Jocua 10:16 - JAM DE NHIALIC 2011

¹⁶ Ku meliik ke kɔc ke Amor kadhïc, cï röt kual ku lek thiaan në köŋ ë kuuric në Makeda.

Jocua 10:16 Iomraidhean Croise

Diɛt 68:12

“Meliik ku remdɛn de tɔŋ akɔtkï! Diäär nu ë bɛ̈i yiic ayek ka cï peec tɛ̈k röt:

Diɛt 68:13

Ku kɔc lɔ döŋ ciëën ke ke tit amɛ̈l, abïï ke gäm wuök ke guuk cï kum kɔ̈u në ateek, ku nɔɔk cï lɔ bilbil në adhäm lɔ kïr.

Amoth 9:2

Na cakkï röt wɛc piny, abïk ɣet paan ë thuɔɔu, ke abä ke ŋuɛ̈ny bei, na cakkï ɣet paannhial, ke abä ke bɛ̈ɛ̈i piny ëtɛ̈ɛ̈n.

Maika 7:17

Abïk aa ɣöc piny cït karɛc, ku molkï piny cït käm. Juöör abïk bɛ̈n bei në ɣäänkɛn ke thiaan yiic ke ke lɛthë. Ku pukkï kenïïm Bɛ̈nydït Nhialicda ke ke cï riɔ̈ɔ̈c në Yen.

Jocua 10:15

Ku ëtɛ̈ɛ̈n, Jocua ë yenɔm bɛ̈n ja dak Gilgal kekë rem de tɔŋde.

Jocua 10:17

Go thok bɛ̈n tëde Jocua luɔi cïï meliik yök kadhïc ke ke cï thiaan në köŋ ë kuuric në Makeda.

Jocua 10:5

Ago meliik ke Amor kadhïc kecin mat, ku lek Gibiɔn tuɔɔk piny, melik de Jeruthalem, ku melik de Ɣebron ku melik de Yarmuth, ku melik de Lacic, ku melik de Egolon ku mookkï piny.

Nyuuth 6:15

Go meliik ke piny nɔm, ku bänydït, ku kɔc juëcëkäŋ, ku bänydït ke rem, ku kɔc ril, ku lïm ëbɛ̈n ayï raan lääunɔm ëbɛ̈n, agokï thiaan ë kɔ̈k yiic ku kur ke kuurdït yiic.

Bäny 6:2

Në luɔi ë ril kɔc ke Midian awär Yithriɛl, go kɔc ke Yithriɛl lɔ thiaan në kɔ̈k ke kur yiic ku ɣään kɔ̈k piɛth ë kuriic.

1 Tham 13:6

Na wën ke ke mɛk kɔc ke Yithriɛl, agokï keek tɔ mum nïïm. Go kɔc kɔ̈k ke Yithriɛl lɔ thiaan ë kur thäär, ku pɔ̈l yiic, ku yïth yiic,

1 Tham 24:3

Go bɛ̈n ë köŋ thiääk kekë kal de thök thok, të lɔ kueer këc, go rɔt yal bï lɔ biic. Ku yen ee kuur manë guöp yen aacï Debid thiaan ë yethar ciëën ya, kekë kɔcke në kökic.

1 Tham 24:8

Na wën, ke Debid ë bɔ̈ bei në kökic ku lee ë yecök cɔɔl, an, “Bɛ̈nydï melik!” Na wën lieec Thaulo yekɔ̈u, go Debid yenɔm guöt piny në riëëu.