Jocua 11:3 - JAM DE NHIALIC 2011

³ Ku tɔ thok lɔ tëde kɔc ke Kanaan nu të lɔ aköl amiäk ku të lɔ aköl athɛ̈i ayadäŋ, kɔc nu në Jordan lɔŋë, ayï lɔŋ däŋë, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Jebuth nu piny ë kuur, ayï kɔc ke Ɣib, kɔc rɛ̈ɛ̈r në kuur ë Ɣermon thar në piny ë Midhepa.

Jocua 11:3 Iomraidhean Croise

Cäk 31:49

Ku ciëk mën an Midhepa, në luɔi ë cï yen ë lueel an, “Bɛ̈nydït Yen abï kë looi ë ŋɛk aa woi, në kaamdï wo yïn të mëëc wok ë röt.

2 Tham 24:16

Na wën aa kɔɔr tunynhial ë Bɛ̈nydït an riëëk Jeruthalem, go Bɛ̈nydït piɔ̈u kok në kërɛɛc dït cït ee kënë, go lɛ̈k tunynhial wën näk kɔc an, “Kääcë! Kënë acï loi!” Ku tunynhial aacï thiääk kekë tëde käm de Arauna raan de Jebuth.

2 Tham 24:7

Gokï lɔ wun cï gël de Tayer, ku lekï ë wuöt yiic kedhie, wuöt ke kɔc ke Ɣib, ku kɔc ke Kanaan. Na wën, ke ke jɔ ɣet Biirceba wun nu të lɔ wöuwic de Juda.

1 Mel 15:22

Go melik Atha kɔc ke Juda ëbɛ̈n cɔɔl bïk kur ku tiim ɣɔn yïk ë Baaca ke Rama lɔ jɔt, go Atha Midhpa kekë Geba yïk ë keek, piny ë Benjamin.

1 Mel 9:20

Tholomon aaye käu de kɔc ke Kanaan luööi në riɛl, kɔc ɣɔn kën ë kɔc ke Yithriɛl ke nɔ̈k wään nööm kek piny. Kek yï käu de Amor, ku Ɣit, ku Peridh, ku Ɣib, ku Jebuth, ayek lïïmken aɣet cï ee köölë.

Diɛt 133:3

Acït thäny nu ë kuur de Ɣermon nɔm, thäny ee lööny në kur ke Dhiɔn nïïm. Të bï ë Nhialic gutguut de athiɛɛi cï lueel tääu ka, pïïr bï tɔ̈u aɣet athɛɛr.

Diɛt 89:12

Yïn cï të lɔ rut cak kekë të lɔ wöuwic, Kuur de Tabor kekë kuur de Ɣermon ayek Yïn leec rin.

Diɛt ke 4:8

Bäär nyandiën thiaak, bäär wekë yɛn në kuur ë Lebanɔn nɔm, bäär we yɛn Lebanɔn. Bäär piny ë kuur de Amana nɔm, bä piny ë kuur ë Thenir, ku kuur ë Ɣermon nɔm, të ye kɔ̈ɔ̈r kekë kuëc ceŋ thïn.

Jeremia 40:10

Yɛn guöpdï, yɛn bï rëër në Midhpa ku bä aa jam ë biäkdun të le kɔc ke Babilonia bɛ̈n eenë. Ku wek duëër mäu määtiic, ku mïth ke tiim amäi, ku miök de olip, ku rɛ̈ɛ̈rkï në wuötkuön ceŋkï keek yiic.”

Jeremia 40:6

Guɔ lɔ rëër wokë Gadalia ë Midhpa, ku rɛ̈ɛ̈r në kɔc yiic, kɔc wään cï döŋ piny.

Jeremia 41:14

gokï röt puk ku kɔtkï lekï tënu kek.

Jeremia 41:3

Go Yicmiɛl kɔc ke Judai wään rɛ̈ɛ̈r ë Gadalia ëtök ë Midhpa nɔ̈k kedhie, ku nɛ̈k rem de tɔŋ ë Babilonia ë rëër ëtɛ̈ɛ̈n.

Kuɛ̈n 13:29

Ku kɔc ke Amalek rëër piny thar ciëën të lɔ wöuwic. Ku kɔc ke Ɣit, ayï kɔc ke Jebuth, ayï kɔc ke Amor arëërkï piny ë kuur. Ku kɔc ke Kanaan aa rëërkï në Wɛ̈ɛ̈r Ɣer yɔu, ku në wɛ̈ɛ̈r de Jordan kɔ̈u.”

Nyöŋ 4:48

Ku yen ee pinyë aye gɔl në Aroyer, në lil de Arnon thok leer kuur de Thirion, (yen aye Ɣermon),

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Jocua 11:17

Piny gɔl rɔt në kuur de Ɣalak të lɔ wöuwic në Edom lɔ̈ɔ̈m, agut cï Baalgad të lɔ rut, në bäny ë Lebanɔn në kuur de Ɣermon. Jocua acï cieŋ ke piɔ̈t ke meliik ceŋ ee pinyë, ku acï ke bɛ̈n tiaam, ku nɛ̈k keek kedhie.

Jocua 11:8

Ago Bɛ̈nydït ke tɔ tiɛɛm ë kɔc ke Yithriɛl, ago kɔc ke Yithriɛl ke cop cök agut cï Mithapoth Maim, ku Thidon në baŋ të lɔ wöuwic agut cï bäny de Midhepa në baŋ të lɔ aköl amiäk. Tɔŋ akën bɛ̈n kɔ̈ɔ̈c abïï kɔc de ater në Yithriɛl kɔn thök në thuɔɔu.

Jocua 13:11

Ku acï Giliyad mat thïn ayadäŋ, ku piny de Gecur, ku piny de Maaka, ku kur ke Ɣermon kedhie, ku piny de Bacan ëbɛ̈n agut cï Thaleka.

Jocua 13:5

Ayï piny de Gebalai, ku piny de Lebanɔn ëbɛ̈n alɔ guut të lɔ aköl amiäk. Gɔl në Baalgad në kuur ë Ɣermon kɔ̈u të lɔ wöuwic, ku winy Ɣamath thok.

Jocua 15:38

ku Diliin, ku Midhpa, ku Jokthiil,

Jocua 15:63

Ku kɔc ke Juda akënkï kɔc ke Jebuth bɛ̈n lëu në cup, kɔc ɣɔn rɛ̈ɛ̈r ëtɛ̈ɛ̈n në kɔc ke Juda ëtök.

Jocua 18:26

ku Midhpa, ku Kepira, ku Modha,

Jocua 3:10

Yen abä wek en jɔ ŋic ë gɔk luɔi nu ë Nhialic Pïïr në weyiic, ku gamkï aya yen luɔi bï Yen kɔc ke Kanaan cuɔp wei në wenïïm tueŋ, ku cop kɔc ke Ɣit, ku kɔc ke Ɣib, ku kɔc ke Peridh, ku kɔc ke Girgac, ku kɔc ke Amor, ku jɔ aa kɔc ke Jebuth.

Bäny 20:1

Go kɔc ke Yithriɛl kedhie gɔl ë Dan leer Biirceba, ku dɔm piny de Giliyad ëbɛ̈n. Gokï kenïïm mat ke ke ya akutnɔm dïït tök ë Bɛ̈nydït nɔm ë Midhpa.

Bäny 21:5

Na wën ke kɔc ke Yithriɛl ë ke lop röt, an, “Eeŋa në dhiëën ke Yithriɛl yiic kedhie, dhiën kën bɛ̈n në amatnɔm ë Bɛ̈nydïtic ë Midhpa?” (Në luɔi cï wok gutguut lueel an, buk raan kën lɔ Midhpa nɔ̈k.)

Bäny 21:8

Na wën ke ke lop an, na ee dhiënou ë dhiëën ke Yithriɛl yiic dhiën kën rɔt mat ë Nhialic nɔm ë Midhpa. Gokï yök nɔn cïn en raan töŋ de kɔc ke Jabec Giliyad cï bɛ̈n lɔ në amatnɔmic,

Bäny 3:3

Juöör ɣɔn cï nyääŋ piny ee wuöt kadhïc ke kɔc ke Pilithiin, kɔc ke Kanaan kedhie, kɔc ke Thidon, ku kɔc ke Ɣib rɛ̈ɛ̈r në kur ke Lebanɔn, gɔl në kuur dïït ë Baal Ɣermon ɣeet në kueer ee lɔ Ɣamath,

Bäny 3:5

Go kɔc ke Yithriɛl jɔ rëër në kɔc ke Kanaan, ku kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

1 Tham 10:17

Ku ëtɛ̈ɛ̈n, Thamwɛl ë kɔc ke Yithriɛl bɛ̈n caal në Bɛ̈nydït nɔm kedhie në Midhpa,