Jɔn 8:43 - JAM DE NHIALIC 2011

⁴³ Eeŋö cä wek jamdï ŋic? Ee luɔi cä wek jamdï lëu në pïŋ.

Jɔn 8:43 Iomraidhean Croise

Jɔn 5:43

Yɛn ë bɔ̈ në rin ke Wäär, ku we kën a gam: të bï raan däŋ në rin ke yenguöp, yen abäk gam.

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Jɔn 6:60

Ago kɔc juëc ë kɔckɛn ë piööcë yiic, të cï kek e piŋ, agokï lueel an, “Ee jam ril ee kënë, eeŋa duëër e piŋ?”

Jɔn 8:27

Aake kuc nɔn cï e lɛ̈k keek në këde Wun.

Jeremia 6:10

Guɔ bɛ̈ɛ̈r luɛɛl an, “Eeŋa bï këdï piŋ na la jam wo keek ku jääny keek? Ayek kɔc ril nïïm ku acïk jaai bïk jamdï piŋ, ayek kë cï lëk ɛn bä lueel dɔl.

Kɛ̈ŋ 28:5

Kɔc ee karɛc looi akuckï luɔi de yic, ku kɔc ee Bɛ̈nydït riëëu ayek yökic ëbɛ̈n.

Yith 44:18

Kɔc cït ee kakë ayek dhän aläl, akuckï kë loikï. Ayek kenyïïn niɛɛn, ku thiökkï kenïïm në yic.

Yith 6:9

Ago lɛ̈k ɛn bä ke lɔ lɛ̈k ee thoŋë an, “Ciɛk aa wek ë pïŋ, kë piɛŋkï acäkï bï yökic. Ciɛk aa wek ë daai, kë loi rɔt acäkï bï ŋic.”

Maika 4:12

Ku juöör akuckï kë cath ke Bɛ̈nydït, akënkï kiɛɛrde yökic. Yen raan ee keek määt yiic, ku kɔ̈ɔ̈m keek cït kë käm rap në yiɛɛuwic.

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Romai 3:11

Acïn raan ŋic käŋ, acïn raan ee Nhialic kɔɔr,

Math 13:15

Kɔckë acïk piɔ̈ɔ̈th guɔ cuai, ku ayek piŋ ë pïŋ ë miŋ ë keyïth, ku acïk kenyïïn niɛɛn, Ke ke cïï bï aa daai ë kenyïïn, ku cïkï bï aa piŋ ë keyïth, ku cïkï wël bï yök yiic ë kepiɔ̈ɔ̈th, Agokï kepiɔ̈ɔ̈th puk, Aguɔ keek tɔ dem.

Jɔn 5:25

Wek yɔ̈ɔ̈k ëyic an, kööl abɔ̈, ku anu ënɔɔnë, kööl bï kɔc cï thou röl ë Wën ë Nhialic piŋ, ku kɔc ë pïŋ abïk pïïr.

Jɔn 8:33

Gokï bɛ̈ɛ̈r an, “Wok ee kɔ̈th ke Abraɣam, ku wo kën kɔn aa lïïm ke raan däŋ ëcaŋɣɔn: eeŋö lueel yïn en an, ‘We bï lony?’”

Jɔn 8:39

Gokï bɛ̈ɛ̈r, yöökkï an, “Abraɣam yen aye wääda.” Go Yecu ke yɔ̈ɔ̈k an, “Të ya wek mïth ke Abraɣam adï yak luɔi de Abraɣam looi.