Jɔn 2:11 - JAM DE NHIALIC 2011

¹¹ Göl ë gɔlë göök bï kɔc ke gäi kï, kë cïï Yecu looi ë Kana de Galili, abïï dhuëëŋde nyuɔɔth, go kɔckɛn ë piööcë gokï këde gam.

Jɔn 2:11 Iomraidhean Croise

1 Mel 17:24

Go tik bɛ̈ɛ̈r, an, “Yïn cä jɔ ŋic ënɔɔnë luɔi yïn raan de Nhialic, ku jam ë Bɛ̈nydït lueelë ee yic!”

Diɛt 72:19

Pianykï rinkɛn ke dhuëëŋ aɣet athɛɛr! Në dhuëëŋde thiɔ̈ŋ pinynɔm ëbɛ̈n. Amiin! Amiin!

Diɛt 96:3

Lɛ̈kkï dhuëëŋde juöör, lɛ̈kkï kɔc ëbɛ̈n göök cï looi.

Bɛ̈n 14:31

Na wën, aa tïŋ kɔc ke Yithriɛl riɛl dïït de Bɛ̈nydït, riɛl cï Yen kɔc ke Rip tiaam, ke ke riɔ̈c në Bɛ̈nydït ku gamkï, ku gamkï Mothe lïmde ayadäŋ.

Bɛ̈n 4:9

Na cï ka gɛ̈ɛ̈iyë ke kaarou looi, ku ŋootkï ke ke cïï këdu piŋ, ku cïkï kɔɔr nɔn bï kek e gam, ke yï gem pïïu Kiir ku wälë keek biic. Kek pïïu cï gem abïk röt puk aye riɛm.”

Wɛ̈ɛ̈t 9:7

Lɔ tueŋ, cam kuïndu ke yï mit piɔ̈u, ku dek mɔ̈ndu në piɔ̈n mit, Nhialic amit piɔ̈u në kakuön cï looi.

Yith 40:5

Ku dhuëëŋ de Bɛ̈nydït abïï nyuɔɔth, ku abïï mɛnh ë raan tïŋ ëbɛ̈n. Ku Bɛ̈nydït guöpde acï lueel.”

Malakai 2:2

Aluɛɛl yɛn Bɛ̈nydït de rɛm an, “Wek yɔ̈ɔ̈k an, të kɛ̈n wek jamdï piŋ, ku kɛ̈nkï tääu në wepiɔ̈ɔ̈th ëgɔk, ago rinkï dhuëëŋ yök, we bä cieen, ku ciɛɛn kapiɛth ye kɔc ke yiɛ̈n week ɣön ë Nhialic. Ku ë yic, acä ke guɔ cieen, në luɔi kën kek jamdï tääu në kepiɔ̈ɔ̈th.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 1:43

Na ɣɔn amiäk, ke Yecu de piɔ̈u jäl le Galili, ago Pilip yök: ku jɔ lɛ̈k en an, “Kuany a cök.”

Jɔn 1:50

Go Yecu bɛ̈ɛ̈r, lueel an, “Nɔn cän e lɛ̈k yïn, Yïn ë tiëŋ ë ŋaap thar, yen aa gëm yïn? Yïn bï kadït tïŋ kawär kakë.”

Jɔn 10:41

Go kɔc juëc bɛ̈n të nu yen luelkï an, “Jɔn acïn gök cï looi: ku käŋ kedhie kak ë lueelë Jɔn në këde raanë acïk aa yith.”

Jɔn 11:15

Ku yɛn mit piɔ̈u në baŋdun nɔn ë liɛɛu yɛn ëtɛ̈ɛ̈n, luɔi bä wek gam, apiɛth tei, lokku të nu yen.”

Jɔn 11:47

Go bänydït ke ka ke Nhialic ku Parithai agokï yai tɔ guëër, ku luelkï, an, “Eeŋö loiku? Raanë ee göök juëc looi!

Jɔn 12:18

Yen aa le kut ë kɔc biic ayadäŋ, lek loor, luɔi cï kek e piŋ nɔn cï en gökë looi.

Jɔn 12:37

Ku acakaa nɔn cï en göök juëc looi ë kenïïm, gokï ŋoot ë ke cïï gam:

Jɔn 12:41

Kakë aake lueel Yithaya, të ɣɔn tïŋ en dhuëëŋde, ago jam në këde.

Jɔn 14:13

Ku të de yen kë bäk lip në rinkï, ka bä looi, ke Wääda bï dhuëëŋ yök në Wënde.

Jɔn 16:27

Wäär guöp anhiaar week, luɔi nhiaar wek ɛn, ku luɔi cä wek a gam nɔn ë bä yɛn tëde Nhialic.

Jɔn 16:30

Ënɔɔnë aŋicku ëgɔk nɔn ŋic yïn käŋ kedhie, ku acïn kë bï raan bɛ thiëc yïn: kënë yen a gɛm wok yïn nɔn ë bï yïn tëde Nhialic.”

Jɔn 2:1

Na wën, ëkööl ee kek diäk ade thiëŋ cï lueel ë Kana de Galili, ku nu man Yecu ëtɛ̈ɛ̈n:

Jɔn 2:23

Ɣɔn nu yen ë Jeruthalem ë akööl ke Winythok, go kɔc juëc rinke gam, të cï kek göök tïŋ göök wën cï looi.

Jɔn 3:2

Ë bɛ̈n tëde Yecu wakɔ̈u, bï ku lueel an, “Rabi, yïn ŋicku nɔn ee yïn raan ee wëët raan ë bɔ̈ tëde Nhialic: acïn raan duëër göök loiyë looi, të cïï Nhialic cath ke yen.”

Jɔn 4:3

Ke jël ë Juda, be lɔ Galili,

Jɔn 4:46

Na wën, ke be bɛ̈n Kana de Galili, të wään puk en pïïu aye mɔ̈u. Ku ade bɛ̈ny ëtɛ̈ɛ̈n, bɛ̈ny töökë wënde ë Kapernaum.

Jɔn 4:54

Gök ee kek rou kï, gök cïï Yecu looi, të cï en bɛ̈n bei ë Judaya bïï Galili.

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Jɔn 6:14

Ago kɔckë, të cï kek gök cï Yecu looi tïŋ, agokï lueel an, “Ee yic, raanë ee tiët wään, an, bï bɛ̈n ë piny nɔm!”

Jɔn 6:2

Ku jɔ biɔɔth cök ë kut dïït ë kɔc, në kë cï kek göök tïŋ ka cï luöi kɔc tök.

Jɔn 6:26

Go Yecu pɔ̈k nɔm keek an, “Wek yɔ̈ɔ̈k ëyic, an, acie luɔi cä wek göök tïŋ, ee luɔi cä wek cam në kuïn cï pam, abäk kuɛth, yen aa kaar wek ɛn.

Jɔn 6:30

Gokï thiëëc an, “Ee gök ŋö loi ënɔɔnë, ke buk tïŋ, agoku yï gam? Ee luɔi ŋö loi?

Jɔn 7:31

Ku kɔc juëc në kutic acïk e gam, ku luelkï an, “Kërtho, të cï yen bɛ̈n, bï göök looi göök wär ka looi ee raanë?”

Jɔn 9:16

Go Parithai kɔ̈k lueel an, “Raanë aacïï bɔ̈ tëde Nhialic, ee kööl ë Thabath rɛɛc döt.” Ku lueel kɔc kɔ̈k an, “Raan ë kërac looi duëër göök cït ë kakë looi adï?” Go teer rɔt cak ë keyiic.

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 4:17

Këpiɔɔldan dhal wook, ke bï dap lɔ wïth wei, aye wo luöi dhuëëŋ thiek dhuëëŋ wär kë dhal wook aläldïïtë, ku ye tɔ̈u athɛɛr.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Nyöŋ 5:24

ku luelkï, an, ‘Bɛ̈nydït Nhialicda acï wo nyuöth dïtde, ku dhuëëŋde, të wën piŋ wok en ke jam ë macic! Ee köölë acuk tïŋ nɔn duëër ë raan ŋoot ke pïïr, cakaa nɔn cïï Nhialic jam kekë yen.

1 Jɔn 5:13

Kakë acä ke gäär week, ke bäk ŋic nɔn cath wek në pïïr athɛɛr, wek kɔc cï rin ke Wën ë Nhialic gam.