Jocua 11:2 - JAM DE NHIALIC 2011

² ayï meliik nu piny ë kuur, kur nu të lɔ rut, ayï meliik nu në Araba në Jordan yɔu në Baar ë Galili baŋ të lɔ wöuwic, ayï meliik nu në kur thäär, ayï wɛ̈ɛ̈r thok të thiääk kekë Dor të lɔ aköl athɛ̈i.

Jocua 11:2 Iomraidhean Croise

1 Mel 15:20

Go melik Benɣadad gam në kë cï Atha thiëc en, ku tooc bɛ̈ny de remdɛn ë tɔŋ në wuöt ke Yithriɛliic ku peckï Yijon ku Dan ku Abel Beth Maaka, ku piny thiääk ke Baar ë Galili, ku aken ë Naptali.

1 Mel 4:11

Benabinadap, raan cï nyan de Tholomon cɔl Tapath thiaak: arëër piny de Dor ëbɛ̈n

Kuɛ̈n 34:11

Ëtɛ̈ɛ̈n abï rɔt cɔ̈k në biäk të lɔ wöuwic gut të lɔ Ɣarbel, në biäk të lɔ aköl amiäk de Ayin. Ku ŋoot ke cök të lɔ aköl amiäk në kuriic në Baar ë Galili yɔu

Luk 1:39

Na wën, ke Meri jɔt rɔt ë aköölkë, ku dɛp lɔ piny ë kuur, lee pänydïït töŋ de Juda.

Luk 5:1

Na wën, ke nyiicë kut ë kɔc wën bɔ̈ bïk jam ë Nhialic bɛ̈n piŋ, ke kääc ë wɛ̈ɛ̈r thok wɛ̈ɛ̈r cɔl Genetharet.

Jocua 10:40

Jocua ë piny bɛ̈n peec ëbɛ̈n, ë meliik ke wuöt nu piny ë kuur bɛ̈n tiaam, ku tiɛɛm wuöt thöny, ku wuöt ke wɛ̈ɛ̈r yɔu, ayï wuöt nu të lɔ wöuwic. Acïn raan cïk bɛ̈n puɔ̈l, acïk raan bɛ̈n nɔ̈k ëbɛ̈n cït man wään cïï Bɛ̈nydït Nhialic de Yithriɛl ye lɛ̈k en.

Jocua 10:6

Go kɔc ke Gibiɔn thok yiɛ̈n Jocua ke nu Gilgal, luelkï an, “Du wo pɛ̈l wei bɛ̈ny, dap bɛ̈n bä kony wook, luäk wook, meliik ke Amor acïk bɛ̈n kedhie në piny ë kuur, ku acïk kecin mat ku mookkï wo piny!”

Jocua 11:16

Ku Jocua acï piny jɔ peec ëbɛ̈n, piny ë kuur, ayï kur thäär kedhie të lɔ Araba të lɔ wöuwic, ayï të lɔ rut. Ku peec piny de Gocen, ayï Jɔ̈ɔ̈ric ëbɛ̈n, ayï Jordan yɔu.

Jocua 11:21

Në aköölkë yiic, Jocua ë Anakim bɛ̈n riɔ̈ɔ̈k në gɔl ë piny ë kuur, ku ë Ɣebron, ku Debir, ku Anab. Ku riëëk keek piny ë kuur de Juda yic ëbɛ̈n, ayï piny ë kuur de Yithriɛl. Acïï Jocua ke bɛ̈n riɔ̈ɔ̈k taitai ayï pɛ̈ɛ̈nydïtken.

Jocua 12:23

Ku meliŋ de Dor (në wɛ̈ɛ̈r yɔu), ku meliŋ de Goyim (në Galili).

Jocua 12:3

Ku mɛt Araba thïn në bäny de Jordan yic, në Baar ë Galili agut cï Beth Yecimoth, në Wɛ̈ɛ̈r de Amilɔ kɔ̈u të lɔ aköl amiäk. Ku lee guöt në kuur de Pithga thar.

Jocua 13:27

Ku në Jordan yɔu, agɔl rɔt në Beth Ɣaran, ku Beth Nimra, ku Thukoth, ku Thapon, ku biäk de ciɛɛŋ ɣɔn cieŋ ë melik Thiɣon, melik de Ɣecbon. Ku wɛ̈ɛ̈r de Jordan yen aaye akenden të lɔ aköl athɛ̈i agut Baar ë Galili.

Jocua 17:11

Ku në piny ë Yithakar kekë Acer, ku Beth Can kekë Yibiliim, aake ye wuöt ke Manatha. Ayï bɛ̈i thiääk në keek, ku ayï Dor kekë bɛ̈i thiääk në yen, ku Endor kekë bɛ̈i thiääk në yen, ku kɔc ceŋ Taanak, ayï bɛ̈i thiääk në yen, ku kɔc cieŋ Megido, ayï bɛ̈i thiääk në yen, ku wun ye wuöt diäk ee Napoth. Ku keek Kedhie ayek wuöt ke Manatha.

Bäny 1:27

Dhiën ke Manatha, akënkï kɔc rëër ë Beth Can në bɛ̈ike cuɔp wei, ku Taanak, ku Dor, ku Yibiliim, ku Megido, ku bɛ̈i thiääk në keek ŋoot ë kɔc ke Kanaan ke ke rɛ̈ɛ̈r thïn.