Jocua 1:5 - JAM DE NHIALIC 2011

⁵ Acïn raan lëu bï yï gël nɔm në pïïrdu yic ëbɛ̈n. Yɛn bï tɔ̈u wo yïn, cït man wään täu Ɛn wokë Mothe. Ku yïn cä bï pɔ̈l, ku cä yï bï nyääŋ piny.

Jocua 1:5 Iomraidhean Croise

Cäk 39:2

Bɛ̈nydït atɔ̈u ke Jothep, ku ye Jothep tɔ tiëm. Ku Jothep arɛ̈ɛ̈r baai de bɛ̈nyde, raan ë Rip.

1 Mel 1:37

Cït man ɣɔn tɔ̈u ë Bɛ̈nydït ke yïn, abï tɔ̈u ke Tholomon, ku tɔ loi thööny de Tholomon ke wär këdu!”

1 Mel 11:38

Na lɔ jam cä lɛ̈k yïn riëëu, ku të le yïn cath ë kuɛɛrkï yiic, ku loi yic në yanɔm bä lööŋkï döt kekë wëëtdï cït man cï Debid awundï ye looi, ke Yɛn bï tɔ̈u wo yïn, ku yɛn bï raan töŋ de dhiëndu tɔ ye melik ë caŋɣɔn në Yithriɛl, cït man cän raan töŋ de dhiën ë Debid aa melik ë caŋɣɔn ë Juda, ku kɔc ke Yithriɛl abä ke gäm yïn.

1 Mel 6:13

Yɛn bï rëër në mïth ke Yithriɛl yiic, ku Yɛn cïï kɔckiën ke Yithriɛl bï puɔ̈l.”

1 Mel 8:57

Në Bɛ̈nydït tɔ̈u ke wook cït man ɣɔn tɔ̈u En ke kuarkuɔ, ë cïï wo nyiëëŋ piny,

1 Lëk 28:20

Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Bɛ̈n 3:12

Go Nhialic lueel an, “Yɛn bï tɔ̈u wo yïn, ka wadäŋ të le yïn ke bɛ̈ɛ̈i bei paan ë Rip, wek bï bɛ̈n lam në ee kuurë nɔm eenë. Yen abï ye jɔ ŋic nɔn ee Yɛn ë toc yïn.”

Yith 42:16

“Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Jeremia 1:8

Du riɔ̈c në keek, Yɛn bï tɔ̈u wo yïn ke yï gɛ̈l. Acä lueel Yɛn Bɛ̈nydït!”

Danyel 11:16

Kɔc ke Athiriya loi tɔŋë, abï këdɛn kɔɔrkï luöi keek, ke cïn raan gël keek nïïm. Abï lɔ kɔ̈ɔ̈c piny cï thiɛɛi yic ku abï nu në yeciin ëbɛ̈n.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Romai 8:37

Acie yen, ku në kakë yiic kedhie wok ee jööt ee tɔŋ tiaam arëët në riɛl ë raan cï wo nhiaar.

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 20:4

Bɛ̈nydït Nhialicdun alɔ ke week, ku abï week tɔ tiëm.’

Nyöŋ 31:23

Go Bɛ̈nydït Jocua wën de Nun yɔ̈ɔ̈k, an, tɔ rɔt ril ku rit yïpiɔ̈u, në baŋ bï yïn mïth ke Yithriɛl lɛɛr piny cän kuëëŋ an bä gäm keek, ku yɛn guöpdï yɛn bï tɔ̈u wokë week.

Nyöŋ 4:31

Ee Nhialic de kokëpiɔ̈u, acïï week bï pɔ̈l, ku acïï week bï riɔ̈ɔ̈r nyïïn, ku acïï nɔm bï määr në män cï looi guöpde kekë kuarkun.

Nyöŋ 7:24

Abï Meliikken tääu ë wecin. Abäk keek nɔ̈k, ka kɔc abïk nïïm määr ë keek. Acïn raan töŋ bï week tɔ kääc, wek bï raan ëbɛ̈n riɔ̈ɔ̈r nyin.

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

Jocua 1:17

Yïn buk gam thok cït man wään ye wok Mothe gam thok. Ku Bɛ̈nydït Nhialicdu, abï tɔ̈u kekë yïn cït man wään tɔ̈u en kekë Mothe!

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Jocua 10:8

Go Bɛ̈nydït lɛ̈k Jocua an, “Du riɔ̈c në keek. Acä ke tääu në yïcin. Acïn raan töŋ bï kɔ̈ɔ̈c lëu në yïnɔm.”

Jocua 21:44

Ago Bɛ̈nydït ke gäm mät cït man wään cï en ë thɔ̈n kuarken. Acïn raan tök në kɔc de kek ater cï kɔ̈ɔ̈c bɛ̈n lëu në kenïïm, në biäk ë cïï Bɛ̈nydït ke gäm tiëm.

Jocua 3:7

Go Bɛ̈nydït lɛ̈k Jocua an, “Kë bä looi ë köölë, abï kɔc ke Yithriɛl tɔ rïïu yïn guöp, cït man ë raandït. Ku abïk jɔ ŋic nɔn täu Ɛn wokë yïn, cït man ɣɔn kan Ɛn tɔ̈u wokë Mothe.

Jocua 6:27

Ku Bɛ̈nydït aa tɔ̈u kekë Jocua, go Jocua rin jɔ tïc në pinyic ëbɛ̈n.

Bäny 2:18

Të cïï Bɛ̈nydït bɛ̈ny ee löŋ guiir bɛ̈ɛ̈i, Bɛ̈nydït ee tɔ̈u kekë bɛ̈ny abïï keek luäk bei në kɔc ee ke yɔŋ cin të pïïr en. Bɛ̈nydït ee piɔ̈u kok ke keek, në luɔi cï dhiëndɛn ye kek dhiau në yaaŋ yɔŋë keek Bɛ̈nydït puk piɔ̈u.

Bäny 6:16

Ago Bɛ̈nydït bɛ̈ɛ̈r an, “Aduëërë looi në biäk bän yïn luök, ku yïn bï kɔc ke Midian nɔ̈k ëthiäu cït man ë kë näk raantök.”

1 Tham 10:7

Ku të cïï ee kakë röt looi, ke yï loi kë cïï Nhialic lɛ̈k yïn an bä lɔ looi.