Jocua 12:1 - JAM DE NHIALIC 2011

¹ Kɔc ke Yithriɛl cï meliik kaarou tiaam, ku peckï piny tɔ̈u në Araba ëbɛ̈n ë wɛ̈ɛ̈r de Jordan kɔ̈u të lɔ aköl amiäk, gɔl në bäny de Arnon agut cï bäny de Jordan. Ku lee guöt cï kuur ë Ɣermon të lɔ rut.

Jocua 12:1 Iomraidhean Croise

1 Mel 4:19

Ku Geber wën ë Yuri: arɛ̈ɛ̈r piny de Giliyad, piny wään cieŋë Thiɣon melik de Amor ku Og melik de Bacan Ku ade bɛ̈ny mac baai ëbɛ̈n, mɛ̈t kekë kɔckë kathiëër ku rou.

Diɛt 133:3

Acït thäny nu ë kuur de Ɣermon nɔm, thäny ee lööny në kur ke Dhiɔn nïïm. Të bï ë Nhialic gutguut de athiɛɛi cï lueel tääu ka, pïïr bï tɔ̈u aɣet athɛɛr.

Diɛt 136:21

Go piinyken gäm kɔcke bïk lak, nhiëërdɛn agɔk atɔ̈u athɛɛr,

Diɛt 89:12

Yïn cï të lɔ rut cak kekë të lɔ wöuwic, Kuur de Tabor kekë kuur de Ɣermon ayek Yïn leec rin.

Yith 16:2

Atïtkï në kiir de Arnon yɔu kek duet ke Mowap acïn kë lëukï, ayek lɔ ciëën ku lek tueŋ, acïk ciët diɛt cï cuöp bei në ɣöötken yiic.

Kuɛ̈n 21:13

Ku bekï jäl ëtɛ̈ɛ̈n, ku lek piɔ̈ɔ̈t në lil de Arnon baŋtui, në jɔ̈ɔ̈r ee rɔt gɔl në aken de kɔc ke Amor nɔm. Arnon yen aye aken de Mowap kekë kɔc ke Amor.

Kuɛ̈n 21:21

Go kɔc ke Yithriɛl kɔc tuöc Thiɣon, meliŋ de kɔc ke Amor, lëkkï yen an,

Kuɛ̈n 21:24

Go kɔc ke Yithriɛl kɔc juëc nɔ̈k në keyiic, ku rumkï pinyden gɔl në lil de Arnon agut cï Jabok, ku le guööt aken de kɔc ke Ammon nɔm. Jadher yen aaye aken de kɔc ke Ammon.

Kuɛ̈n 32:19

Ku wok cïn piny töŋ kɔɔrku në wɛ̈ɛ̈r de Jordan lɔŋtui, në biäk cïï wok biäkda nööm lɔɔk ee tënë në biäk të lɔ aköl amiäk

Kuɛ̈n 32:32

Në riɛl de, wok bï wɛ̈ɛ̈r de Jordan teem ke wo lɔ Kanaan, lok tɔŋ, ke wo bï piny nu ee lɔŋë mɛ̈k röt në wɛ̈ɛ̈r de Jordan kɔ̈u biäk të lɔ aköl amiäk.

Kuɛ̈n 32:33

Go Mothe dhiën de Gad kekë Ruben, ku biäk thiin de dhiën ë Manatha wën ë Jothep, ciɛɛŋ de Thiɣon melik de Amor, ku ciɛɛŋ de Og melik de Bacan ku lɔ piiny ëbɛ̈n kekë pɛ̈ɛ̈nydïtkɛn tɔ̈u thïn, ku pɛ̈ɛ̈nydït kɔ̈k tɔ̈u në akeu nɔm.

Nyöŋ 2:24

“Ënɔɔnë tɛ̈kkï biic ku tɛmkï lil de Arnon tïŋ ënɔɔnë, yɛn cï Thiɣon raan de Amor ku ye melik de Ɣecbon tääu në yïciin kekë pinyde ëbɛ̈n, gɔl pinyde në nöm ku thäärkï wekë ë yen

Nyöŋ 2:32

Na wën, aa bɔ̈ Thiɣon bei kekë kɔckɛn ke tɔŋ bïk bɛ̈n thɔ̈ɔ̈r në wook ë Jaɣadh.

Nyöŋ 3:1

Go Mothe ŋoot ke jam an, “Na wën ke wo lɔ tueŋ të lɔ rut, wo lɔ wun cɔl Bacan. Na wën ke Og melik de Bacan, kekë remdɛn ë tɔŋ ëbɛ̈n, ke ke yïn wook tɔŋ në Ederi.

Nyöŋ 4:44

Kënë ee löŋ ë tɛ̈ɛ̈uwë Mothe ë mïth ke Yithriɛl nïïm.

Nyöŋ 4:46

Ku kɔc ke Yithriɛl nu në wak thiääk kekë Beth Peyor ë wɛ̈ɛ̈r de Jordan nɔm lɔɔk të lɔ aköl amiäk, piny de Thiɣon melik de kɔc ke Amor, raan wään mac Ɣecbon, ago Mothe kekë mïth ke Yithriɛl, yen bɛ̈n tiaam ɣɔn bï kek bei paan ë Rip.

Nyöŋ 4:48

Ku yen ee pinyë aye gɔl në Aroyer, në lil de Arnon thok leer kuur de Thirion, (yen aye Ɣermon),

Jocua 1:15

Agut të bï Bɛ̈nydït keek kɔn tɔ rum piny nu në wɛ̈ɛ̈r de Jordan kɔ̈u baŋ të lɔ aköl athɛ̈i ëbɛ̈n. Piny cïï Bɛ̈nydït Nhialinydun gäm keek, ku tɔ keek lɔ̈ŋ. Ku ëtɛ̈ɛ̈n, wek bï wenïïm jɔ dɔ̈k, bäk bɛ̈n piɔ̈ɔ̈t pinydun eenë në wɛ̈ɛ̈r de Jordan kɔ̈u baŋ të lɔ aköl amiäk. Të cï Mothe awun ë Bɛ̈nydït gäm week.”

Jocua 11:17

Piny gɔl rɔt në kuur de Ɣalak të lɔ wöuwic në Edom lɔ̈ɔ̈m, agut cï Baalgad të lɔ rut, në bäny ë Lebanɔn në kuur de Ɣermon. Jocua acï cieŋ ke piɔ̈t ke meliik ceŋ ee pinyë, ku acï ke bɛ̈n tiaam, ku nɛ̈k keek kedhie.

Jocua 11:3

Ku tɔ thok lɔ tëde kɔc ke Kanaan nu të lɔ aköl amiäk ku të lɔ aköl athɛ̈i ayadäŋ, kɔc nu në Jordan lɔŋë, ayï lɔŋ däŋë, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Jebuth nu piny ë kuur, ayï kɔc ke Ɣib, kɔc rɛ̈ɛ̈r në kuur ë Ɣermon thar në piny ë Midhepa.

Jocua 13:8

Ku piny nu në Jordan kɔ̈u të lɔ aköl amiäk, acïï Mothe, awun ë Bɛ̈nydït tɛ̈k dhiën ë Ruben kekë dhiën ë Gad, ku biäk de dhiën ë Manatha, ka aa cïk nööm ke ye pinyden.

Jocua 22:4

Ɣɔn Bɛ̈nydït Nhialicdun acï Yithriɛl thɔ̈n mät. Ku ënɔɔnë, acï gäm keek. Ka week jakï röt puɔ̈k tëduön wään cï Mothe awun de Bɛ̈nydït gäm week ke ye tëdun në lɔŋ de wɛ̈ɛ̈r de Jordan kɔ̈u të lɔ aköl amiäk.

Bäny 11:18

Na wën, ke ke jɔ tëëk ë jɔ̈ɔ̈ric, ke ke wïïl kenïïm piny de Edom kekë Mowap, aɣeet kek ë baŋ de aköl amiäk të lɔ piny de Mowap, lɔŋ de kiir ë Arnon. Acïk piɔ̈ɔ̈t ëtɛ̈ɛ̈n, ku akënkï kiir ë Arnon kɔn teem në luɔi yen aken ë Mowap.