Jocua 13:6 - JAM DE NHIALIC 2011

⁶ Ku mɛt piny ë kɔc ke Thidon thïn ëbɛ̈n ayï kurkɛn rëër kek thïn, në kaam de piny ë kuur ë Lebanɔn kekë Mithapoth Maim. Kɔckë kedhie abä keek cuɔp wei, të le Yithriɛl ke bɔ̈ thïn. Ku piny abä tɛ̈k kɔc ke Yithriɛl cït man cän e lɛ̈k yïn.

Jocua 13:6 Iomraidhean Croise

Diɛt 80:8

Yïn cï enap bɛ̈ɛ̈i bei ë Rip, Yïn cï juöör kɔ̈k ciëëc bei ku com kɔcku pinyden.

Kuɛ̈n 33:54

Tɛ̈kkï piny ɣööt ku dhiën në deeny ë gɛk, ago biäkdït aa gäm dhiën dït, ku biäk koor ke dhiën koor, cït man ë täu ë dhiëënken.

Jocua 1:6

“Rit yïpiɔ̈u, ku du riɔ̈c, në luɔi bï yïn kɔc wat piny bïk lɔ lak, piny cän kuëëŋ në kuarken nïïm nɔn bän en gäm keek.

Jocua 11:12

Pɛ̈ɛ̈nydïtkë acïï Jocua ke bɛ̈n peec kedhie, ayï meliiken ku nɛ̈k kɔc nu thïn kedhie, cït man wään cïï Mothe, awun de Bɛ̈nydït ye lueel.

Jocua 11:8

Ago Bɛ̈nydït ke tɔ tiɛɛm ë kɔc ke Yithriɛl, ago kɔc ke Yithriɛl ke cop cök agut cï Mithapoth Maim, ku Thidon në baŋ të lɔ wöuwic agut cï bäny de Midhepa në baŋ të lɔ aköl amiäk. Tɔŋ akën bɛ̈n kɔ̈ɔ̈c abïï kɔc de ater në Yithriɛl kɔn thök në thuɔɔu.

Jocua 13:7

Ku ënɔɔnë, tɛ̈k ë piny dhiëën cï döŋë kadhoŋuan, ku biäk de Manatha, tɔkï ee pinyden.”

Jocua 23:13

Bɛ̈nydït Nhialicdun acïï we bï bɛ kuɔny, ka acïï juöör dɛ wek ater bï bɛ cuɔp wei. Abïk ciët wïn ë dɛ̈p, deep ë week, ku cïtkï wɛt duiyë week, ku cïtkï kon tɔ̈u në wenyïïn. Ku acïn raan tök në weyiic, raan bï döŋ në ee piny piɛth cïï Bɛ̈nydït Nhialicdun gäm week.

Jocua 23:4

Ku aŋiɛckï nɔn cän dhiëënken tɛ̈k piiny ke juöör, tɔkï ee piinyken, piiny ke juöör ŋoot ke ke kënë peec, ku piiny ke juöör cä peec, gɔl në Jordan ale guut Wɛ̈ɛ̈rdïït ɣer kɔ̈u të lɔ aköl athɛ̈i.

Jocua 23:5

Abïï Bɛ̈nydït Nhialicdun ke cuɔp wei në wenïïm tueŋ. Abï Bɛ̈nydït ke tuöör wei në wenïïm, ka piny abï lɔ̈ɔ̈k aa këdun cït man cï Yen ë thɔ̈n week.