Jocua 7:7 - JAM DE NHIALIC 2011

⁷ Ku lëk ë Jocua Bɛ̈nydït an, “Bɛ̈nydït Nhialic, ka eeŋö tɔ Yïn wo tem wɛ̈ɛ̈r de Jordan? Ku bä wo bɛ̈n tääu në kɔc ke Amor cin, bïk wo bɛ̈n riɔ̈ɔ̈k? Eeŋö cïn wo tɔ rɛ̈ɛ̈r në Jordan kɔ̈u lɔŋ të lɔ aköl amiäk?

Jocua 7:7 Iomraidhean Croise

2 Mel 3:10

Go Jeɣoram melik de Yithriɛl lueel an, “Wok cï thou! Bɛ̈nydït acï wook wadiäk cɔɔl ku tɛ̈ɛ̈u keek në Mowap cin!”

Diɛt 116:11

ayï të cän riɔ̈ɔ̈c ku luɛɛl an, “Acïn raan töŋ bï ŋɔ̈ɔ̈th.”

Bɛ̈n 16:3

Ku luelkï an, “Aŋuɛ̈n na Bɛ̈nydït ë cï wo nɔ̈k ë Rip. Adï cuëtku në rïŋ, ku ciëmku në kuïïn cït kë kɔɔr ë piɔ̈nda. Ke we bïï wo bei në ee jɔ̈ɔ̈rë yic bäk amatnɔm ëbɛ̈n bɛ̈n nɔ̈k në cɔk.”

Bɛ̈n 17:3

Ku kɔc cïï reu ke nɔ̈k arëët, agokï ŋoot ke ke dok në Mothe luelkï an, “Eeŋö bɛ̈ɛ̈i wek wo bei Rip? Ku bäk wo bɛ̈n tɔ thou në reu në mïth ku ɣɔ̈k?”

Kuɛ̈n 14:16

“Bɛ̈nydït ë thueet ke cïï kɔcke be lɛɛr piny wään cï yen kuëëŋ, nɔn bï yen ke lɛɛr thïn, ka acï keek nɔ̈k ë jɔ̈ɔ̈ric.

Kuɛ̈n 14:3

Eeŋö leer ë Bɛ̈nydït wook ee pinyë? Wok bï lɔ nɔ̈k tɔŋ, ku diëërkuɔ, ayï mïthkuɔ abï keek peec. Cïï ŋuɛn pukku röt Rip?

Math 17:17

Go Yecu bɛ̈ɛ̈r an, “Rem cïn gäm oou, rem ë löŋ yalic oou! Bä rëër ë weyiic ë run kadï? Bä kakun guum ë run kadï? Bɛ̈ɛ̈ikï tëde yɛn!”

Math 17:20

Go ke yɔ̈ɔ̈k an, “Në baŋ de ciën gämdun, ku wek yɔ̈ɔ̈k ëyic an, “Të dɛ wek gäm cït nyin töŋ ë wɛ̈ɛ̈l cɔl matharda, ke we duëër kuurdïïtë yɔ̈ɔ̈k an, ‘Cuɔtë rɔt ciëën ya,’ ku aduëër rɔt cuɔt. Ku acïn kë cäkï duëër looi.

Ɣeberuu 12:5

Ku wek ee nïïm guɔ määr në kë cï Nhialic lɛ̈k week ke we ye wɛ̈ɛ̈tke ku nyïïrke an, “Duökï ee gɔ̈th të cï Bɛ̈nydït we dui, ku duökï piɔ̈ɔ̈th ee bäp të cï Yen we jɔ̈ɔ̈ny në kë cäk wööc.

Jocua 7:6

Na wën, ke Jocua ë dhiau piɔ̈u ku ret lupɔɔke yiic, ku ret röördït ke Yithriɛl lupɔɔkeniic ayadäŋ, në dhiën ë piɔ̈u. Ku cuɛtkï röt piny në athänduŋ de mät nɔm. Ku tɔ̈ukï piny ëtɛ̈ɛ̈n agut cï thëën, ke ke cï kenïïm wäl abuui nyooth dhiën ë kek piɔ̈ɔ̈th.

Jocua 7:8

Eeŋö bä jɔ lueel Bɛ̈nydït, ku kɔc ke Yithriɛl acïï kɔc ke ater keek cop?

1 Tham 4:3

Na wën aacï kɔc ë dɔ̈ŋ në tɔŋic bɛ̈n, go röördït ke Yithriɛl lop an, “Eeŋö tɔ Bɛ̈nydït wo tiɛɛm ë kɔc ke Pilithiin ee köölë? Lok bïïku athänduŋ de män ë Bɛ̈nydït në Cilo, ke bï bɛ̈n lɔ tɔŋ ke wook abï wo lɔ kony në kɔc ke aterda.”