Jocua 2:11 - JAM DE NHIALIC 2011

¹¹ Wok aa cïï riɔ̈ɔ̈c dɔm ɣɔn piŋ wok en, goku röt päl wei aläl në këdun. Bɛ̈nydït Nhialicdun Yen aye Nhialic de paannhial ku piny.

Jocua 2:11 Iomraidhean Croise

1 Mel 8:60

Ku abïï kɔc ke pinynɔm ëbɛ̈n ŋic an Bɛ̈nydït Yen ee Nhialic, ku acïn däŋ.

2 Mel 5:15

Na wën, ke puk e nɔm raan de Nhialic kekë kɔcke ku kɛ̈ɛ̈ckï ë yenɔm, ku luelkï, an, “Ënɔɔnë acä ŋic nɔn cïn en Nhialic nu ë tiɔp nɔm ëbɛ̈n, anu ë Yithriɛl etök, ënɔɔnë yïn läŋ, nöm miɔ̈c tëde lïmdu.”

Neɣe 6:16

Ɣɔn aa lɔ kɔc ke aterda ee kënë piŋ, kek juöör thiääk ë wook ëbɛ̈n, acïk bɛ̈n yäär në biäk cïï raan ëbɛ̈n e ŋic nɔn cïï luɔi looi në kuɔɔny de Nhialic.

Ethta 8:17

Në pɛ̈ɛ̈nydït ë wuötiic kedhie, wuöt cïï ke lööŋ ke melik piŋ thïn, aaye miɛtëpiɔ̈u tëde kɔc ke Judai, agokï lɔ̈ŋ ku loikï dhuëëŋ. Ku kɔc juëc ke ee paanë, acïk röt bɛ̈n aa cɔɔl an yek kɔc ke Judai, në riɔ̈ɔ̈c riɔ̈ɔ̈c kek në keek.

Diɛt 102:15

Juöör ke pinynɔm ëbɛ̈n abïk riɔ̈ɔ̈c në Bɛ̈nydït, meliik ke piny nɔm abïk riɔ̈ɔ̈c në riɛlde.

Diɛt 22:14

Riɛldï acï thök, cït pïïu cï piaak piny. Yomkï kedhie acïk nyïïn lääu, Piɔ̈ndï acï lɛ̈ɛ̈ŋ cï man ë pïïu.

Diɛt 58:7

Tɔ ke riäär cït man ye pïïu kuëër wei, tɔ ke dum yiic cït rɛɛp nu ë kueeric.

Diɛt 83:18

Tɔ ŋickï nɔn ee Yïn Bɛ̈nydït Yïtök, Bɛ̈nydït ee Awärjäŋ ë pinynɔm ëbɛ̈n.

Bɛ̈n 15:14

Na wën, aa piŋ juöör, ke ke lɛth ë riɔ̈ɔ̈c keek, ku riɔ̈c kɔc ke Pilithtia kedhie aya.

Bɛ̈n 15:15

Go bäny ke Edom riɔ̈ɔ̈c aläl, ku lɛthë jööt ke Mowap, ku pɛ̈l kɔc ke Kanaan röt wei.

Yith 13:7

Raan ëbɛ̈n abï yecin dhuk, ku raan ril piɔ̈u ëbɛ̈n abï ciën aŋäth.

Yith 19:1

Kënë ee jam në biäk de Rip. Bɛ̈nydït abɔ̈ Rip ke riŋ arëët ë luät kɔ̈u. Yiëth ke Rip alɛthë keek në Ye nɔm, go kɔc ke Rip röt päl wei ë riɔ̈ɔ̈c.

Edhekiɛl 21:15

Ee kɔckï tɔ bäp piɔ̈ɔ̈th, ku tɔ ke kɔ̈th. Yɛn riëëc pänyden në abätäu ee lɔ biliny cï wilëdeŋ ku acï rɔt coc bïï näk.

Naɣum 2:10

Acïn kë cï döŋ Ninebe, acï ya jɔ̈ɔ̈r cïï cieŋ! Ku riɔ̈ɔ̈c alɛth kɔc gup ëbɛ̈n. Acïn riɛl be nu, acïk nyïïn lɔ lɔ̈ɔ̈lɔ̈ɔ̈r në riɔ̈ɔ̈c.

Nyöŋ 1:28

Ee tënou yen bï wok lɔ? Mïthëkɔckuɔ acïk wook tɔ pɛ̈l röt wei? Ayek lueel an, Ril kɔc ku bɛ̈ɛ̈r awärkï wook ku pɛ̈ɛ̈nydïtken adïtkï ku adekï kɛ̈ldït ɣet nhial ya. Ayï kɔc ke Anakim acuk kek tïŋ ëtɛ̈ɛ̈n.

Nyöŋ 20:8

“Ku bäny ke tɔŋ abïk kɔc jääm ayadäŋ luelkï an, ‘Na de raan nu ë we yiic ee tënë, raan cï piɔ̈u kɔ̈c, ku acï riɔ̈ɔ̈c? Na nu, ka aduëër lɔ baaide. Na le lɔ lɔ abï ŋeeny de kɔc kɔ̈kkë riɔ̈ɔ̈k.’

Nyöŋ 4:39

Ka week ŋiɛckï ee köölë, ku duökï nïïm mär, Bɛ̈nydït ee yen Nhialic nu paannhial kekë piny. Acïn Nhialic däŋ nu.

Jocua 14:8

Ku kɔc ë cath në wook, acïk kɔckuɔ bɛ̈n ŋeer piɔ̈ɔ̈th në jam ë bïïkï. Ka ee yɛn ë cï jam ë Bɛ̈nydït Nhialicdï bɛ̈n döt yatök.

Jocua 2:24

Agokï Jocua lɔ guiëër këriëëc cïk yök ëbɛ̈n, luelkï an, “Acuk yök ë gök luɔi cïï Bɛ̈nydït wo gäm piny ëbɛ̈n. Kɔc nu ëtɛ̈ɛ̈n kedhie, ariɔ̈ckï aläl në wook.”

Jocua 5:1

Na wën, ke piŋ ë meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku piŋ ë meliik ke Kanaan kedhie, në Wɛ̈ɛ̈rdïït ɣer kɔ̈u ëbɛ̈n nɔn cïï Bɛ̈nydït wɛ̈ɛ̈r de Jordan tɔ dëu, abï kɔc ke Yithriɛl tem të ril. Agokï riɔ̈ɔ̈c aläl, ku pɛ̈lkï röt wei në biäk de kɔc ke Yithriɛl.

Jocua 7:5

Go kɔc ke Ai ke cop në kal ë wut thok, abïk keek ɣɛɛt Cebraim ku näkkï kɔc kathiërdiäk ku dhetem në keyiic në wak de kuriic. Go kɔc ke Yithriɛl riɔ̈ɔ̈c ku pɛ̈lkï röt wei.

Jocua 9:24

Gokï puk nɔm an, Aloiku aya bɛ̈ny, në luɔi cïï wok ë piŋ nɔn cïï Bɛ̈nydït Nhialicdun Mothe, awunde yɔ̈ɔ̈k ë yic nɔn bï yen en gäm piny ëbɛ̈n, ku tɔ näk kɔc tɔ̈u thïn kedhie në wenïïm tueŋ. Agoku riɔ̈ɔ̈c në wëikuɔ në biäkdun.

Nyuuth 6:16

Ku yöökkï kurdït kekë kur kor, an, “Lɔ̈ɔ̈nykï ë wonïïm, thiankï wook ë Bɛ̈nydït nyin, Bɛ̈ny rɛ̈ɛ̈r ë thöönydït nɔm, ku në agönhdïït ë Nyɔŋamääl: