Jocua 1:9 - JAM DE NHIALIC 2011

⁹ Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Jocua 1:9 Iomraidhean Croise

Cäk 28:15

Yɛn tɔ̈u wokë yïn, ku yïn bä gël agut të le yïn thïn. Ku yïn bä lɔ dɔ̈k nɔm ee pinyë. Në luɔi cän yïn bï puɔ̈l, të ŋuɔɔt Ɛn ke ya kën ë ka lɛ̈k yïnë looi.”

Cäk 39:2

Bɛ̈nydït atɔ̈u ke Jothep, ku ye Jothep tɔ tiëm. Ku Jothep arɛ̈ɛ̈r baai de bɛ̈nyde, raan ë Rip.

Cäk 39:3

Ago bɛ̈nyde ye tïŋ luɔi tɔ̈u ë Bɛ̈nydït ke yen. Ku tïŋ luɔi yen ka nu në yeciin ŋuak nyïïn.

2 Tham 13:28

Na wën ke Abthalom ë yɔ̈ɔ̈k lïïmke an, “Woikï Amnon na cï miɔ̈l ë mɔ̈u, abä lɛ̈k week luɔi bä wek Ammon nɔ̈k. Duökï riɔ̈c. Ee yɛn ë luel en guöpdï. Riɛtkï röt ku duökï piɔ̈ɔ̈th cɔ̈m!”

1 Lëk 28:20

Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

2 Lëk 15:7

Ku yïn bï dhil riɛl ku du bï bäp. Ku luɔi bä looi abï yïn tɔ yök athiɛɛi.”

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Yith 43:1

Yithriɛl, Bɛ̈nydït ë cak week alueel, “Duökï riɔ̈c, wek bä ke kony, we cä ke cɔɔl në rin, wek ee kɔckï.

Yith 43:5

Du riɔ̈c, Yɛn täu wo yïn! “Gɔl të lɔ aköl amiäk, ku të lɔ aköl athɛ̈i, Yɛn bï kɔcku dɔ̈k nïïm baai.

Yith 8:12

“Du ee mɛt në kïït de kɔc yiic, ku du ee riɔ̈c në kë ye kek riɔ̈ɔ̈c.

Danyel 10:19

Go lueel an, “Nhialic anhiaar yïn, ku du tɔ de kë diir yïn, ku du riɔ̈c. Wën cï yen ee kënë lueel, aguɔ rɔt yök ke ya ril aläl, aguɔ lueel an, “Bɛ̈ny, lɛ̈kë yɛn kë kɔɔr bä lueel, yïn cï yɛn tɔ piɛth.

Ɣagai 2:4

Aye Bɛ̈nydït de rɛm lueel an, Ku ënɔɔnë, riɛɛtkï röt piny yïn Dherubabel wekë Jocua, bɛ̈nydïït ë kake Nhialic, ku kɔc ke piny kedhie, ku luɔikï luɔi. Yɛn tɔ̈u wokë week,

Ɣagai 2:5

cït man cän week lɛ̈k gutguut ɣɔn bä wek bei Rip an, “Yɛn bï tɔ̈u wo week anandï, Yɛn ŋoot ke Ya tɔ̈u we week, ka duökï riɔ̈c.

Luɔi 4:19

Na wën, ke Petero kekë Jɔn ë ke bëër, yöökkï keek an, “Luɛlkï week, nɔn piɛth en tëde Nhialic të piŋ wok këdun awär pïŋ piŋ wok këde Nhialic.

Nyöŋ 1:21

Tiëŋkï yeka. Lakï ku ɣapkï cït man wään cien we yɔ̈ɔ̈k, an, duökï lɔ wïlwïl ku duökï riɔ̈c.’

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 31:23

Go Bɛ̈nydït Jocua wën de Nun yɔ̈ɔ̈k, an, tɔ rɔt ril ku rit yïpiɔ̈u, në baŋ bï yïn mïth ke Yithriɛl lɛɛr piny cän kuëëŋ an bä gäm keek, ku yɛn guöpdï yɛn bï tɔ̈u wokë week.

Nyöŋ 31:28

Kuötkï röördït ke dhiëënkun ku bänykun kedhie në yanɔm aguɔ ee wëlkë bɛ̈n lueel ke ke piŋ. Ku caal paannhial kekë piny bïk aa cäätɔ në këden.

Jocua 1:10

Go Jocua bäny nu ë kɔc nïïm yɔ̈ɔ̈k an,

Jocua 1:17

Yïn buk gam thok cït man wään ye wok Mothe gam thok. Ku Bɛ̈nydït Nhialicdu, abï tɔ̈u kekë yïn cït man wään tɔ̈u en kekë Mothe!

Jocua 1:18

Raan ëbɛ̈n, raan lɔ jamdu dhɔ̈ŋic, ayï raan reec jamdu piŋ, abï nɔ̈k. Ka yïn rit yïpiɔ̈u, ku tɔ rɔt ril.

Jocua 10:25

Go Jocua lɛ̈k bänyke an, “Duökï röt pɛ̈l wei. Riɛtkï wepiɔ̈ɔ̈th ku takkï röt ril. Yen kë bïï Bɛ̈nydït luöi kɔc de ater ë week ka kedhie.”

Jocua 10:8

Go Bɛ̈nydït lɛ̈k Jocua an, “Du riɔ̈c në keek. Acä ke tääu në yïcin. Acïn raan töŋ bï kɔ̈ɔ̈c lëu në yïnɔm.”

Jocua 3:7

Go Bɛ̈nydït lɛ̈k Jocua an, “Kë bä looi ë köölë, abï kɔc ke Yithriɛl tɔ rïïu yïn guöp, cït man ë raandït. Ku abïk jɔ ŋic nɔn täu Ɛn wokë yïn, cït man ɣɔn kan Ɛn tɔ̈u wokë Mothe.

Jocua 6:27

Ku Bɛ̈nydït aa tɔ̈u kekë Jocua, go Jocua rin jɔ tïc në pinyic ëbɛ̈n.

Jocua 8:1

Na wën, ke jɔ Bɛ̈nydït lɛ̈k Jocua an, “Jɔt rem de tɔŋdu ëbɛ̈n, ku lɔ Ai. Du riɔ̈c ku du rɔt pɛ̈l wei. Yïn bä tɔ tiam melik de Ai kekë kɔcke, ku ta yï nöm wunde kekë pinyde.

Bäny 6:14

Ago Bɛ̈nydït ye yɔ̈ɔ̈k, ku lueel, an, “Lɔɔr wekë riɛldïtdu, ku yïn bï kɔc ke Yithriɛl lɔ luök në kɔc ke Midian cin, Yɛn guöpdï Yɛn aa toc yïn.”

1 Tham 10:7

Ku të cïï ee kakë röt looi, ke yï loi kë cïï Nhialic lɛ̈k yïn an bä lɔ looi.