Jocua 3:1 - JAM DE NHIALIC 2011

¹ Na ɣɔn amiäk aduduur, ke Jocua ë jäl Akacia kekë kɔc ke Yithriɛl kedhie, lek piɔ̈ɔ̈t në Jordan kɔ̈u, ke ke tit kööl bï kek Jordan teem.

Jocua 3:1 Iomraidhean Croise

Cäk 21:14

Ago Abraɣam rɔt jɔt ɣɔn amiäk aduduur, ku gëm Ɣajer kacaam, ku athep ë pïïu athiäŋ ke pïïu. Kɛ̈k ë yekët, ku tɛ̈ɛ̈u meth ë yekɔ̈u, ku cieec ke wei. Go jɔ lɔ tɔ̈u në jɔ̈ɔ̈r ë Biirceba yic.

Cäk 22:3

Ago Abraɣam pääc ɣɔn amiäk aduduur, ku tem tiim bï ke miaac lɔ nyop, ku dut mulde kɔ̈u. Ku jɔt Yithaak wënde kekë wɛ̈ɛ̈t lïïmke kaarou, ku jëlkï ke ke lɔ të cï Nhialic lɛ̈k en.

Diɛt 119:60

Yɛn cïï bï gääu në luɔi bän lööŋku riëëu.

Jeremia 25:3

“Në run thiërrou ku diäk, në ruöön thiëër ku diäk wään ye Jothia wën de Amon melik ë Juda agut cï ee köölë, Bɛ̈nydït acï jam ke yɛn, ku yɛn kën kë cï lɛ̈k week kɔn moony. Ku week akënkï piŋ.

Jeremia 26:5

ku luɔi bä wek jam tït kɔc ee Yɛn luööi piŋ, kɔc Ya ke cool ë tuöc ke week. Wek kën këdɛn yek lueel kɔn riëëu.

Jeremia 7:13

Wek cï ee karɛckë looi, cakaa nɔn yan we yɔ̈ɔ̈k ë ceŋ, wek cï jamdï rɛɛc. Wek cie gam të caal Ɛn week.

Maika 6:5

Dɔ̈tkï në wenïïm kɔckï, në kë ɣɔn cï rɔt looi. Meliŋ de Mowap cɔl Balak acï tiët cɔl Balaam wën ë Beyor kumthok, an bïï week läm aciɛɛn. Aguɔ aciɛɛn bɛ̈n puk në yethok ke ye athiɛɛi. Takkï wenïïm në kapiɛth ɣɔn ta Yɛn ke wɛ̈ɛ̈r de Jordan dëu, ku tɛ̈mkï në Akacia ɣɛtkï Gilgal. Yen abä wek kueer ë luäk Ɛn week Yɛn Bɛ̈nydït jɔ ŋic.

Kuɛ̈n 25:1

Të ɣɔn cïï kɔc ke Yithriɛl piɔ̈ɔ̈t në wak de Akacia, röör acïk duet ke Mowap bɛ̈n kɔɔr.

Mak 1:35

Na ɣɔn amiäk, aŋoot piny ke col, ke jɔt rɔt, le biic, ku jël le jɔ̈ɔ̈ric të cïn kɔc, le lɔ̈ŋ ëtɛ̈ɛ̈n.

Jocua 2:1

Na ɣɔn, ke Jocua wën ë Nun ë tooc nëëm kaarou në wun cɔl Akacia, ke kuc kɔc. Lëk keek an, “Lak caathkï piny, ayï wun dïït de Jeriko guöpde. Na wën, acï nëëm ɣet Jeriko, ke ke lɔ ɣön ë tiiŋ akɔɔrröör cɔl Raɣap.

Jocua 6:12

Na ɣɔn amiäk aduduur, në kööl lɔ në ee köölë cök, ke Jocua ë jɔt rɔt, ku nöm bäny ke kake Nhialic athänduŋ de mät.

Jocua 6:15

Na ɣɔn, në kööl yë akööl dhorou, ke ke jɔt röt aduduur, ku wilkï pänydït raandhorou cït man wään ye kek ë looi. Yen kööl ë jɔ kek wut wiɛl piny ka raandhorou.

Jocua 7:16

Na ɣɔn amiäk aduduur, ke Jocua ë bïï Yithriɛl bei, ke ke cath në wuöt, wunë në wut cök, go wun ë Juda kuɛ̈ny bei.

Jocua 8:10

Na ɣɔn amiäk aduduur, ke Jocua jɔt rɔt ku cɔɔl rem de tɔŋ. Ku wɛt keek Ai kekë röördït ke Yithriɛl.

Bäny 20:19

Na ɣɔn amiäk në kööl däŋë, ke Yithriɛl jäl ku lee pɛɛnyke piäät ë Gibia lɔ̈ɔ̈m.

1 Tham 17:20

Ago Debid rɔt jɔt adurduur, ku nyiëëŋ thök raandäŋ, ku jɔt kacaam cït man cïï Jethe ye lɛ̈k en. Na wën aa ɣeet, ke yök rem de tɔŋ ë Yithriɛl ke lɔ në këërkëër de tɔŋic, ke ke kit diɛt ke tɔŋ.