Jɔn 8:7 - JAM DE NHIALIC 2011

⁷ Na wën, acïk cool e thiëëc kek en, ke jɔ rɔt jɔt, yöök keek an, “Raan cïn piɔ̈u kërac ë weyiic, ë kɔn kuur dɛ̈ny en.”

Jɔn 8:7 Iomraidhean Croise

Kɛ̈ŋ 12:18

Deeny de wël kënë cätiic atök ke thook cït tɛ̈m de tɔŋ moth, ku wël lueel në pɛlënɔm acïtkï wɛ̈ɛ̈l ee pial ë guöp bɛ̈ɛ̈i.

Jeremia 23:29

Jamdï acït mac, ku acït thɔn ë dëi ee kur dhuööŋ ë thorthor.

Jɔn 7:46

Go bäny ee kɔc mac pɔ̈k nïïm keek an, “Ëcaŋɣɔn acïn raan cï kɔn jam cït man ee raanë!”

Jɔn 8:10

Na wën, acï Yecu rɔt jɔt, ku acïn raan cï tïŋ, ee tik etök, ke jɔ thiëëc an, “Tiiŋë, kɔc akou kɔc wënthɛɛr gɔɔny yïn? Cïn raan cï yïn yiëk yeth gääk?”

Jɔn 8:8

Go yenɔm bɛ guöt piny, gɛ̈ɛ̈r piny ë yecin.

Kolothai 4:6

Yak jamdun tɔ cath ke dhuëëŋdepiɔ̈u anandun cït man ë kuïn cï wac ë amilɔ, ke we bï këde raan ëbɛ̈n ŋiëc bɛ̈ɛ̈r apiɛth.

Nyuuth 1:16

Ku aa muk kuɛl kadhorou ë ciin cuënyde: ku bɔ̈ abätäu bei ë yethok, abätäu moth ë thook kaarou: ku cït nyin akɔ̈l të ruel en aläl.

Nyuuth 19:15

Ku bɔ̈ abätäu moth bei ë yethok, bï en juöör kip: ku abï ke jɔ cieŋ ë thieny wëëth: go kën ee mïth ke enap dhiim thïn duöm piny, aye mɔ̈u, mɔ̈n ë tuöc de agönhdïït ë Nhialic Awärjäŋ.

Nyuuth 2:16

Yen puk yïn yïpiɔ̈u, be, an, jai, ke yɛn bï dap bɛ̈n tëde yïn, bä bɛ̈n biök wo keek në abätäu de yɛnthok.