Jocua 17:1 - JAM DE NHIALIC 2011

¹ Ku piny biäk acï gäm bɛ̈i ke dhiën ë Manatha wën kɛ̈i de Jothep, ku Makir yen aye wën kɛ̈i de Manatha, ku yen aye wun Giliyad. Ku Makir aaye jön riil ë tɔŋ, ago dhiën gäm piny ë Giliyad kekë Bacan.

Jocua 17:1 Iomraidhean Croise

Cäk 41:51

Ago Jothep lueel, an, “Nhialic ë ya tɔ mär nɔm në karɛc wään guööm keek, ku tɔ ya mär nɔm në baaida ayadäŋ.” Go wëndɛn kɛ̈ɛ̈i cäk an Manatha (acï ya tɔ Mär nɔm).

Cäk 41:52

Ku be lueel an, “Nhialic ë ya gäm mïth në piny yɔŋë ya thïn.” Go wëndɛn däŋë cäk an Eparaim (acï ya gäm mïth).

Cäk 46:20

Ku Jothep ayök acï mïthwät kaarou dhiëëth kekë Athenath tiiŋde, nyan de Pɔtipera, bɛ̈ny de kakë Nhialic wun cɔl Ɣiliopolith, të ɣɔn tɔ̈u en ë Rip. Ku wɛ̈ɛ̈t ke Jothep ee yï Manatha kekë Eparaim.

Cäk 48:17

Ku Jothep ë piɔ̈u bɛ̈n diu wën tïŋ en wun ke cï yeciin tääu në Eparaim nɔm. Go wun dɔm ciin, ku në yen an nyiɛɛi ciin në Eparaim nɔm. Kɔɔr an tɛ̈ɛ̈u ciin në Manatha nɔm.

Cäk 48:18

Ku lëk ë Jothep wun an, “Acie yeka, wää. Kënë yen aye wën kɛ̈i tääuwë ciin cuënydu në yenɔm.”

Cäk 50:23

Ku Jothep acï kɔn lɔ̈ɔ̈k rëër abï mïth ke Eparaim kɔn tïŋ gup, ku tïŋ mïth ke mïth ke Eparaim. Ku tïŋ mïth ke Makir, wën ë Manatha ɣɔn dhiëth baai.

2 Tham 2:9

Go Abener Yiciboceth looi ke ee melik de Giliyad ëtɛ̈ɛ̈n, ku Acuur, ku Jedhreel, ku Eparaim, ku Benjamin ku kɔc ke Yithriɛl kedhie.

1 Lëk 2:23

Ku melik de Gecur, kekë Aram acïk wuöt kathiërdhetem bɛ̈n peec ëtɛ̈ɛ̈n, ayï bɛ̈i thii ke Jayir yï Kenath, ku wuöt thiääk ë yen. Kɔc ë rɛ̈ɛ̈r ëtɛ̈ɛ̈n kedhie ayek kuat de Makir wun Giliyad.

Edhekiɛl 47:13

Acïï Bɛ̈nydït Awärjäŋ lueel an, “Kakë ayek akɛɛth ke piny bïï tɛ̈k dhiëën ke Yithriɛl kathiëër ku rou, ku dhiën ë Jothep abï biäk kaarou nööm. Dhiën de Manatha ku dhiën de Eparaim, wɛ̈ɛ̈t ke Jothep, ŋɛk aa ye gäm biäk tök.

Kuɛ̈n 26:29

Ku wɛ̈ɛ̈t ke dhiën ke Manatha ee Makir yen ade baai de Makir. Ku yen aye wun Giliyad. Ku Giliyad yen ade baai de Giliyad.

Kuɛ̈n 27:1

Duet ke Dhelopad wën ë Ɣeper, Ɣeper wën ë Giliyad, Giliyad wën de Makir, Makir wën de Manatha, Manatha wën de Jothep. Ayek duet dhiën ë Manatha. Ku duetkë acɔl keek Mala, ku Nowa, ku Ɣogla, ku Milka, ku Tirdha.

Kuɛ̈n 32:33

Go Mothe dhiën de Gad kekë Ruben, ku biäk thiin de dhiën ë Manatha wën ë Jothep, ciɛɛŋ de Thiɣon melik de Amor, ku ciɛɛŋ de Og melik de Bacan ku lɔ piiny ëbɛ̈n kekë pɛ̈ɛ̈nydïtkɛn tɔ̈u thïn, ku pɛ̈ɛ̈nydït kɔ̈k tɔ̈u në akeu nɔm.

Nyöŋ 21:17

Abï biäk kaarou dhil gäm wën kɛ̈ide, cakaa nɔn cïï yen ee wën ë tiiŋdɛn nhiɛɛr. Raan abï wën kɛ̈ide dhil ŋic, ku gëm biäkdɛn cïï ë löŋ gäm en.

Jocua 17:2

Ku gëmë piny däŋë bɛ̈i kɔ̈k ke dhiën ë Manatha yï: Abiedher kekë Ɣelek, ku Athril, ku Cekem, ku Ɣeper, ku Cemida. Ku keek ayek wɛ̈ɛ̈t ke dhiën ke Manatha, wën ë Jothep. Ku kek aaye kɔc nu në dhiën nïïm.

Jocua 22:7

Ku Mothe acï piny ë Bacan gäm biäk de dhiën ë Manatha nu të lɔ aköl amiäk. Ago Jocua piny tɔ̈u në Jordan kɔ̈u të lɔ aköl athɛ̈i gäm biäk de dhiën ë Manatha tɔ̈u të lɔ aköl athɛ̈i. Go ke thieei ku jɔ ke puɔ̈t kueer.

Bäny 5:14

Gokï bɛ̈n, gɔl në Eparaim leer në wakic, në Eparaim, bïkkï në wakic, abïkï në dhiën de Benjamin cök kekë kɔcke bäny ke tɔŋ aake bɔ̈ piny në Makir, ku bäny ke tɔŋ kɔ̈k abïkï në Dhebulun,