Jocua 6:4 - JAM DE NHIALIC 2011

⁴ Bäny ke kake Nhialic kadhorou, ë ke ye cath në athänduŋ de mät nɔm tueŋ ke ke muk kɛŋ. Ku në kööl ye akööl dhorou, ke we wil pänydït piny raandhorou wekë remduön ë tɔŋ, ku lɔ bäny ke kakë Nhialic ke ke koth kɛŋ.

Jocua 6:4 Iomraidhean Croise

Cäk 2:3

Go Nhialic kööl ë dhorou tɔ ye kööl piɛɛth lɔ yum. Go thieei, ku jɔ tɔ ye kööl ɣeric, në luɔi yen kööldɛn ë lɔ̈ŋ En thïn, në luɔidɛn ë ciɛk En piny nɔm.

1 Mel 18:43

Ku lëk lïmde an, “Lɔ woi wɛ̈ɛ̈ric.” Go lïm lɔ ku le yenɔm puk, an, “Acïn kë cä tïŋ.” Go Elija bɛ lɛ̈k en an, “Lɔ raandhorou.”

2 Mel 5:10

Go Elica tuc tuöc en, bïï lɔ lɛ̈k en bïï lɔ waak ë wɛ̈ɛ̈r de Jordanic raandhorou, ku abï guöp waar ë wɛth.”

2 Mel 5:14

Go Naaman lɔ ku jool rɔt ë Jordanic raandhorou, cït luɛl cï raan de Nhialic ye lueel, ago guöp ja waar taitai. Acï guöp bɛ̈n riɛl ku lɛ̈k cï guöp ë meth.

2 Lëk 13:12

Nhialic guöpde ee yen ee Bɛ̈nydïïtda, ku bänykɛn ke kake Nhialic atɔ̈ukï ee tënë ke ke muk kɛŋ, acïk röt coc bïk kɛŋ kooth, ku ciɛɛlkï wook tɔŋ buk piɔ̈t në week. Kɔc ke Yithriɛl piɛŋkï apiɛth, duökï piɔ̈t ë Bɛ̈nydït, Nhialiny de kuarkun! Wek cïï duëër kɔn tiam!”

2 Lëk 20:17

Wek cïï ee tɔŋë bï thɔ̈ɔ̈r. Nyuöckï ë ɣäänkun yiic ku tiëtkï, wek bï Bɛ̈nydït tïŋ ke gëm week tiëm. Wek kɔc ke Juda ku kɔc ke Jeruthalem, duökï piɔ̈ɔ̈th cɔ̈m ku duökï riɔ̈c. Lakï tɔŋ, ku Bɛ̈nydït abï tɔ̈u kekë week!”

2 Lëk 20:19

Go kɔc ke Lebai de dhiën de Koɣath ku Kɔra lɔ kɔ̈ɔ̈c nhial ku jɔkï ket ë röldït, ke ke leec Bɛ̈nydït, Nhialic de Yithriɛl.

2 Lëk 20:21

Na wën aa cï kë lueel ë kɔc piŋ, ke melik ë cɔl kɔc ee diɛt ket bïk lupɔɔkɛn bär tääu, lupɔɔ ke kööl de dhuëëŋ ɣeric, ku lekï tueŋ në rem ë tɔŋ nɔm, ke ke leec Bɛ̈nydït në diɛt an, “Lɛckï Bɛ̈nydït! Nhiëërdɛn agɔk atɔ̈u athɛɛr!”

Jop 42:8

Ë nɔɔnë, nöm miöör kadhorou, ku nyök amɛ̈l kadhorou, yiɛ̈n ë ke Jop bï ke lɔ gam ke ke ye miɔ̈c näk, ku lɛ̈ŋ në biäkdun, ku Yɛn bï lɔ̈ŋde piŋ, ku wek cä bï yɔ̈ɔ̈r gup në ayär röŋ ke week. Wek kën jam në yith në biäkdï cït man ë yen.”

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Lebai 14:16

Ku ye riöp cuëcke juɔɔl në miök nu në ciin camde. Ku ye wiɛ̈ɛ̈th ë Bɛ̈nydït nɔm raan dhorou ë yeriöp.

Lebai 4:6

Abï yecin juɔɔl në riɛmic, ku wïïth riɛm biäk piny raan dhorou në Bɛ̈nydït nɔm, në lupɔ de tëɣeric yic.

Dhek 4:2

Na wën, ke lop an, “Eeŋö cï tiŋ? Guɔ puk nɔm an, “Ee manyalath cäp thar thïn yen cä tïŋ, kë cuëëc në adhääp. Ku ade nɔm abïny, ku mɛ̈c ke alath kadhorou në yenɔm, në wuökɛn ye ke cäp thäär thïn kadhorou.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Kuɛ̈n 23:1

Go Balaam lɛ̈k Balak an, “Yiëkë yɛn yïk kadhorou, ku yiɛ̈në yɛn thön kadhorou, ku amɛ̈l kadhorou.

Jocua 6:13

Na wën, ke alathkëër tit kɔc ë ke lɔ tueŋ, ku lɔ bäny ke kake Nhialic kadhorou në kecök ke ke koth kɛŋ, ku lɔ bäny ke kake Nhialic ɣɛ̈ɛ̈c athänduŋ de mät në kecök, ku jɔ alathkëër tit kɔc kɔ̈ɔ̈th ciëën ke thïk cök.

Jocua 6:3

Ka yïn wekë remduön ë tɔŋ, yak pänydït wiɛl piny raantök në akööl yiic kadhetem.

Jocua 6:5

Na ë lë ke ke mit kuöth ë kɛŋ kɔ̈ɔ̈th. Na ë lë alak kɛŋ piŋ acï keek miit kɔ̈ɔ̈th, ke we loc kiɛɛu wedhie në röldït. Ku ëtɛ̈ɛ̈n, kal ë pänydït abï wïïk. Ku rem de tɔŋ abï jɔ lɔ wut ke cïn kë gël en nɔm.”

Nyuuth 1:20

ku cöök de këcïmoony, kï, cöök ë këde kuɛl kadhorou kuɛl cï tïŋ ë ciin cuënydï, ku kuc ke mɛ̈ckealath ë adhääp kadhorou. Kuɛl kadhorou ayek tuuc ke ɣööt ke Nhialic kadhorou: ku kuc ke mɛ̈ckealath kadhorou ayek ɣööt ke Nhialic kadhorou.

Nyuuth 1:4

Yɛn Jɔn, awerek en gäär ɣööt ke Nhialic kadhorou nu Athia: Ë dhuëëŋdepiɔ̈u ë ye tɔ̈u ke week, ku mät, në ke bɔ̈ tëde Raan nu, ku aa nu, ku abï bɛ̈n, ku në kë bɔ̈ tëde Wëi kadhorou Wëi nu ë thöönyde nɔm,

Nyuuth 10:3

ku cööt ë röl dït, acït man ë köör të kiiu en: na wën, aacï cööt, ke deŋ määr raandhorou.

Nyuuth 15:1

Na wën, ke ya tïŋ gök däŋ paannhial, gök dïït ë kɔc tɔ gäi aläl, tuucnhial kadhorou tuuc cath ë ka ye piny riɔ̈ɔ̈k kadhorou ka bɔ̈ ciëën, luɔi cï agönh tuc ë Nhialic guɔ thök ë keyiic.

Nyuuth 15:7

Go lɛ̈n tök ë läi kaŋuan yiic go tuuc kadhorou gäm guöl ë adhääp kadhorou guöl cï thiäŋ ë agönh ë Nhialic, Raan pïïr aɣet athɛɛr ya.

Nyuuth 16:1

Guɔ röl dïït ë raan piŋ, röl bɔ̈ bei luɛɛk, ayöök tuucnhial kadhorou, an, “Jälkï, lak luööŋkï ka nu ë guöl yiic ë piny nɔm, guöl ke agönh tuc ë Nhialic.

Nyuuth 5:1

Na wën, ka ya tïŋ awerek ë ciin cuëny de Bɛ̈nydïït ë rëër ë thöönydït nɔm awerek cï gɔ̈ɔ̈ric ku gäär kɔ̈u, ku cï boot në ka cït adɔ̈k kadhorou.

Nyuuth 5:6

Na wën, ke ya tïŋ Nyɔŋamääl, ke kääc ë thöönyic cil, ku läi kaŋuan yiic cil, ku röördït yiic cil, nyɔɔŋ cït kë cï nɔ̈k, ku de nɔm tuŋ kadhorou, ku nyïïn kadhorou, kek aye Wëi ke Nhialic kadhorou Wëi cï tuööc ë piny nɔm ëbɛ̈n.

Nyuuth 8:2

Aguɔ tuucnhial kadhorou tïŋ, tuuc kääc ë Nhialic nɔm, ku acï ke gäm kɛŋ kadhorou.

Nyuuth 8:6

Na wën, ke tuucnhial kadhorou tuuc muk kɛŋ kadhorou, ke ke coc röt bïk kɛŋ kooth.