Jocua 6:2 - JAM DE NHIALIC 2011

² Na wën, ke lëk ë Bɛ̈nydït Jocua an, “Tïŋ Jeriko acä tääu ë yïciin, kekë melikde ku remdɛn ë tɔŋ.

Jocua 6:2 Iomraidhean Croise

2 Tham 5:19

Na wën ke Debid ë lop Bɛ̈nydït an, “Bä Pilithiin lɔ mak? Bä yɛn tɔ tiëm?” Go Bɛ̈nydït lɛ̈k Debid an, “Lɔɔr! Abä keek lɔ tiam!”

Neɣe 9:24

Ku peckï piny de Kanaan ku tiamkï kɔc rɛ̈ɛ̈r ee pinyë. Yïn cï kɔcku gäm riɛl, bïï kek kë nhiaarkï looi, në kɔc ku meliik ke Kanaan.

Danyel 2:21

Ee akööl muk ayï nïn Ee meliik bɛ̈ɛ̈i ku nyiɛɛi keek Ee yen ee pɛlënɔm gäm kɔc pelnïïm ku gëm ŋïnydekäŋ kɔc ee käŋ yökiic.

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Danyel 5:18

“Nhialic dït acï wuur Nebukadnedhar tɔ ee melik dït, ku gëm dhuëëŋ ku riëëu.

Nyöŋ 7:24

Abï Meliikken tääu ë wecin. Abäk keek nɔ̈k, ka kɔc abïk nïïm määr ë keek. Acïn raan töŋ bï week tɔ kääc, wek bï raan ëbɛ̈n riɔ̈ɔ̈r nyin.

Jocua 12:9

Ku kɔc ke Yithriɛl tiam meliik ke ee wuötkë: meliŋ de Jeriko, ku meliŋ de Ai (në Bethel lɔ̈ɔ̈m),

Jocua 2:24

Agokï Jocua lɔ guiëër këriëëc cïk yök ëbɛ̈n, luelkï an, “Acuk yök ë gök luɔi cïï Bɛ̈nydït wo gäm piny ëbɛ̈n. Kɔc nu ëtɛ̈ɛ̈n kedhie, ariɔ̈ckï aläl në wook.”

Jocua 2:9

“Aŋiɛc luɔi cï Bɛ̈nydït we gäm ee pinyë. Raan ëbɛ̈n në woyiic, ë riɔ̈ɔ̈c në week.

Jocua 20:1

Ku jɔ Bɛ̈nydït Jocua yɔ̈ɔ̈k an,

Jocua 6:1

Ku kal ë Jeriko acï thiöök thok ë dekdek në biäk de kɔc ke Yithriɛl. Ka acïn raan ë ye jäl wutic, ku cïn raan bɔ̈ wutic ayadäŋ.

Jocua 6:3

Ka yïn wekë remduön ë tɔŋ, yak pänydït wiɛl piny raantök në akööl yiic kadhetem.

Jocua 8:1

Na wën, ke jɔ Bɛ̈nydït lɛ̈k Jocua an, “Jɔt rem de tɔŋdu ëbɛ̈n, ku lɔ Ai. Du riɔ̈c ku du rɔt pɛ̈l wei. Yïn bä tɔ tiam melik de Ai kekë kɔcke, ku ta yï nöm wunde kekë pinyde.

Bäny 11:21

Go Bɛ̈nydït Nhialic de Yithriɛl Thiɣon kekë kɔcke tɔ tiɛɛm ë Yithriɛl. Go Yithriɛl akɛɛth ke piny de kɔc ke Amor ɣɔn rɛ̈ɛ̈r ëtɛ̈ɛ̈n nööm.

Bäny 11:24

Cäkkï kë cï yanhdun Cemoc gäm week bï gël? Acït man, bï wok kë cïï Bɛ̈nydït Nhialicda gäm wook gël.