Jɔn 16:2 - JAM DE NHIALIC 2011

² We bïï kɔc cieec ë ɣööt ke Nhialic yiic, yeka kööl abɔ̈, kööl bï raan näk week e lueel ë yepiɔ̈u an, looi ka ke Nhialic.

Jɔn 16:2 Iomraidhean Croise

Yith 65:5

Ku ëtɛ̈ɛ̈n ja lɛ̈k kɔc kɔ̈k an, “Yak röt mɛ̈ɛ̈c në wolɔ̈m, wok ɣeriic ka wek cï rɔ̈ŋ bäk wo jak! Yɛn cïï kɔc cït ee kakë duëër piŋ, agönhdï wo keek acït many cie liu.

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Danyel 11:33

Bäny pelnïïm ke kɔc abïk pɛlënɔmden rɔm në kɔc juëc kɔ̈k. Ku të thiinë kɔc kɔ̈k në keyiic abïï keek nɔ̈k tɔŋ, ku näk kɔ̈k në many dɛ̈p, ku kɔ̈k abï keek peec ke ke mac.

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Math 24:9

E aköölkë ke we bï yiɛ̈n kɔc, kɔc bï we luöi kërac, ku näkkï week abäk thou, ku we bï maan ë juöör ëbɛ̈n në baŋ de rinkï.

Luk 6:22

“Thieithieei week, të mɛɛnë kɔc week, ku të tɔ kek wek ë kɔc mɛɛn, ku të lɛ̈ɛ̈t kek week, ku të reec kek rinkun tɔkï ke nhiany, në baŋ de Wën ë Raan!

Jɔn 12:42

Ku aa de kɔc juëc ë bäny yiic tei, bäny ceŋ piny, kɔc cï këde gam, ku në biäk de Parithai aake kën gam ë kethook, ke ke cïï bï cieec ɣön ë Nhialic:

Jɔn 16:25

Kakë acä ke lɛ̈k week ë kɛ̈ŋ yiic: ku kööl abɔ̈, kööl cän bï bɛ jam wokë week ë kɛ̈ŋ, we bä guiëër ka ke Wäär ë gɔk.

Jɔn 16:32

Wɔikï, kööl abɔ̈, yeka bɔ̈yë ënɔɔnë, kööl bï we thiäi wei, lɔ ŋɛk tëde ku lɔ ŋɛk tëde, ku nyääŋkï ya piny yatök: ku yɛn cïï tɔ̈u a tök, luɔi nu Wäär kekë ɛn.

Jɔn 4:21

Go Yecu lueel an, “Tiiŋë, gam këdï an, ade kööl bï bɛ̈n kööl bä wek Wääda lam thïn, ku acie kuurë nɔm, ku acie Jeruthalem aya.

Jɔn 4:23

Ku ade kööl bɔ̈, ku anu ënɔɔnë, kööl bïï kɔc wääda lam thïn në wëi ku në yic, kek kɔc ee läm yic kɔɔr: ku Wääda ee kɔc cït keek kɔɔr bïk aa kɔc ë ye lam.

Jɔn 9:22

Kakë aake lueel wun kekë man, në riɔ̈ɔ̈c riɔ̈ɔ̈c kek ë Judai: Judai aake cï kethook mat an, të de yen raan gam en an, ee Kërtho, ka bï ciɛɛc biic ɣön ë Nhialic.

Jɔn 9:34

Gokï bɛ̈ɛ̈r yöökkï an, “Yïn aa dhiëth ë këracic liŋliŋ, ku bä wook wɛ̈ɛ̈t?” Agokï ciɛɛc biic.

Luɔi 5:33

Na wën, aa cïk kënë piŋ ke ke guutë piɔ̈ɔ̈th, gokï löŋ cam an, bïk ke nɔ̈k.

Luɔi 7:56

Go lueel an, “Tiëŋkï, paannhial a wɔi acï yeyic liep, ku wɔi Wën ë Raan ke kääc ë baŋ cuëny de Nhialic!”

1 Kor 4:13

lëkë wo kërac, ke wo läŋ kɔc: wo cï tɔ ye nuöön ë piny nɔm, ku tɔ wook ee ayil ë käŋ kedhie aɣet cï ee köölë.

Pilipoi 3:6

në këde lɛ̈th lɛ̈th ɛn yic, yɛn ë ɣön ë Nhialic yɔŋ, në këde piathëpiɔ̈u nu ë löŋic, yɛn cïn kë bï a gɔ̈k.

Nyuuth 6:9

Na wën, aacï adöŋ ee kek dhïc kuɛ̈k bei, ke ya tïŋ wëi ke kɔc ë yïïŋ de läm thar kɔc ɣɔn cï nɔ̈k ë baŋ de jam ë Nhialic ku në luɔi ee kek cäätɔɔ ë löŋ döt:

Bäny 6:30

Ago kɔc ke wut Jowac yɔ̈ɔ̈k, an, “Wëndu abï nɔ̈k, në luɔi cï yen yïŋ de Baal jäp piny, ku në luɔi cï yen tiim kuöt nïïm ku cï kïn de Acera thiääk në yïk yɛp piny.”