Jɔn 2:3 - JAM DE NHIALIC 2011

³ Na wën, aacï mɔ̈u dak, mɔ̈ndɛn ë cïk looi, ke Yecu ë yöök ë man en an, “Acïnkï nïïm mɔ̈u.”

Jɔn 2:3 Iomraidhean Croise

Diɛt 104:15

ago mɔ̈u luɔk ke bï ke tɔ mit piɔ̈ɔ̈th, ku miök de olip ee ke tɔ lɔ piɔ̈ɔ̈th yum, ku kuïn bï ke gäm riɛl.

Wɛ̈ɛ̈t 10:19

Thar ë dɔl ee kuɛth, ku ye miɛtëpiɔ̈u këde mɔ̈u, ku jɔ wëu këriëëc aa looi ëbɛ̈n.

Yith 24:11

Kɔc adhiaukï në kuɛɛriic në biäk de ciɛ̈n mɔ̈u. Miɛtëpiɔ̈u ë jäl athɛɛr, ë määr ë piny nɔm.

Math 26:28

riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai.

Jɔn 11:3

Go nyïïrakɛcken raan tooc le ku lueel an, “Bɛ̈nydït, raanduön nhiaar ade guöp juäi.”

Jɔn 2:2

ayï Yecu ayï kɔckɛn ë piööcë acï ke cɔɔl ë thiëëkic ayadäŋ.

Jɔn 2:4

Go Yecu puk nɔm an, “Tiiŋë eeŋöda në yïn? Thaardï aŋoot ke kën bɛ̈n.”

Pilipoi 4:6

Ë cïn kë bä wek piɔ̈ɔ̈th diɛɛr, ku në këriëëcic ëbɛ̈n yak kë kaarkï tɔ ŋic Nhialic në lɔ̈ŋ ku pal ku luɛl aa wek thieithieei lueel.