Jocua 11:4 - JAM DE NHIALIC 2011

⁴ Agokï guëër në kɔckɛn ke tɔŋ, kɔc juëc aläl cït liɛɛt de wɛ̈ɛ̈r yɔu. Ku de nïïm Jöŋgöör juëc aläl, ayï abëël ke tɔŋ juëc aya.

Jocua 11:4 Iomraidhean Croise

Cäk 22:17

Yïn bä thieei aläl, mïthku abä keek ŋuak nyïïn, ka bïk juëc cït man ë kuɛl nhial, ku cïtkï liɛɛt ë wɛ̈ɛ̈r yɔu. Ku mïthku abïk kɔc de kek ater aa tiaam.

Cäk 32:12

Ku acï lueel ɣɔn Bɛ̈nydït an, “Yïn bä caath apiɛth, ku yïn bä gäm mïth juëc aläl, mïth cït liɛɛt ë wɛ̈ɛ̈r yɔu, mïth cïn raan duëër ke lëu në kuɛ̈n.”

2 Tham 17:11

Täŋdï ee luɔi bï yïn kɔc ke Yithriɛl määt yiic, gɔl ë Dan lee Biirceba. Abï dɛ kɔc juëc cït liɛɛt ë wɛ̈ɛ̈r yɔu, ku yïn guöp jɔ tɔŋ wat.

1 Mel 4:20

Kɔc ke Juda ku Yithriɛl aake cï juëc abïk ciët liɛɛt ë wɛ̈ɛ̈r yɔu, aake ye cam ku dëkkï ku mitkï piɔ̈ɔ̈th.

Diɛt 20:8

Kɔc cït ee kakë abïk aa dak ku wïïkkï, ku wok bï röt jɔt ke wo lɔ piɔ̈ɔ̈th wai.

Jocua 11:5

Meliikë kedhie, cï kecin mat, ku yïnkï tɔŋ Yithriɛl. Agokï röt lɔ dam piny në pïïu ke Merom lɔ̈m, ku bïk jɔ piɔ̈t në Yithriɛl.

Bäny 7:12

Na wën, go kɔc ke Midian, ku kɔc ke Amalek, ku kɔc rɛ̈ɛ̈r ë biäk të lɔ aköl amiäk bɛ̈n piɔ̈ɔ̈t në wakic cït lönydïït ë kɔyɔm ku keek adekï thɔ̈rɔ̈ɔ̈l juëc cïï lëu në kuɛ̈n, thɔ̈rɔ̈ɔ̈l cït liɛɛt ë wɛ̈ɛ̈r yɔu.

1 Tham 13:5

Go Pilithiin kenïïm kut në baŋ bïk kek tɔŋ luöi kɔc ke Yithriɛl, aake de nïïm bot kathiërdiäk 30,000 ke abëël ke tɔŋ, ku aguum kathiërdhetem 60,000 de kɔc ke jöŋgöör, ku rem de tɔŋ juëc cie lëu ë kuɛ̈n acït liɛɛt tɔ̈u ë wɛ̈ɛ̈r yɔu. Agokï lɔ Mikmac, të lɔ aköl amiäk në Bethaben, ku jɔkï piɔ̈ɔ̈t ëtɛ̈ɛ̈n.