Jocua 12:3 - JAM DE NHIALIC 2011

³ Ku mɛt Araba thïn në bäny de Jordan yic, në Baar ë Galili agut cï Beth Yecimoth, në Wɛ̈ɛ̈r de Amilɔ kɔ̈u të lɔ aköl amiäk. Ku lee guöt në kuur de Pithga thar.

Jocua 12:3 Iomraidhean Croise

Cäk 14:3

Ku meliikë kadhïc, aake cï kecin mat ëtök në Wɛ̈ɛ̈r Amilɔ yɔu.

Cäk 19:25

Ku riëëk pɛ̈ɛ̈nydït ayï wak ëbɛ̈n, mɛt ke në kɔc nu ë pɛ̈ɛ̈nydït yiic ëbɛ̈n, agut cï ka ee cil piny.

1 Mel 15:20

Go melik Benɣadad gam në kë cï Atha thiëc en, ku tooc bɛ̈ny de remdɛn ë tɔŋ në wuöt ke Yithriɛliic ku peckï Yijon ku Dan ku Abel Beth Maaka, ku piny thiääk ke Baar ë Galili, ku aken ë Naptali.

Edhekiɛl 25:9

Yɛn bï pɛ̈ɛ̈nydït gël aken de Mowap nɔm tɔ mɛkkë keek, mɛt pɛ̈ɛ̈nydït piɛth thïn yï Beth Jecimoth, Baalmion, ku Kiriathiam.

Kuɛ̈n 21:20

Ku jëlkï Bamoth lekkï në wakic piny de Mowap në kuur de Pithga thar piny ke ke wel kenïïm ë jɔ̈ɔ̈ric.

Kuɛ̈n 34:11

Ëtɛ̈ɛ̈n abï rɔt cɔ̈k në biäk të lɔ wöuwic gut të lɔ Ɣarbel, në biäk të lɔ aköl amiäk de Ayin. Ku ŋoot ke cök të lɔ aköl amiäk në kuriic në Baar ë Galili yɔu

Luk 5:1

Na wën, ke nyiicë kut ë kɔc wën bɔ̈ bïk jam ë Nhialic bɛ̈n piŋ, ke kääc ë wɛ̈ɛ̈r thok wɛ̈ɛ̈r cɔl Genetharet.

Jɔn 6:1

Na wën, acï kakë wan, ke Yecu jël le Baar ë Galili nɔm lɔŋtui, (yen aye wɛ̈ɛ̈r ë Tiberia).

Nyöŋ 3:17

Ku piny të lɔ aköl athɛ̈i, ee lɔ ë wɛ̈ɛ̈r de Jordan në Araba, gɔl në Baar ë Galili të lɔ rut leer ë Wɛ̈ɛ̈r de Araba (Wɛ̈ɛ̈r de Amilɔ), në kuur de Pithga thar të lɔ aköl amiäk.

Nyöŋ 4:49

ku mɛ̈tkï ëtök në Araba nu ë wɛ̈ɛ̈r de Jordan nɔm lɔɔk të lɔ aköl amiäk, leer ë Wɛ̈ɛ̈r de Araba, ɣëët piny nu ë kuur de Pithga thar.

Jocua 11:2

ayï meliik nu piny ë kuur, kur nu të lɔ rut, ayï meliik nu në Araba në Jordan yɔu në Baar ë Galili baŋ të lɔ wöuwic, ayï meliik nu në kur thäär, ayï wɛ̈ɛ̈r thok të thiääk kekë Dor të lɔ aköl athɛ̈i.

Jocua 13:20

Ku Beth Peyor, ku kur ke Pithga nïïm, ku Beth Yecimoth.

Jocua 15:2

Ku akende biäk të lɔ wöuwic atëk në Wɛ̈ɛ̈r de Amilɔ thok të lɔ wöuwic,

Jocua 15:5

Ku aken ë Juda në baŋ të lɔ aköl amiäk, agɔl rɔt në Wɛ̈ɛ̈r de Amilɔ agut cï wɛ̈ɛ̈r de Jordan thok. Ku aken ë Juda në baŋ të lɔ rut, agɔl ëtɛ̈ɛ̈n,

Jocua 3:16

Pïïu acïk bɛ̈n kɔ̈ɔ̈c në wat, ku thɔckï kenïïm abïk ɣet nhial tëmec aläl. Të lɔ Adam, të lɔ pänydït cɔl Dharedhan. Ku athiöör wɛt të lɔ wɛ̈ɛ̈r de Araba, Wɛ̈ɛ̈r de Amilɔ, cï kɔ̈ɔ̈c taitai. Go kɔc jɔ tem tëthiɔ̈k ke Jeriko.