Jocua 4:13 - JAM DE NHIALIC 2011

¹³ Kɔc lëu kë cït aguum kathiërŋuan 40,000, acïk tɔɔŋken bɛ̈n nööm, ku temkï wɛ̈ɛ̈r në Bɛ̈nydït nɔm, ku lek piɔ̈ɔ̈t në riaaŋic në Jeriko lɔ̈ɔ̈m tëthiɔ̈k.

Jocua 4:13 Iomraidhean Croise

2 Mel 25:5

Ku rem de tɔŋ de Babilon acïk keek bɛ̈n cuɔp kueer, ku dɔmkï melik në riaaŋ de Jeriko yic, ku remdɛn ë tɔŋ aake cï thiëi wei në yeciin.

Bɛ̈n 13:18

Go Nhialic ke tɛ̈ɛ̈k ë jɔ̈ɔ̈ric, cök kenïïm Wɛ̈ɛ̈r Thith kɔ̈u. Ku kɔc ke Yithriɛl acïk tɔɔŋken bɛ̈n kiëët ku jɔkï jäl Rip.

Jeremia 39:5

Go rem de tɔŋ de kɔc ke Babilonia ke cop, agokï Dhedekia lɔ dɔm në riaaŋ thiääk ke Jeriko. Agokï yiɛ̈n Nebukadnedhar melik de Babilonia, ke rëër në pänydït de Ribila piny de Ɣamath, go Nebukadnedhar löŋde teem ëtɛ̈ɛ̈n.

Jeremia 52:8

Ku rem de tɔŋ de Babilonia, acïk Dhedekia bɛ̈n cop, abïk lɔ dɔm ë riaaŋ thiääk ke Jeriko, ku aacïï remdɛn ë tɔŋ päl wei.

Kuɛ̈n 32:17

Ë tɛ̈ɛ̈n wok bï jɔ lɔ tɔŋ në kɔckuɔn ke Yithriɛl, ku jɔku tɔŋ wat agut të bïï wok keek lɔ tɔ nyuc piny ee yen bï aa pinyden, ku mïthkuɔ abuk ke nyääŋ ë pɛ̈ɛ̈nydït cï gël yiic, në biäk de kɔc ceŋ ëtɛ̈ɛ̈n.

Epethiei 6:11

Yak ka ke tɔŋ tääu ë wegup kedhie, wëu ke Nhialic, luɔi bä wek kɔ̈ɔ̈c lëu apiɛth në ŋeeny aa wek cäp de jɔŋdït rac ŋɛ̈ny.

Nyöŋ 3:18

“Guɔ week yɔ̈ɔ̈k ɣɔn ë aköölkë an, ‘Bɛ̈nydït Nhialicdun acï week gäm ee pinyë bäk nööm. Ku kɔckuön lëu tɔŋ kedhie, kɔc cï röt kiëët në biäk de tɔŋ. Abïk kiir kɔn teem tueŋ, në mïthëkɔcken nïïm kɔc ke Yithriɛl.

Jocua 4:12

Go kɔc ke dhiën ë Ruben, ayï biäk de dhiën ë Manatha, tɔŋden kiëët. Ku temkï wɛ̈ɛ̈r në kɔc nïïm tueŋ kedhie, cït man cïï Mothe ye lɛ̈k keek.

Jocua 4:14

Ku Bɛ̈nydït ë Jocua bɛ̈n dhuëëŋ guöp arëët në kɔc ke Yithriɛl nïïm kedhie. Agokï Jocua bɛ̈n riëëu guöp anande, cït man wään rïïu kek Mothe.

Jocua 5:10

Na ɣɔn, aŋoot kɔc ke Yithriɛl ke ke rɛ̈ɛ̈r ë Gilgal, në riaaŋic ë Jeriko lɔ̈ɔ̈m, ke kɔc ke Yithriɛl ë ke loi dhuëëŋ de Winythok ɣɔn thëën në kööl ye pɛɛi thok thiëër ku ŋuan.

Bäny 20:1

Go kɔc ke Yithriɛl kedhie gɔl ë Dan leer Biirceba, ku dɔm piny de Giliyad ëbɛ̈n. Gokï kenïïm mat ke ke ya akutnɔm dïït tök ë Bɛ̈nydït nɔm ë Midhpa.