Jocua 11:6 - JAM DE NHIALIC 2011

⁶ Go Bɛ̈nydït lɛ̈k Jocua, an, “Du riɔ̈c në keek. Miäk aköl wälë, abä ke gäm Yithriɛl ke ke cï thök ë nääk kedhie. Wek bï jöŋgöörken tɔ ye ŋöl miäk, ku ɣaakkï abëëlkɛn ke tɔŋ.

Jocua 11:6 Iomraidhean Croise

2 Tham 8:4

Go Debid agum ku bot kadhorou 1,700 de kɔc ke jöŋgöör peec, ku peec aguum kathiërrou 20,000 de rem de tɔŋ cath ë kecök. Go rɔt muɔ̈k jöŋgöör juëc bï bɔt de abëël ke tɔŋ thel, ku jɔ kɔ̈k tɔ ee ŋöl.

2 Mel 6:16

Go Elica bɛ̈ɛ̈r an, “Du riɔ̈ɔ̈c, kɔc nu në wook ajuëckï në kɔc nu në keek.”

2 Lëk 20:16

Miäk aköl lak makkï keek të le kek bɛ̈n në kueer de Dhidh. Abäk keek yök në wak këc, të lɔ aköl amiäk thiääk kekë jɔ̈ɔ̈r de Jeruel.

Diɛt 46:10

Go lueel an, “Dɔ̈mkï tɔŋ kɔ̈ɔ̈c, ku ŋiɛckï ee Yɛn Nhialic, Yɛn adït, në juöör ke pinynɔm nïïm, ku Yɛn adït në pinynɔm ëbɛ̈n.”

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:9

Acï tɔɔŋ dɔ̈m kɔ̈ɔ̈c ë pinynɔm ëbɛ̈n, acï dhɛ̈ŋ dhoŋ kɔ̈ɔ̈th, ku riëëk tɔɔŋ, ku nyop abëël ke tɔŋ në mac.

Kɛ̈ŋ 20:7

Raan adöt ee rëër ë piath ë piɔ̈uwic, aye mïthke döŋ në athiɛɛi.

Yith 30:16

Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Edhekiɛl 39:9

Kɔc rɛ̈ɛ̈r në pɛ̈ɛ̈nydït ke Yithriɛl yiic, abïk lɔ biic ku kuanykï dhɛ̈ŋ gɛ̈ɛ̈k ke ke ke ye tiim thät. Abïk many dït looi në kööt, ku dhɛ̈ŋ, ku wiɛth ke dhɛ̈ŋ, ku tɔɔŋ, ku thieec, ku abïk dɛ tiim bï dëp ë run kadhorou.

Ɣodh 14:3

Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Naɣum 2:13

Alueel ë Bɛ̈nydït de rɛm, an, “Tiëŋkï, Yɛn ee nɔm week. Abëëlkuön ke tɔŋ abä keek ɣɔ̈k mac, ku remduön ë tɔŋ abï keek nɔ̈k tɔŋ, ku acïn kë bä buɔ̈th week në ka wään ruömkï, ku kɔckuön wään yak tooc an bïk athölbɔ̈ bɛ̈n aa kut acïï ke bï bɛ piŋ röt.

Nyöŋ 7:16

Riäkku jur nyin ëbɛ̈n, jur cïï Bɛ̈nydït Nhialicdun tääu ë wecin, ku duökï keek nyuth kokëpiɔ̈u. Duökï yiëthken lam, kënë abï rac aläldïïtë tëde week.

Jocua 10:8

Go Bɛ̈nydït lɛ̈k Jocua an, “Du riɔ̈c në keek. Acä ke tääu në yïcin. Acïn raan töŋ bï kɔ̈ɔ̈c lëu në yïnɔm.”

Jocua 11:5

Meliikë kedhie, cï kecin mat, ku yïnkï tɔŋ Yithriɛl. Agokï röt lɔ dam piny në pïïu ke Merom lɔ̈m, ku bïk jɔ piɔ̈t në Yithriɛl.

Jocua 11:7

Ago Jocua lɔ ke kɔcke, lek keek muɔɔk piny ëthiäu në pïïu ke Merom nɔm.

Jocua 11:9

Ago Jocua ke luöi kë cïï Bɛ̈nydït lɛ̈k en. Ago jöŋgöörken tɔ ye ŋöl, ku ɣɛɛk abëëlkɛn ke tɔŋ.

Jocua 3:5

Ku lëk ë Jocua keek an, “Wakkï röt, Bɛ̈nydït abï kadït ke gäi looi në weyiic miäk aköl.

Bäny 7:9

Na ɣɔn ë wɛ̈ɛ̈ric wakɔ̈u, ke Bɛ̈nydït yöök Gidiɔn, an, “Jɔt rɔt lɔ mak ë ke, acä ke tääu ë yïcin bä ke tiaam.

1 Tham 11:9

Agokï lɛ̈k tuuc ke Jabec an, “Lak lɛ̈kkï kɔckun an, “Wek buk luök miäk akën akɔ̈l rɔt kɔn puk. Na wën aa piŋ kɔc ke Jabec thok, ke ke mit piɔ̈ɔ̈th arëët