛ̈nydït ë waar E nɔm, ku cïï kërɛɛc kɔɔr aa lui kɔcke be looi.

Jeremia 18:8

ku na cï ee jurë rɔt puk në karɛcke yiic, Yɛn cïï kë cä lueel an luɔi bï looi.

Jeremia 20:7

Bɛ̈nydït Yïn cï yɛn math, ku yɛn cï math. Yïn ril awär yɛn, ku yïn cï ya tiaam. Ku raan ëbɛ̈n ee ya dɔl guöp, ayek ya bui guöp akööliic ëbɛ̈n.

Jeremia 26:13

Wek bï kueerduön ya wek rëër ku kakuön yak looi dhil waaric, ku we bï Bɛ̈nydït Nhialicdun dhil riëëu, na lak looi, abï yenɔm waar në riääk cï lueel an bïï yiɛ̈n week.

Jeremia 42:10

‘Na kaarkï bäk ŋoot ke we rɛ̈ɛ̈r ee pinyë, ke we bä yïk abäk lɔ nhial, wek cä ke bï thuöör piny, wek bä com, wek cä bï cuän bei. Riääk cä yiɛ̈n week acï Yɛn tɔ jeth piɔ̈u aläl.

Amoth 7:3

Go Bɛ̈nydït piɔ̈u kok, ku lueel an, “Në biäk de lɔ̈ŋdu, kë cï tïŋë acïï rɔt bï bɛ looi.

Amoth 7:6

Go Bɛ̈nydït këde bɛ pɔ̈l, ku lueel an, “Kënë, acïï rɔt bï bɛ looi aya.

Jona 1:3

Go Jona yenɔm cɔ̈k Tarcic, an kɔt në Bɛ̈nydït. Ago lɔ Jopa ku yök abël wïïr ëtɛ̈ɛ̈n, ke kɔɔr lɔ wun mec cɔl Tarcic. Ago wëu ke ariöpde yen kɔ̈u cuat piny, ku jɔkï ger ke ke lɔ Tarcic, të cïï yen Bɛ̈nydït bï bɛ tïŋ nyin.

Jona 3:10

Go Nhialic ka cïï kɔc ke Ninebe looi ëbɛ̈n tïŋ, ku tïŋ luɔi cï kek kepiɔ̈ɔ̈th puk në päl pɛ̈l kek täu rɛɛcden, ago Yenɔm waar në riäŋ wään cï than piny an, bï luöi keek, ku akën ke bɛ̈n luöi këtuc.

Jona 3:9

Na de të bïï Nhialic E piɔ̈u puk, ago löŋ waaric, nɔn de të bïï Yen agönhde pɔ̈l, ke wo cïï bï thou! Go kɔc ke Ninebe jam de Nhialic gam, ku yöökkï röt bïk thek, keek kedhie ayï mïth ayï röördït, ku tɛ̈ɛ̈u kɔc lupɔɔ ke cuɔl ë kekɔ̈ɔ̈th, yen abï ye nyuɔɔth nɔn cïï kek karɛcken pɔ̈l.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Luk 10:29

Go kɔɔr luɔi bï en rɔt kɔl, en ee raanë, ku jɔ Yecu thiëëc an, “Ku raan rɛ̈ɛ̈r ke yɛn yen eeŋa?”

Nyöŋ 4:31

Ee Nhialic de kokëpiɔ̈u, acïï week bï pɔ̈l, ku acïï week bï riɔ̈ɔ̈r nyïïn, ku acïï nɔm bï määr në män cï looi guöpde kekë kuarkun.