Jɔn 6:2 - JAM DE NHIALIC 2011

² Ku jɔ biɔɔth cök ë kut dïït ë kɔc, në kë cï kek göök tïŋ ka cï luöi kɔc tök.

Jɔn 6:2 Iomraidhean Croise

Math 12:15

Na wën, acï Yecu e ŋic, ke ric rɔt ëtɛ̈ɛ̈n, ago kuany cök ë kuut dïït ke kɔc, go ke tɔ dem kedhie,

Math 13:2

Na wën, acï kuut dït ke kɔc guëër të nu yen, ke lɔ ë abëlic, le ku nyuc, ku kääc kut ë kɔc biic ëbɛ̈n.

Math 14:14

Go Yecu lɔ biic, ku tïŋ kut dïït ë kɔc, ago piɔ̈u kok ke keek, ku tɔ kɔc dem kɔc tök ë keyiic.

Math 8:1

Na wën, acï bɛ̈n piny ë kuur nɔm, ke kuut dït ke kɔc ke ke biɔth yecök.

Mak 1:45

Ku yen, të cï en lɔ biic, ke jɔ jam lueel arëët, abï thiëi ë piny nɔm, arëk acïn të duëërë Yecu bɛ lɔ pänydït ë kɔc nyïïn, ku ye tɔ̈u röör ë jɔ̈ɔ̈ric: go kɔc bɛ̈n të nu yen ë baai yic ëbɛ̈n.

Mak 6:33

Na wën, ke ke tïŋ kut ë kɔc ë ke jël, go kɔc juëc ke ŋic, gokï kat ë kecök ë wuöt yiic kedhie, lek tɛ̈ɛ̈n, agokï ke wöör.

Jɔn 11:47

Go bänydït ke ka ke Nhialic ku Parithai agokï yai tɔ guëër, ku luelkï, an, “Eeŋö loiku? Raanë ee göök juëc looi!

Jɔn 12:18

Yen aa le kut ë kɔc biic ayadäŋ, lek loor, luɔi cï kek e piŋ nɔn cï en gökë looi.

Jɔn 12:37

Ku acakaa nɔn cï en göök juëc looi ë kenïïm, gokï ŋoot ë ke cïï gam:

Jɔn 2:11

Göl ë gɔlë göök bï kɔc ke gäi kï, kë cïï Yecu looi ë Kana de Galili, abïï dhuëëŋde nyuɔɔth, go kɔckɛn ë piööcë gokï këde gam.

Jɔn 2:23

Ɣɔn nu yen ë Jeruthalem ë akööl ke Winythok, go kɔc juëc rinke gam, të cï kek göök tïŋ göök wën cï looi.

Jɔn 20:30

Göök juëc kɔ̈k aya acï Yecu ke looi ë kɔckɛn ë piööcë nïïm, ka kënë gɔ̈ɔ̈r në këcïgɔ̈ɔ̈rë yic.

Jɔn 3:2

Ë bɛ̈n tëde Yecu wakɔ̈u, bï ku lueel an, “Rabi, yïn ŋicku nɔn ee yïn raan ee wëët raan ë bɔ̈ tëde Nhialic: acïn raan duëër göök loiyë looi, të cïï Nhialic cath ke yen.”

Jɔn 6:14

Ago kɔckë, të cï kek gök cï Yecu looi tïŋ, agokï lueel an, “Ee yic, raanë ee tiët wään, an, bï bɛ̈n ë piny nɔm!”

Jɔn 6:22

Na ɣɔn amiäk, ke kut ë kɔc wään kääc ë wɛ̈ɛ̈r nɔm, lɔŋ ë jël kek thïn, acïn abël däŋ ë cïk tïŋ ëtɛ̈ɛ̈n, ee abël wään cï kɔckɛn ë piööcë lɔ thïn etök, ku acïk Yecu tïŋ wään nɔn kën en lɔ ë abëlic kekë kɔckɛn ë piööcë, kɔckɛn ë piööcë aake jël kapäc.

Jɔn 6:26

Go Yecu pɔ̈k nɔm keek an, “Wek yɔ̈ɔ̈k ëyic, an, acie luɔi cä wek göök tïŋ, ee luɔi cä wek cam në kuïn cï pam, abäk kuɛth, yen aa kaar wek ɛn.

Jɔn 6:30

Gokï thiëëc an, “Ee gök ŋö loi ënɔɔnë, ke buk tïŋ, agoku yï gam? Ee luɔi ŋö loi?