Jocua 5:4 - JAM DE NHIALIC 2011

^4-6 Të ɣɔn jël ë kɔc ke Yithriɛl Rip, röör cï cueel kedhie. Ku acïn mɛwä ë cï bɛ cueel në runiic kathiërŋuan wään ciɛth kek në jɔ̈ɔ̈ric. Ku në aköölkë yiic, röör wään lëu tɔŋ në akööl wään jël kek Rip, kɔc ëbɛ̈n, acï thök ë thuɔɔu. Në luɔi kën kek Bɛ̈nydït gam thok. Ku në baŋ cïï Bɛ̈nydït kuëëŋ nɔn cï en keek bï tɔ ɣet piny ɣɔn cï thɔ̈n kuarken, piny ee wat ë ca ku miök ë kiëc.

Jocua 5:4 Iomraidhean Croise

Kuɛ̈n 14:22

acïn raan tök në ee kɔckë yiic bï tɔ̈u abï ɣet piny cä than. Acïk riaudïït lɔ wic tïŋ, riau de dhuëëŋdï, ku tïŋkï göökdït ke gäi ɣɔn bä looi Rip, ayï jɔ̈ɔ̈ric ayadäŋ, ku ŋootkï ke ke ye ya them ë cieŋ, ku reeckï këdï gam.

1 Kor 10:5

Ku tëdït ë keek Nhialic aa cïï piɔ̈u mit ke keek: ku acïk bɛ̈n riäär ë jɔ̈ɔ̈ric.

Nyöŋ 2:14

Ku run kathiërdiäk ku bɛ̈t acïk tɛ̈ɛ̈k, të wään jiël wok ë Kadec Barniya, agut cï të wään bï wok wak de Dhered teem, ku ee kaamë yic rem ë röör wään lëu tɔŋ, acïk bɛ̈n thou në pɛɛnyiic. Cït man cï Bɛ̈nydït kuëëŋ në këden.

Nyöŋ 2:16

Na ɣɔn aa cï kɔc lëu tɔŋ jɔ thou kedhie.

Jocua 5:3

Go Jocua leem ke plint looi, ku cueel kɔc ke Yithriɛl të cɔl Kuur ë Cuɛ̈l.