Jɔn 17:3 - JAM DE NHIALIC 2011

³ Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 17:3 Iomraidhean Croise

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 15:3

Kɔc ke Yithriɛl acïk rëër ë run juëc ke ke cïn nïïm Nhialic yic, ku cïnkï nïïm bäny ke kake Nhialic ee keek wɛ̈ɛ̈t, ku cïnkï lööŋ.

Diɛt 9:10

Bɛ̈nydït kɔc ŋic Yïn, abïk Yïn ŋɔ̈ɔ̈th, Yïn cïï raan cï bɛ̈n tëde Yïn ee rɛɛc,

Kɛ̈ŋ 8:35

Raan cï ya yök ka cï pïïr yök, ku yen abï miɛt ë piɔ̈u yök tëde Bɛ̈nydït.

Yith 48:16

“Ënɔɔnë bäär tëthiɔ̈k ku piŋ kë luɛɛl. Të ɣɔn gɔlë käŋ yɛn aacï jam në kɔc nïïm, ku ta wël cä ke lueel ee yith.” (Ënɔɔnë Bɛ̈nydït Awärjäŋ acï ya gäm riɛl ku tooc ɛn.)

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Mak 9:37

Raan ëbɛ̈n raan bï mɛnhthiin tök dɔm, mɛnh töŋ cït ee mɛnhë, në baŋ de rinkï, ka ye yɛn ë dɔm, ku raan dɔm ɛn, acie yɛn ë dɔm, ee raan ë toc ɛn yen ë dɔm.”

Luk 9:48

go ke yɔ̈ɔ̈k an, “Raan bï mɛnhthiinë dɔm në rinkï, ka ee yɛn ë dɔm, ku raan koor ë weyiic wedhie, yen abï dït.”

Jɔn 10:36

Na raan cïï Nhialic tɔ ɣer piɔ̈u, ago tuɔɔc ë piny nɔm, bäk yɔ̈ɔ̈k an, “Yïn ë Nhialic lat, në luɛ̈l cän e lueel an, Yɛn ee Wën ë Nhialic?

Jɔn 11:42

Ku aŋiɛc nɔn ee yïn këdï piŋ ëcaŋɣɔn: ku në biäk de kut ë kɔc kääc ë yalɔ̈ɔ̈m, en aa luɛɛl ɛn en, ke ke bï gam nɔn ë tooc yïn ɛn.”

Jɔn 14:26

Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Jɔn 17:18

Acït man cï yïn a tuɔɔc ë piny nɔm, yen aa tuɔɔc ɛn keek ë piny nɔm aya.

Jɔn 17:21

ke ke bï aa raan tök kedhie, acït man nu yïn ë yayic, Wäär, ku nuö ë yïyic, ke ke bï aa raan tök në woyiic ayadäŋ: ago kɔc ke piny nɔm gam nɔn ee yïn ë toc ɛn.

Jɔn 17:23

yɛn ë keyiic, ku yïn ë yayic, ke ke bï dikëdik abïk aa tök, ago kɔc ke piny nɔm e ŋic nɔn ee yïn ë toc ɛn, ku nɔn cï yïn keek nhiaar, acït man nhiɛɛr yïn ɛn.

Jɔn 17:25

“Wäär, Raan piɛthpiɔ̈u, yïn kuc kɔc ke piny nɔm, ku yïn ŋiɛc, ku ŋic kɔckë nɔn ee yïn ë toc ɛn.

Jɔn 17:8

Ku wël wään gämë yɛn acä ke gäm keek, ku acïk ke dɔm, agokï ŋic ëgɔk nɔn ë bä yɛn tëde yïn, ku gamkï nɔn ee yïn ë toc ɛn.

Jɔn 3:17

Nhialic aacïï Wënde tuuc ë piny nɔm, bï kɔc ke piny nɔm yiëk yiëth gääk, ee luɔi bï kɔc ke piny nɔm kony wëi, en ë tuuc en en.

Jɔn 3:34

Raan ë tuuc ë Nhialic ee wël ke Nhialic lueel: ku acïï ë Nhialic miɔɔc ë Wëi në thëm them en keek.

Jɔn 5:44

Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

Jɔn 6:57

Acït Wääda, Raan pïïr, acït man cï en a tooc, ku ya pïïr në Wääda, yen acït pïïr ee raan ë ya cam pïïr ë yen aya.

Jɔn 7:29

Ku aŋiɛc yɛn, luɔi e bä yɛn tëde yen, ku yen aa toc ɛn.”

Jɔn 8:19

Agokï thiëëc an, “Nu Wuur ënou?” Go Yecu bɛ̈ɛ̈r an, “Kuc ɛn ayï Wäär: tëë we ŋic ɛn, adï ŋiɛckï Wäär aya.”

1 Kor 15:34

Jakï pääc në piɔ̈n piɛth, ku duökï kërac ee looi, kɔc kɔ̈k acïn ŋïny de Nhialic cath ke keek: yɛn luel cöökë, ke we bï yäär.

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Pilipoi 3:10

ku luɔi bän e ŋic, ku ŋiɛc riɛl dïït ë jöndɛn cï en rɔt jɔt, ku ŋiɛc röm bän ka cï guum rɔm wokë yen ëtök, aguɔ guöp kït wokë yen në thon cï en thou,

Pilipoi 3:8

Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

Ɣeberuu 3:1

Yeka, wek mïthëkɔckuɔn ɣeriic tɔ̈u në gämic, kɔc rɔm wok cɔ̈t ë paannhial, tääukï täŋdun në Yecu guöp, Raan cïï Nhialic tuööc ke ye Bɛ̈nydïït ë kake Nhialic de gämdan yok luɛɛl.

2 Pet 1:2

Ë dhuëëŋdepiɔ̈u ku mät ë ke lɔ ke ke ŋuak kenyïïn tëde week, në ŋïny ŋiɛc wek Nhialic kekë Yecu Kërtho Bɛ̈nydïïtda.

2 Pet 1:3

Acït man cï riɛldɛndïït bɔ̈ nhial wo gäm këriëëc ëbɛ̈n ka ke wëi ayï kake riëëu de Nhialic, në ŋïny ŋic wok Raan ë cɔl wook buk dhuëëŋde yök kekë piath de yenpiɔ̈u.

2 Pet 1:8

Ku na nu kakë ë weyiic, ku ë ke ŋuak röt, ka yek we tɔ ye kɔc cïï röt ee dak ku kɔc cie rool në ŋïny ŋiɛc wek Bɛ̈nydan Yecu Kërtho.

1 Jɔn 1:2

Ku pïïr acï tïc ëgɔk, ka cuk tïŋ, ku yök cäätɔɔ në këde, agoku week aa guiëër pïïr athɛɛrë, pïïr ë nu ke Wääda, ku cï nyuöth wook.

1 Jɔn 1:3

Kë cuk tïŋ ku piŋku, en a guïïrku week, ke we bï abärɔ aa mat në wook ëtök ayadäŋ: ku ë yic abärɔdan yok mat yen aye abärɔ de Wääda kekë Wëndɛn Yecu Kërtho:

1 Jɔn 2:23

Raan ëbɛ̈n raan jai ë Wënde, ka Wääda acïï cath ke yen aya: ku raan gam Wënde, ka cath ke Wääda aya.

1 Jɔn 4:6

Wok ee kɔc ke Nhialic: raan ŋic Nhialic ka ye këda piŋ, ku raan cie këde Nhialic ka cïï këda ee piŋ. Ŋïny ŋic wok wëi ke yic, ku wëi ke lueth kï.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.