Jocua 9:4 - JAM DE NHIALIC 2011

⁴ ke matkï nɔn bïï kek Jocua math. Agokï lɔ tëde Jocua cït kɔc ë toc tëmec ka mulken ë aɣɛ̈ɛ̈ckï në cual cï nuat kɔ̈ɔ̈th, ku mukkï mɔ̈u në atheep cï dhiapiic, atheep cï piël ku cï ke niɔp kɔ̈ɔ̈th.

Jocua 9:4 Iomraidhean Croise

Cäk 34:13

Ago mïth ke Jakop Cekem math kekë Ɣamor wun, në luɔi cï Cekem Dina nyankënëden yɔ̈ɔ̈r.

Diɛt 119:83

Yɛn cïn kony cït dhïïm de mɔ̈u cï yic rɛɛt, ku yɛn kën nɔm määr në lööŋku.

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Math 9:17

Ayï mɔ̈n cï piac dhiim acie tääu ë athep thɛɛr yiic, na loi yen aya, ke atheep abïk yiic rɛɛt, ago mɔ̈u lɔ wei, ku riääk atheep, mɔ̈u cï piac dhiim aye tääu ë atheep cï piac looi yiic, agokï tɔ̈u apiɛth kedhie.”

Mak 2:22

Ku acïn raan ë mɔ̈n cï piac dhiim tääu ë atheep thɛɛr yiic: na loi en aya, ke mɔ̈n cï piac dhiim abï atheep reet yiic, go mɔ̈u lɔ wei, ku riääk atheep: mɔ̈n cï piac dhiim aye tääu ë atheep cï piac coŋ yiic.”

Luk 16:8

Go bɛ̈nyde raan rac nu ë dhiënde nɔm leec në luɔi cï en pɛl: wɛ̈ɛ̈t ke piny de ënɔɔnë ayek wɛ̈ɛ̈t ke ɣɛɛrëpiny wöör në pɛl ë remdenic.”

Jocua 9:12

Tiëŋkï kuïïnkuɔn cï pam, aake mor ɣɔn jël wok wunda, ke wo bɔ̈ të nu wek. Ku ënɔɔnë tiëŋkï luɔi cï kek riɛl, ku acïk buk.

Jocua 9:13

Ku atheep ke mɔ̈u aya, piɛth ɣɔn gëm wok keyiic, ku ënɔɔnë tiëŋkï luɔi cïï kek riääk. Ku lupɔɔkuɔ, ayï wɛɛrkuɔ acïk riääk në cäthdïït ë jël wok të mec.”

Jocua 9:3

Na wën aa piŋ kɔc ke Gibiɔn yen kë cïï Jocua luöi kɔc ke Jeriko ku kɔc ke Ai,

Jocua 9:5

Ku tɛ̈ɛ̈ukï lupɔɔ cï rɛt ë kekɔ̈ɔ̈th, ayï war cï niɔp. Ku nömkï kuïïn cï pam ril ku cïk buk.