Jona 1:2 - JAM DE NHIALIC 2011

² Lueel an, “Lɔ Ninebe, gök de pänydïïtë, ku guiëërë kɔc nu thïn jäny bän ke luöi këtuc. Kërɛɛcden ë dït ka cï Ya riɔ̈ɔ̈k piɔ̈u.

Jona 1:2 Iomraidhean Croise

Cäk 10:11

Ku ëtɛ̈ɛ̈n, ë bɛ̈n lɔ Athiriya, ku lee Ninebe yïk kekë Riɣoboth Yir, ku Kala.

2 Mel 19:36

Ago Thenakerip melik de Athiriya jäl ku puk rɔt wunden Ninebe.

2 Lëk 28:9

Ku ade tiët de Bɛ̈nydït ëtɛ̈ɛ̈n ë Thamaria cɔl Oded. Go bɛ̈n bei bïï bɛ̈n yök ke rem de tɔŋ de Yithriɛl ke ke muk kɔckɛn ke Juda cïk peec, ku të wën aa jɔkï lɔ Thamaria, go ë tiët lueel an, “Bɛ̈nydït Nhialic de kuarkun aa göth kekë Juda, yeka cä wek keek tiam, ku acï nääkdït cä wek keek nɔ̈k piŋ paannhial.

Edhr 9:6

Ku luɛɛl an, “Nhialic, yɛn cï yäär ka yɛn cï guöp riɔ̈ɔ̈c arëët bä yanyin wɛ̈l Yïn, awɛ̈ɛ̈ckuɔ acïk thɔc ka cïk wo wöör nïïm, acïk ɣet abïk nhial cuööp.

Yith 37:37

Na ɣɔn cï tɔ̈u aya, ke Thenakerip melik de Athiriya puk rɔt, ku lee Ninebe.

Yith 58:1

Aye Bɛ̈nydït lueel an, “Wuɔukï në röldït, cït të duëër röldun cuööp. Lɛ̈kkï kɔckiën ke Yithriɛl awɛ̈ɛ̈cken!

Jeremia 20:9

Ku të luɛɛl yɛn en an, “Yɛn bï nɔm määr ë Bɛ̈nydït, ku yɛn cïï bï bɛ jam ë rinke,” ke jamdu acït many dɛ̈p ë ya yic thïn. Acä them aläldïïtë në luöi bän ye muk, ku acïn luöi duëër yɛn en bɛ lëu në guöm.

Edhekiɛl 2:7

Abä keek lɛ̈k këriëëc ëbɛ̈n bä lɛ̈k yïn an luel, na bïk piŋ ku nɔn cïkkï bï piŋ. Ŋic nɔn ye kek kɔc ril nïïm.

Ɣodh 7:2

Akuckï luɔi ŋiɛc Ɛn karɛckɛn loikï kedhie. Acïkï ŋic nɔn ŋiɛc Ɛn këriëëc rɛɛcdɛn loikï ëbɛ̈n. Acïï awɛ̈ɛ̈cken ke gɛɛu cil, awɛ̈ɛ̈cken awɔi keek kedhie në cieŋ.

Jona 3:2

“Lɔ Ninebe gök de pänydïïtë, ku guiëërë kɔc nu thïn löŋ wään cä kɔn lɛ̈k yïn.”

Jona 3:3

Go Jona jam de Bɛ̈nydït gam ku dhil lɔ Ninebe, ku yen ee gök de pänydït ye caathic në nïn kadiäk.

Jona 4:11

Ku na Yɛn, cä duɛ̈ɛ̈r diɛɛr në këde Ninebe adï, gök de pänydïïtë! Ku ade yic kuën wär bot ku kathiërrou de agum 120,000 ke kɔc cït mïth thiiakäŋ kuc ka loi röt, ku lɔ ɣɔ̈k kɔ̈k mac thïn ayadäŋ.

Maika 3:8

Na yɛn, yɛn thiäŋ wokë riɛl ku Wëi ke Bɛ̈nydït. Yɛn cï riit piɔ̈u, ku gëmë ya yic, bän baai de Yithriɛl lɛ̈k awänyden, ku guiëër keek kërɛɛc cïk looi.

Naɣum 1:1

Jam kï, jam ë bɔ̈ në biäk de wun cɔl Ninebe. Jam ë tïŋ ë Naɣum, raan wun Elekoc ke ye nyuuth.

Naɣum 3:19

Tëtökdu acï yic dɛ apajic, ka acïn kë duëër ke kɔn bɛ tɔ dem taitai. Raan ëbɛ̈n, raan ë ye piŋ nɔn cï yïn wïïk, ee yecin biɔ̈ɔ̈k në miɛtëpiɔ̈u, në luɔi cïn en raan kën akuöörkuöördu thiëëp thok.

Math 10:18

yeka, ku we bï bɛ̈ɛ̈i ë bäny ke luök nïïm ayï meliik nïïm në biäkdï, aguɔkï aa cäätɔkɛn ë keek tɔ jäny, ku yek juöör tɔ jäny ayadäŋ.

Math 12:41

Kɔc ke Ninebe abïk röt jɔt ëkööl ë guiëërëlöŋ kekë rem de ënɔɔnë, agokï yiëk yeth gääk, acïk kepiɔ̈ɔ̈th puk në guëër cï Jona ke guiëër wël, ku tiëŋkï, raan kï eenë, raan wär Jona.

Jakop 5:4

Wɔikï, ariöp de kɔc ee luui kɔc ee duumkun tem, ariöp cäk pɛ̈n keek ë cuëër, amoc kiɛɛu, ago kiɛɛu de kɔc tëm jɔ ɣet ë Bɛ̈nydït yïc, Bɛ̈nydït Awärjäŋ.

Nyuuth 18:5

Karɛcke acïk kenïïm kut ka cïk paannhial cuööp, go Nhialic enɔm tak ë luɔidɛn rɛɛc ye looi.