3 Ku week we cï guɔ piath në jam cä lɛ̈k week.
Go Yecu yɔ̈ɔ̈k an, “Raan cä waak, acïn tëdak ë ye, ee wɛ̈k bï e waak cök etök, ku cï guöp ɣɛɛr ëbɛ̈n: ku week, wek ɣer, ku acie week wedhie.”
Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.
Tɔ ke ɣerpiɔ̈ɔ̈th në yicdu: jamdu yen aye yic.
Ku në biäkden yen a ta yɛn a piɔ̈u ɣer, ke ke bï tɔ ɣerpiɔ̈ɔ̈th aya në yic.
Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,
Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:
