Jocua 9:1 - JAM DE NHIALIC 2011

¹ Na ɣɔn, aa lɔ meliik ee kënë piŋ kedhie, meliik nu në wɛ̈ɛ̈r de Jordan kɔ̈u në wuöt ke piny ë kuur, ku meliik nu në kur ke wakic yiic, në Wɛ̈ɛ̈rdïït ɣer yɔu alɔ guut Lebanɔn. Meliik ke kɔc ke Ɣit kekë kɔc ke Amor, ku Kanaan, ku Peridh, ku Ɣib, ku Jebuth.

Jocua 9:1 Iomraidhean Croise

2 Tham 24:7

Gokï lɔ wun cï gël de Tayer, ku lekï ë wuöt yiic kedhie, wuöt ke kɔc ke Ɣib, ku kɔc ke Kanaan. Na wën, ke ke jɔ ɣet Biirceba wun nu të lɔ wöuwic de Juda.

Bɛ̈n 23:23

Tunynhialdï abï cath ë wenïïm tueŋ, ku abï we lɛɛr piny de Amor, ku Ɣit, ku Peridh, ku Kanaan, ku Ɣib, ku Jebuth, ku abäk keek riɔ̈ɔ̈k.

Bɛ̈n 23:31

Ku pinydun abï rɔt gɔl në Wɛ̈ɛ̈r Thith agut cï Wɛ̈ɛ̈rdïït ɣer. Ku gɔl në wɛ̈ɛ̈r ë Yuparat ale guööt ë jɔ̈ɔ̈ric. Ku wek bä gäm riɛl bä wek kɔc cieŋ ee pinyë cuɔp wei.

Bɛ̈n 3:17

Ka yen acï Yen en tak nɔn bï Yen week bɛ̈ɛ̈i bei piny ë Rip, ku leer week piny ë kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth, piny ee wat ë ca ku miök ë kiëc!’ ”

Bɛ̈n 34:11

Gamkï lööŋ guiëër ke week ee köölë. Yɛn bï kɔc ke Amor ciɛɛc wei në wenïïm tueŋ, ayï kɔc ke Kanaan, ayï kɔc ke Ɣit, ayï kɔc ke Peridh, ayï kɔc ke Ɣib, ayï kɔc ke Jebuth.

Kuɛ̈n 13:29

Ku kɔc ke Amalek rëër piny thar ciëën të lɔ wöuwic. Ku kɔc ke Ɣit, ayï kɔc ke Jebuth, ayï kɔc ke Amor arëërkï piny ë kuur. Ku kɔc ke Kanaan aa rëërkï në Wɛ̈ɛ̈r Ɣer yɔu, ku në wɛ̈ɛ̈r de Jordan kɔ̈u.”

Kuɛ̈n 34:6

Ku akenduön nu të lɔ aköl athɛ̈i abï aa Wɛ̈ɛ̈rdïït ɣer.

Nyöŋ 1:7

Cuɔckï röt ku lakï piny ë kuur de kɔc ke Amor, ku lɔ ɣään thiɔ̈k ëtɛ̈ɛ̈n në Araba ku Jordan yɔu kedhie, ku kur nïïm ku lɔ të lɔ aköl athɛ̈i ku të lɔ wöuwic, ku të lɔ Wɛ̈ɛ̈rdïït ɣer yɔu ku piny de Kanaan kekë Lebanɔn lɔɔr abä ɣet wɛ̈ɛ̈r dït yɔu, wɛ̈ɛ̈r ë Yuparat.

Nyöŋ 3:25

Tɔ yɛn tem wɛ̈ɛ̈r de Jordan tei Bɛ̈nydït, ke ya bï piny piɛth tɔ̈u lɔɔk lɔ tïŋ, ayï piny lɛ̈k de piny ë kuur ku Lebanɔn.’

Nyöŋ 4:49

ku mɛ̈tkï ëtök në Araba nu ë wɛ̈ɛ̈r de Jordan nɔm lɔɔk të lɔ aköl amiäk, leer ë Wɛ̈ɛ̈r de Araba, ɣëët piny nu ë kuur de Pithga thar.

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Jocua 1:15

Agut të bï Bɛ̈nydït keek kɔn tɔ rum piny nu në wɛ̈ɛ̈r de Jordan kɔ̈u baŋ të lɔ aköl athɛ̈i ëbɛ̈n. Piny cïï Bɛ̈nydït Nhialinydun gäm keek, ku tɔ keek lɔ̈ŋ. Ku ëtɛ̈ɛ̈n, wek bï wenïïm jɔ dɔ̈k, bäk bɛ̈n piɔ̈ɔ̈t pinydun eenë në wɛ̈ɛ̈r de Jordan kɔ̈u baŋ të lɔ aköl amiäk. Të cï Mothe awun ë Bɛ̈nydït gäm week.”

Jocua 1:4

Pinydun abï rɔt gɔl në jɔ̈ɔ̈ric agut cï Lebanɔn, aɣet cï wɛ̈ɛ̈r ë Yuparat. Abï piny ë kɔc ke Ɣit nööm ëbɛ̈n, lee në Wɛ̈ɛ̈rdïït ɣer nu aköl athɛ̈i.

Jocua 10:23

Ago kök liep thok, ku bïïyë meliik bei, melik de Jeruthalem, ku melik de Ɣebron, ku melik de Yarmuth, ku melik de Lacic, ku melik de Egolon

Jocua 11:17

Piny gɔl rɔt në kuur de Ɣalak të lɔ wöuwic në Edom lɔ̈ɔ̈m, agut cï Baalgad të lɔ rut, në bäny ë Lebanɔn në kuur de Ɣermon. Jocua acï cieŋ ke piɔ̈t ke meliik ceŋ ee pinyë, ku acï ke bɛ̈n tiaam, ku nɛ̈k keek kedhie.

Jocua 13:5

Ayï piny de Gebalai, ku piny de Lebanɔn ëbɛ̈n alɔ guut të lɔ aköl amiäk. Gɔl në Baalgad në kuur ë Ɣermon kɔ̈u të lɔ wöuwic, ku winy Ɣamath thok.

Jocua 15:12

Yen aken ë Juda baŋ të lɔ aköl athɛ̈i ka. Yen piny ë cieŋ ë kɔc ke Juda ka.

Jocua 22:4

Ɣɔn Bɛ̈nydït Nhialicdun acï Yithriɛl thɔ̈n mät. Ku ënɔɔnë, acï gäm keek. Ka week jakï röt puɔ̈k tëduön wään cï Mothe awun de Bɛ̈nydït gäm week ke ye tëdun në lɔŋ de wɛ̈ɛ̈r de Jordan kɔ̈u të lɔ aköl amiäk.

Jocua 22:7

Ku Mothe acï piny ë Bacan gäm biäk de dhiën ë Manatha nu të lɔ aköl amiäk. Ago Jocua piny tɔ̈u në Jordan kɔ̈u të lɔ aköl athɛ̈i gäm biäk de dhiën ë Manatha tɔ̈u të lɔ aköl athɛ̈i. Go ke thieei ku jɔ ke puɔ̈t kueer.

Jocua 23:4

Ku aŋiɛckï nɔn cän dhiëënken tɛ̈k piiny ke juöör, tɔkï ee piinyken, piiny ke juöör ŋoot ke ke kënë peec, ku piiny ke juöör cä peec, gɔl në Jordan ale guut Wɛ̈ɛ̈rdïït ɣer kɔ̈u të lɔ aköl athɛ̈i.

Jocua 24:11

“Ku ëtɛ̈ɛ̈n, wek ë Jordan bɛ̈n teem kɔ̈u, ku lakï Jeriko. Na wën, ke kɔc ke Jeriko ë ke gäm në week, ayï kɔc ke Amor, ayï kɔc ke Peridh, ayï kɔc ke Kanaan, ayï kɔc ke Ɣit, ayï kɔc ke Girgac, ayï kɔc ke Ɣib, ayï kɔc ke Jebuth. Guɔ keek tɔ tiamkï kedhie.

Jocua 3:10

Yen abä wek en jɔ ŋic ë gɔk luɔi nu ë Nhialic Pïïr në weyiic, ku gamkï aya yen luɔi bï Yen kɔc ke Kanaan cuɔp wei në wenïïm tueŋ, ku cop kɔc ke Ɣit, ku kɔc ke Ɣib, ku kɔc ke Peridh, ku kɔc ke Girgac, ku kɔc ke Amor, ku jɔ aa kɔc ke Jebuth.

Jocua 3:17

Ku bäny ke kake Nhialic wën ɣɛ̈ɛ̈c athänduŋ de män ë Bɛ̈nydït, aake kääc të ril në wɛ̈ɛ̈r de Jordanic cil. Ku tɔkï jur tëm ëbɛ̈n, ke ke cath të ril ayadäŋ.

Jocua 5:1

Na wën, ke piŋ ë meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku piŋ ë meliik ke Kanaan kedhie, në Wɛ̈ɛ̈rdïït ɣer kɔ̈u ëbɛ̈n nɔn cïï Bɛ̈nydït wɛ̈ɛ̈r de Jordan tɔ dëu, abï kɔc ke Yithriɛl tem të ril. Agokï riɔ̈ɔ̈c aläl, ku pɛ̈lkï röt wei në biäk de kɔc ke Yithriɛl.

Jocua 6:27

Ku Bɛ̈nydït aa tɔ̈u kekë Jocua, go Jocua rin jɔ tïc në pinyic ëbɛ̈n.

Jocua 9:7

Ago kɔc ke Yithriɛl lɛ̈k kɔc ke Ɣib an, “Eeŋö tɔ wo loi mät në week? Buk ŋic adï na jakï guɔ aa kɔc rëër në wolɔ̈m tëthiɔ̈k?