Jocua 3:11 - JAM DE NHIALIC 2011

¹¹ Tiëŋkï, athänduŋ de män ë Bɛ̈nydït de këriëëc ë pinynɔm ëbɛ̈n, abï wɛ̈ɛ̈r de Jordan teem në wenïïm tueŋ.

Jocua 3:11 Iomraidhean Croise

1 Lëk 29:11

Bɛ̈nydït, Yïn dït, ku yïn ril, ku yïn de dhuëëŋ, ku yïn de tiëm, ku yïn de diɛk. Në biäk ye ka tɔ̈u paannhial kedhie ku ka tɔ̈u piny kedhie kaku, ku ciɛɛŋ ee këdu Bɛ̈nydït, ku Yïn tɔ̈u nhial në käŋ nïïm kedhie.

Jop 41:11

Eeŋa duëër en mak ku bï ŋoot ke poth? Acïn raan ë pinynɔm duëër e lëu.

Diɛt 24:1

Pinynɔm ayï këriëëc tɔ̈u thïn ëbɛ̈n, ee këde Bɛ̈nydït, Piny ëbɛ̈n ayï këriëëc cieŋ en ee kake Bɛ̈nydït.

Diɛt 97:5

Kur kor ayek lɛ̈ɛ̈ŋ cï pïïu ë Bɛ̈nydït nɔm, Bɛ̈nydïït de pinynɔm ëbɛ̈n.

Yith 3:12

Mïth kor ayɔŋkï kɔckï, ku ceŋ diäär keek. Acäk tïŋ ënɔɔnë kɔckï, luɔi kuc ë bänykun week mac, ke cäkï bï ŋic yen kueer wel kek wenïïm thïn

Yith 54:5

Aciëŋdu abï ciët moc tëde yïn, Bɛ̈nydït de rɛm kek aye rinke. Nhialic Ɣeric de Yithriɛl abï we kony, Yen ee Bɛ̈nydïït mac pinynɔm ëbɛ̈n.

Jeremia 10:7

Eeŋa cïï yïn duëër riëëu, yïn ee melik de juöör ëbɛ̈n? Yïn rɔ̈ŋ we riëëu. Acïn raan cït Yïn, në kɔc pelnïïm ke juöör ëbɛ̈n, ku nɔn ee meliikken yiic ëbɛ̈n.

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.

Dhek 14:9

Ëtɛ̈ɛ̈n Bɛ̈nydït abï ya Melik de pinynɔm ëbɛ̈n. Abïï ë raan ëbɛ̈n lam ke ye Nhialic ku abïk ŋic në ee rin manë.

Dhek 4:14

Go lueel an, Kakë ee kɔc kaarou cï Bɛ̈nydït lɔc bïk en aa luööi në pinynɔm ëbɛ̈n.

Dhek 6:5

Go tunynhial puk nɔm an, “Kakë ee wëi lɔ në aguuk ke pinynɔm kaŋuan. Aake jɔ bɛ̈n ciëën në Bɛ̈nydït lɔ̈ɔ̈m, Bɛ̈nydït de pinynɔm ëbɛ̈n.

Nyöŋ 9:3

Ku ënɔɔnë, abäk tïŋ ë wenyïïn wapäc, luöi bïï Bɛ̈nydït Nhialicdun cath ë wenïïm tueŋ cït many dɛ̈p. Abäk keek tiaam, të la wek ke we lɔ tueŋ, aguɔkï keek cuɔp wei, ku riäärkï keek nyïïn ëthiäu, cït man cïï Yen e lueel.

Jocua 3:13

Ku ëlëthɛɛr, të le bäny ke kake Nhialic kecök tääu wïïr ë pïïuwiic, bäny ɣɛ̈ɛ̈c athänduŋ de mät, Athänduŋ de Bɛ̈nydïït de këriëëc ë pinynɔm ëbɛ̈n, wɛ̈ɛ̈r de Jordan abï kɔ̈ɔ̈c ke cïï be wat. Ku pïïu wat, abïk kenïïm thɔɔc abïk ɣet nhial.”