Jɔn 2:16 - JAM DE NHIALIC 2011

¹⁶ ku lëk kɔc ë ajiël ke guuk ɣaac an, “Nyaaikï kakë ee tënë, duökï ɣön ë wäär ë tɔ ye ɣön ë ɣööc.

Jɔn 2:16 Iomraidhean Croise

Jeremia 7:11

Yak tak ye ɣöndiën ë Bɛ̈nydït të ye cuɛ̈ɛ̈r thiaan thïn? Yɛn cï kë luɔikï tïŋ.

Math 21:12

Go Yecu lɔ Luaŋdït de Nhialic, le ku cieec kɔc biic kedhie, kɔc ee käŋ ɣaac ëtɛ̈ɛ̈n. Ku puk pɛɛm piny pɛɛm ke kɔc ë wëu waar yiic, ayï kak ee kɔc rëër kɔc ë ajiël ke guuk ɣaac, acï ke pɔ̈k piny,

Math 21:13

ku yöök keek an, “Acï gɔ̈ɔ̈r an, ‘Ɣöndï abï aa cɔl ɣön ë lɔ̈ŋ, ku week, acäk tɔ ye ɣön ë kɔc ee käŋ rum!”

Math 22:5

Gokï lueel an, “Eeŋöda thïn, ku jëlkï, lɔ tök domde, ku lɔ tök tëdɛn ë ɣööc,

Mak 11:17

Go ke wɛ̈ɛ̈t, yöök keek an, “Kënë gɔ̈ɔ̈r an, ‘Ɣöndï abï aa cɔl ɣön ye juöör lɔ̈ŋ thïn ëbɛ̈n?’ Ku week, acäk tɔ ye ruŋ ë kɔc ee käŋ rum!”

Luk 2:49

Go ke yɔ̈ɔ̈k an, “Ee käŋö ë kaar wek ɛn? Kuöckï nɔn duëër ɛn dhil tɔ̈u baai de wäär?”

Jɔn 10:29

Wäär, raan ë gëm ke yɛn, adït awär jäŋ ëbɛ̈n: ku acïn raan duëër ke gɔ̈p bei ë Wäär ciin.

Jɔn 2:15

Go tiäär yiëër ë këër, ku cieec ke biic kedhie në Luaŋdïtic, ayï thök, ayï miöör, ku luuŋ wëu piny wëu ke kɔc ee wëu waar yiic, ago pɛɛmken pɔ̈k yiic piny,

Jɔn 20:17

Go Yecu yɔ̈ɔ̈k an, “Du ya jak guöp, yɛn ŋoot ke yɛn kën lɔ nhial tëde wäär. Jɔ lɔ tëde wɛ̈ɛ̈tamäthkuɔ, lɛ̈kë keek, an, Yɛn lɔ nhial tëde Wäär, ku ye Wuöördun, ku la tëde Nhialicdï, ku ye Nhialicdun.”

Jɔn 5:17

Go Yecu pɔ̈k nɔm keek an, “Wäär ee luui aɣet cï ënɔɔnë, ku yɛn ee luui aya.”

Jɔn 8:49

Go Yecu bɛ̈ɛ̈r an, “Yɛn cïn guöp jɔŋ rac, ku yɛn riëëu Wäär, ku wek reec a riëëu.

1 Tim 6:5

ku bïï lööŋ ɣäär yiic lööŋ ke kɔc cï piɔ̈ɔ̈th riääk, kɔc cïn yic cath ke keek, kɔc ee ye lueel an, Riëëu ee raan Nhialic riëëu ee kueer bï kake ŋuak nyïïn: ratë rɔt wei ë kɔc cït ee kakë lɔ̈m.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!