Jocua 3:16 - JAM DE NHIALIC 2011

¹⁶ Pïïu acïk bɛ̈n kɔ̈ɔ̈c në wat, ku thɔckï kenïïm abïk ɣet nhial tëmec aläl. Të lɔ Adam, të lɔ pänydït cɔl Dharedhan. Ku athiöör wɛt të lɔ wɛ̈ɛ̈r de Araba, Wɛ̈ɛ̈r de Amilɔ, cï kɔ̈ɔ̈c taitai. Go kɔc jɔ tem tëthiɔ̈k ke Jeriko.

Jocua 3:16 Iomraidhean Croise

Cäk 14:3

Ku meliikë kadhïc, aake cï kecin mat ëtök në Wɛ̈ɛ̈r Amilɔ yɔu.

1 Mel 4:12

Ku Baana wën Aɣilud: arɛ̈ɛ̈r në Taanak ku Megido, ku piny thiääk ke Beth Can ëbɛ̈n, tëthiääk ke wuun cɔl Dharethan, të lɔ rut në wun cɔl Jedhreel, leer wun cɔl Abel Meɣola ku wun cɔl Jokmiim.

1 Mel 7:46

Ago melik ke cuɛtë ëbɛ̈n në Wak ë Jordanic, në tiɔɔm nu ë kaam ë Thukoth kekë Dharethan.

Diɛt 114:3

Ago Wɛ̈ɛ̈r Thith woi ku kɔt, ku kääc wɛ̈ɛ̈r de Jordan ke cïï be wat.

Diɛt 114:5

Eeŋö cï tuöl, Wɛ̈ɛ̈r, kë tɔ yïn tɔ kɔt? Ku yïn, Kiir de Jordan, eeŋö pɛ̈n yïn wat?

Diɛt 29:10

Bɛ̈nydït ee thööcde tääu në amool nɔm, amuk baai ke ye melik aɣet athɛɛr.

Diɛt 33:7

Ku mɛt pïïu ke wɛ̈ɛ̈r nïïm tëtök kedhie, ku tɛ̈ɛ̈u pïïu ke abäpdit tëdɛn kɔɔr.

Diɛt 66:6

Acï wɛ̈ɛ̈r puk tɔ ye të ril, ku tem kuarkuɔ kiir në kecök. Wok ee piɔ̈ɔ̈th miɛt ëtɛ̈ɛ̈n në biäk de kë cï looi.

Diɛt 74:15

Yïn cï nyïïn ku liil tɔ de yic kuëër, ku tɔ kiɛɛrdït ril.

Diɛt 77:19

Yïn ee cath në apiöökic, ku tem wɛ̈ɛ̈r thuth, ku të cï käc në Yïcök acïï duëërë tïŋ.

Diɛt 78:13

Acï wɛ̈ɛ̈r tekic, ku tɛ̈ɛ̈k keek në yeyic, go pïïu tɔ kääc cït man ë päny.

Bɛ̈n 14:21

Na wën, ke Mothe yɔɔk yecin nhial në wɛ̈ɛ̈r nɔm, go Bɛ̈nydït wɛ̈ɛ̈r tɔ lɔ ciëën në amaŋdïït bɔ̈ në baŋ të lɔ aköl amiäk, amaŋ ruu ke put në wɛ̈ɛ̈ric ëbɛ̈n. Go pïïu tɔ tek keyiic, ku jɔ wɛ̈ɛ̈r aa tëril.

Bɛ̈n 14:22

Go kɔc ke Yithriɛl wɛ̈ɛ̈r teem ke ke cath tëril, ku päny ke pïïu në keŋɛŋ, baŋ cuëc ku baŋ cam.

Bɛ̈n 14:29

Ku kɔc ke Yithriɛl aake cath në wɛ̈ɛ̈ric tëril, ku päny ke pïïu në keŋɛŋ baŋ cuëc ku baŋ cam.

Bɛ̈n 15:8

Yïn aa tɔ yom put wïïr, go pïïu kenïïm thɔɔc, agokï röt ciɛi nhial cït päny, ago lil ë wɛ̈ɛ̈r koth abï lɔ gaŋgaŋ.

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Edhekiɛl 47:8

Go lɛ̈k ɛn an, “Pïïukë ayek piny reetic ëbɛ̈n ke ke lɔ aköl amiäk, ku lekï ë Wak de Jordan yic, ku Wɛ̈ɛ̈r de Amilɔ. Ku të cï kek lɔ në Wɛ̈ɛ̈r de Amilɔ yic, ee pïïu cï wac tɔ̈u ee wɛ̈ɛ̈rë yic waar në pïïu piɛth.

Naɣum 1:4

Ee wɛ̈ɛ̈r rɛ̈l ago dëu! Ku tɔ kiɛɛr dëu kedhie. Ku biɔɔr këtɔ̈c ëbɛ̈n tɔ̈u piny ë Bacan kekë kuur ë Karmel, ku lööny gaak de wal ke Lebanɔn wei.

Ɣabakuk 3:8

Ee kiɛɛr kek tɔ Yïn göth aläl Bɛ̈nydït? Ku ee wɛ̈ɛ̈r yen tɔ Yï diu piɔ̈u? Yïn ë kɛɛc në amaŋ de luäät kɔ̈ɔ̈th abïk ciët jöŋgöör ke tɔŋ ku tɔ kɔcku tiëm.

Kuɛ̈n 34:3

Akendun tɔ̈u në biäk të lɔ wöuwicë abïï ɣet ciëën të lɔ jɔ̈ɔ̈r de Dhin, në aken de Edom nɔm. Ku abï rɔt gɔl në biäk lɔ aköl amiäk ciëën të lɔ wöuwic në Wɛ̈ɛ̈r de Amilɔ thar.

Nyöŋ 1:1

Kënë ee jam lëkkë Mothe kɔc ke Yithriɛl kedhie, në jɔ̈ɔ̈r tɔ̈u në wɛ̈ɛ̈r de Jordan kɔ̈u të lɔ aköl amiäk, ku kɔc rɛ̈ɛ̈r ë jɔ̈ɔ̈ric, në Araba thiääk kekë Thup, në kaam de Paran kekë wuöt cɔl ke: Topel ku Laban ku Ɣadheroth ku Didhaɣab.

Nyöŋ 3:17

Ku piny të lɔ aköl athɛ̈i, ee lɔ ë wɛ̈ɛ̈r de Jordan në Araba, gɔl në Baar ë Galili të lɔ rut leer ë Wɛ̈ɛ̈r de Araba (Wɛ̈ɛ̈r de Amilɔ), në kuur de Pithga thar të lɔ aköl amiäk.

Jocua 12:3

Ku mɛt Araba thïn në bäny de Jordan yic, në Baar ë Galili agut cï Beth Yecimoth, në Wɛ̈ɛ̈r de Amilɔ kɔ̈u të lɔ aköl amiäk. Ku lee guöt në kuur de Pithga thar.

Jocua 15:2

Ku akende biäk të lɔ wöuwic atëk në Wɛ̈ɛ̈r de Amilɔ thok të lɔ wöuwic,

Jocua 16:7

Ku gut piny ee tëëk në Janowa le Ataroth Addar ku Naara, ku ɣeet Jeriko le guöt ë Jordan kɔ̈u.

Jocua 3:13

Ku ëlëthɛɛr, të le bäny ke kake Nhialic kecök tääu wïïr ë pïïuwiic, bäny ɣɛ̈ɛ̈c athänduŋ de mät, Athänduŋ de Bɛ̈nydïït de këriëëc ë pinynɔm ëbɛ̈n, wɛ̈ɛ̈r de Jordan abï kɔ̈ɔ̈c ke cïï be wat. Ku pïïu wat, abïk kenïïm thɔɔc abïk ɣet nhial.”

Jocua 4:22

Abäk guiëër keek an, “Akööl ɣɔn teem ë Yithriɛl wɛ̈ɛ̈r de Jordan kɔ̈u ke cath të ril.

Jocua 5:1

Na wën, ke piŋ ë meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku piŋ ë meliik ke Kanaan kedhie, në Wɛ̈ɛ̈rdïït ɣer kɔ̈u ëbɛ̈n nɔn cïï Bɛ̈nydït wɛ̈ɛ̈r de Jordan tɔ dëu, abï kɔc ke Yithriɛl tem të ril. Agokï riɔ̈ɔ̈c aläl, ku pɛ̈lkï röt wei në biäk de kɔc ke Yithriɛl.

Bäny 7:22

Të wën koth ë rem de tɔŋ de Gidiɔn tuŋ, go Bɛ̈nydït rem de Midian tɔ guut röt kapäc në abätɛ̈ɛ̈u, gokï kat ke ke lɔ Dhereda thiääk ke Bethcita të lɔ aken de Abel Meɣola thiääk kekë Tabath.