Jocua 1:8 - JAM DE NHIALIC 2011

⁸ Du awerek de ee löŋë kɔn tɔ jël në yïthok. Ye cool ë ŋɛk yïn e yic, aköl ku wäkɔ̈u ke yï bï luɔi de këriëëc ëbɛ̈n jɔ lëu, kë cï gɔ̈ɔ̈r thïn. Ke yï bï jɔ tiam.

Jocua 1:8 Iomraidhean Croise

Cäk 24:63

Ku Yithaak acï akɔ̈l dap këuwic ɣɔn thëën, ke lɔ yecök caath domic. Go thɔ̈rɔ̈l tïŋ abɔ̈.

2 Lëk 26:5

Ɣɔn pïïr ë Dhekaria raandɛn ee ye wɛ̈ɛ̈t, Yudhia aaye Bɛ̈nydït riëëu, ago Nhialic thieei.

Diɛt 119:11

Yɛn cï lööŋku muk në yapiɔ̈u, ke ya cïï kërac bï luöi Yïn.

Diɛt 119:15

Yɛn bï lööŋku kueen yiic, ku thɛm wëëtdu.

Diɛt 119:97

Yɛn nhiaar löŋdu arëët! Aya cool ë tak en en yic aköölnyïïn ëbɛ̈n.

Diɛt 119:99

Yɛn ŋic kajuëc awär kɔc ë piööc yɛn, në biäk ee yɛn wëëtdu kueen yic.

Diɛt 19:14

Gam jamdï kekë täŋdï, Bɛ̈nydït, gëlgëldï, ku konydï!

Diɛt 40:10

Yɛn kën kuɔɔnyduön de luäk thiaan në yapiɔ̈u, Yɛn kën nhiëërduön agɔk kekë piɔ̈nduön adöt moony. Në akutnɔm dïït de kɔc juëc yiic.

Kɛ̈ŋ 3:1

Du nɔm kɔn määr në wëët lɛ̈k yïn mɛnhdï. Ku ye lööŋ thɔ̈n yïn döt aköölnyïïn.

Yith 59:21

Ku luɔi mät wo week: wek cä gäm riɛldï ku wëëtdï, ke bï ya këdun aɣet athɛɛr, ku gɔl ënɔɔnë ɣeet wadäŋ, wek bï ya riëëu, ku wɛ̈ɛ̈tkï mïthkun ku kuatdun bïk ɛn aa riëëu aköölnyïïn bï ëbɛ̈n.”

Math 12:35

Raan piɛth piɔ̈u ee kapiɛth bɛ̈ɛ̈i bei në kakɛn piɛth nu ë yepiɔ̈u, ku bïï raan rac piɔ̈u karɛc bei në kakɛn rac nu ë yepiɔ̈u.”

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Math 7:21

Acie raan ëbɛ̈n raan ee ye lueel, an, Bɛ̈nydït, Bɛ̈nydït, yen bï lɔ ë ciɛɛŋ de Nhialic, ee raan ë këde piɔ̈u ë wäär looi, wäär nu paannhial yen abï lɔ.

Math 7:24

Yen ka, raan ëbɛ̈n raan ë wëlkiënë piŋ, ku ye ke looi, yen abä thɔ̈ɔ̈ŋ kekë raan pelnɔm, raan ë ɣönde yïk ë kuur nɔm,

Luk 11:28

Go lueel an, “Aŋuän luɔi bï yïn e lueel an, thieithieei ë kɔc ee jam ë Nhialic piŋ, ku yek döt!”

Jɔn 13:17

Të ŋiɛc wek kakë, thieithieei week të ya wek keek looi!

Jɔn 14:21

“Raan gam lööŋ cï ke thɔ̈n ɛn, ku muk keek, yen aye raan nhiaar ɛn: ku raan nhiaar ɛn abïï Wäär nhiaar, ku abä nhiaar aya, aguɔ rɔt nyuöth en.”

Epethiei 4:29

Ë cïn jam nhiɛɛny ee bɛ̈n bei ë wethook, ë ye jam piɛth etök, jam duëër kɔc kueet ë kë dak keek, ke kɔc piŋ en ke ke bï dhuëëŋdepiɔ̈u yök.

Nyöŋ 29:8

ku nömkï pinyden ku tëku dhiëën ke yï: Ruben, ku Gad, ku biäk de dhiën de Manatha.

Nyöŋ 29:9

Riëëukï cök ke ë löŋ cï macë kedhie në piɔ̈n adöt, aguɔkï tiam në këriëëc yak looi yic ëbɛ̈n.

Nyöŋ 30:14

Ei, jam athiääk kekë week arëët. Anu në we thook ku anu në wepiɔ̈ɔ̈th, ka week aduëërkï riëëu.

Nyöŋ 31:11

Të ye kɔc ke Yithriɛl kedhie bɛ̈n në Bɛ̈nydït Nhialicdun nɔm, tëdɛn bï lɔc, yɛn bï ee löŋë kueen në kenïïm kekë piŋ.

Nyöŋ 31:24

Ku të wën cï Mothe wël ke lööŋ thöl në gäär gɔl në yenɔm leer ciëën,

Nyöŋ 5:1

Go Mothe kɔc ke Yithriɛl cɔɔl tëtök kedhie ku yöök keek, an, Wek kɔc ke Yithriɛl piɛŋkï lööŋ gäm ke week ee köölë, ŋiɛckï keek ëgɔk, ku dhiɛlkï keek riëëu.

Nyöŋ 5:29

Na yek kë cït ee kënë tak aya aköölnyïïn! Ku na yek ya riëëu guöp ku rïïukï lööŋkï kedhie, ago piath ke keek ayï kuatden aɣet athɛɛr.

Nyöŋ 5:32

“Wek kɔc ke Yithriɛl, abäk dhil ŋic ë gɔk nɔn bä wek këriëëc ëbɛ̈n cïï Bɛ̈nydït Nhialicdun lɛ̈k week dhil looi.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

Jocua 1:7

Rit yïpiɔ̈u arëët, ku tɔ rɔt ril. Ku them ëgɔk nɔn bï yïn löŋdï döt ëbɛ̈n, löŋ cïï Mothe awundï gäm yïn. Ku du päl, ke yï bï ya tiam në këriëëcic ëbɛ̈n.

Jocua 8:34

Go Jocua löŋ kueen ëbɛ̈n aläl ke piŋ kɔc, kueen athiɛɛi ayï acien, cït man cïï ke gɔ̈ɔ̈r në Awerek de Löŋic.

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.