Jocua 16:7 - JAM DE NHIALIC 2011

⁷ Ku gut piny ee tëëk në Janowa le Ataroth Addar ku Naara, ku ɣeet Jeriko le guöt ë Jordan kɔ̈u.

Jocua 16:7 Iomraidhean Croise

1 Lëk 7:28

Piny cïk nööm ade yic Bethel ku wuöt kɔ̈k thiääk ë yen, ayï ɣään mec kɔ̈k tɔ̈u ë biäk të lɔ aköl athɛ̈i, Gedher, ku wuöt kɔ̈k thiääk ë yen. Yen aya acï ɣet ë wuöt ke yï Naaran, ku ɣeet ë biäk de yï Cekem ku Ayya, ku wuöt kɔ̈k thiääk ë keek.

Jocua 16:6

ku bɛɛric Wɛ̈ɛ̈rdïït ɣer kɔ̈u, dhɛ̈ŋ Micemethath të lɔ rut. Ku lɔ akeu rɔt tiɔ̈ɔ̈t Taanath Cilo të lɔ aköl amiäk, ku bɛɛric Janowa të lɔ aköl amiäk.

Jocua 3:16

Pïïu acïk bɛ̈n kɔ̈ɔ̈c në wat, ku thɔckï kenïïm abïk ɣet nhial tëmec aläl. Të lɔ Adam, të lɔ pänydït cɔl Dharedhan. Ku athiöör wɛt të lɔ wɛ̈ɛ̈r de Araba, Wɛ̈ɛ̈r de Amilɔ, cï kɔ̈ɔ̈c taitai. Go kɔc jɔ tem tëthiɔ̈k ke Jeriko.

Jocua 6:1

Ku kal ë Jeriko acï thiöök thok ë dekdek në biäk de kɔc ke Yithriɛl. Ka acïn raan ë ye jäl wutic, ku cïn raan bɔ̈ wutic ayadäŋ.

Jocua 6:26

Ku Jocua acï kɔc jɔ̈ɔ̈ny arëët ë gutguut, lueel an, “Raan lɔ ye them nɔn be yen Jeriko yïk, abï Bɛ̈nydït cieen. Të le yen këërkëërde gɔl, wën kɛ̈ide abï thou, Na le kal ë pänydït yiëk thok thïïk, Ka abï mɔ̈l në wën kunde.”