Jocua 3:10 - JAM DE NHIALIC 2011

¹⁰ Yen abä wek en jɔ ŋic ë gɔk luɔi nu ë Nhialic Pïïr në weyiic, ku gamkï aya yen luɔi bï Yen kɔc ke Kanaan cuɔp wei në wenïïm tueŋ, ku cop kɔc ke Ɣit, ku kɔc ke Ɣib, ku kɔc ke Peridh, ku kɔc ke Girgac, ku kɔc ke Amor, ku jɔ aa kɔc ke Jebuth.

Jocua 3:10 Iomraidhean Croise

Cäk 15:21

ku Amor, ku Kanaan, ku Girgac ku Jebuth.”

1 Mel 22:28

Go Mikaya bɛ̈ɛ̈r an, “Na lɔ yïnɔm lɔ puk në mät ke Bɛ̈nydït akën jam në yathok!” Go lueel an, “Piɛŋkï kë cä lueel, wek kɔc wedhie!”

2 Mel 19:4

Rabcaka bɛ̈ny ë rem de tɔŋ de Athiriya alɛ̈ɛ̈t Nhialic pïïr. Ku Bɛ̈nydït Nhialicdu abï ee lɛ̈ɛ̈të piŋ ku bïï kɔc luel ke luöi këtuc. Ku läŋë në biäk de kɔckuɔn cï döŋ apïr.”

1 Lëk 1:14

Kanaan aya aye kuɛɛrë de kɔc ke Jebuth, ku kɔc ke Amor, ku kɔc ke Girgac.

Diɛt 42:2

Piɔ̈ndï ë yal ë Nhialic, ë yal në Nhialic pïïr. Ee nɛn, yen bän Nhialic tïŋ nyin?

Diɛt 9:16

Bɛ̈nydït ee rɔ nyuɔɔth në guiëërdɛn ë piathëpiɔ̈u, ku kɔc ee kërac looi acï kërɛɛcdɛn yek looi ke dɔm.

Bɛ̈n 17:7

Go ëtɛ̈ɛ̈n cäk an Matha ku Meriba (ku rinkë aluelkï thëm ku dok). Në luɔi ë cïï mïth ke Yithriɛl dok ku themkï Bɛ̈nydït, wën ye kek lop an, “Tɔ̈u Bɛ̈nydït ke wook ku liiu?”

Bɛ̈n 3:8

ka Yɛn aa bɔ̈ piny, bä keek bɛ̈n luäk bei në kɔc ke Rip cin. Ku bɛ̈ɛ̈i keek bei piny ë Rip, lɛɛr keek piny piɛth dïït lääu. Piny ee wat ë ca ku miök ë kiëc. Piny rëër ë kɔc ke Kanaan thïn, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Bɛ̈n 33:2

Wek bä tuöc tunynhial bï we wat. Ku kɔc ke Kanaan abä keek cuɔp wei, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Ɣib, ayï kɔc ke Jebuth.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Ɣodh 1:10

Acïï Nhialic lɛ̈k kɔc ke Yithriɛl ënɔɔnë an, “Wek cie kɔckï, ku abï bɛ lɛ̈k keek wadäŋ an, “Wek ee mïth ke Nhialic Pïïr. Ka kɔc ke Yithriɛl abïk bɛ juëc arëët, abïk ciët liɛɛt de wɛ̈ɛ̈r yɔu. Ka acï keek bï ya lëu në kuɛ̈n, ku cïï keek lëu në thëm.”

Kuɛ̈n 13:29

Ku kɔc ke Amalek rëër piny thar ciëën të lɔ wöuwic. Ku kɔc ke Ɣit, ayï kɔc ke Jebuth, ayï kɔc ke Amor arëërkï piny ë kuur. Ku kɔc ke Kanaan aa rëërkï në Wɛ̈ɛ̈r Ɣer yɔu, ku në wɛ̈ɛ̈r de Jordan kɔ̈u.”

Math 16:16

Go Thimon Petero bɛ̈ɛ̈r an, “Yïn ee Kërtho, Wën ë Nhialic pïïr.”

Jɔn 6:69

Ku acuk gam ku ŋicku nɔn ee yïn Kërtho ɣeric Wën ë Nhialic.”

Nyöŋ 31:17

Ku në ee köölë yɛn bï gɔ̈th wokë keek, ku päl keek. Yɛn bï ya nyin thiaan në keek ku abä keek riɔ̈ɔ̈r nyïïn në karɛc ku nuɛɛn juëc abïk keek yök. Ku në ee köölë abïk aa lop, an, “Karɛc cï wok yökë cie luöi cïï Nhialicda be tɔ̈u kekë wook?

Nyöŋ 5:26

De raan cï kɔn pïïr, raan cï Nhialic Pïïr piŋ ke jam ë macic?

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Nyöŋ 7:21

Ka duökï riɔ̈c ee kɔckë Bɛ̈nydït Nhialicdun atɔ̈u ke week, Ee Nhialiny dït Raan duëërë riɔ̈ɔ̈c.

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

Ɣeberuu 10:31

Amawoou në raan bï lööny ë Nhialic pïïr cin.

Jocua 11:3

Ku tɔ thok lɔ tëde kɔc ke Kanaan nu të lɔ aköl amiäk ku të lɔ aköl athɛ̈i ayadäŋ, kɔc nu në Jordan lɔŋë, ayï lɔŋ däŋë, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Jebuth nu piny ë kuur, ayï kɔc ke Ɣib, kɔc rɛ̈ɛ̈r në kuur ë Ɣermon thar në piny ë Midhepa.

Jocua 12:8

Ku piiny ë tek, ee piny ë kuur, ku liööŋ, ku wak në Araba, ku kur nïïm, ku jɔ̈ɔ̈r. Ku aaye piny de kɔc ke Ɣit, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Jocua 21:45

Ku thön ë cïï Bɛ̈nydït thɔ̈n baai de Yithriɛl ëbɛ̈n, acïk rɔt bɛ̈n looi cït ee manë.

Jocua 22:31

Go Pineɣath wën de Eleyadhar, bɛ̈ny de kake Nhialic lueel an, “Acuk jɔ ŋic ënɔɔnë luɔi tɔ̈u ë Bɛ̈nydït ke wook, ku në luɔi kɛ̈n wek jamde dhoŋ kɔ̈u. Ku Bɛ̈nydït acïï Yithriɛl bï bɛ luɔi kë tuc.”

Jocua 24:11

“Ku ëtɛ̈ɛ̈n, wek ë Jordan bɛ̈n teem kɔ̈u, ku lakï Jeriko. Na wën, ke kɔc ke Jeriko ë ke gäm në week, ayï kɔc ke Amor, ayï kɔc ke Peridh, ayï kɔc ke Kanaan, ayï kɔc ke Ɣit, ayï kɔc ke Girgac, ayï kɔc ke Ɣib, ayï kɔc ke Jebuth. Guɔ keek tɔ tiamkï kedhie.

Jocua 3:9

Ku be Jocua lɛ̈k kɔc ke Yithriɛl an, “Bä piɛŋkï kë lueel Bɛ̈nydït Nhialicdun.

Jocua 9:1

Na ɣɔn, aa lɔ meliik ee kënë piŋ kedhie, meliik nu në wɛ̈ɛ̈r de Jordan kɔ̈u në wuöt ke piny ë kuur, ku meliik nu në kur ke wakic yiic, në Wɛ̈ɛ̈rdïït ɣer yɔu alɔ guut Lebanɔn. Meliik ke kɔc ke Ɣit kekë kɔc ke Amor, ku Kanaan, ku Peridh, ku Ɣib, ku Jebuth.

1 Tham 17:26

Go Debid rɔt cuöt kɔc thiääk në yen, ku lop keek an, “Eeŋö bï gäm raan lɔ ee raan ë Pilithiinë nɔ̈k, ku dɛ̈k kɔc ke Yithriɛl yiëth në ayärdïïtë? Ku në yic, eeŋa yen ee Pilithiin kuc Nhialicë, ka duëër rem de tɔŋ de Nhialic pïïr jɔ riääc?”

1 Tham 26:6

Na wën ke Debid ë thiëc Aɣimelek raan de Ɣit, ku Abicai mänhë Jowap, (manden acɔl Dheruia), an, “Eeŋa në weyiic waarou raan bï lɔ ke yɛn wun ë Thaulo?” Go Abicai bɛ̈ɛ̈r, an, “Yɛn bï lɔ.”